Maajɨ Bɛtɔ Twamagɨɨ 2:4 - Dadiya NT

⁴ Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 2:4 ပူးပေါင်းရင်းမြစ်များ

Matta 10:19

Kwama ja lungto jen, ja yɔ nǝn jen a kan borangɨ, ka jǝ́ kom lɛ dul jenɔ a jʊ nɨ jǝ́ sʊwa lɛɨ. Yʊwa Kwaamaɨ nǝ jen nǝ jʊ nɨ jǝ́ sʊwa lɛ a kwama gɨɨ.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Luka 1:15

Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ.

Luka 1:41

Kwama nɨ Alisabatu a nyʊwam diil Maryamui yal gǝn nɛɨ, nǝngɔ bwɛ nɨ a fʌl gǝnɨ a mǝgaɨ, Yʊwa Kwaamaɨ tag a yii Alisabatu.

Luka 1:67

Yʊwa Kwaamaɨ a yii tɨya gɔ Zakariyaɨ, nǝngɔ a sʊwa gɔ,

Luka 12:12

Yʊwa Kwaamaɨ mɛla jem mɛla jʊ nɨ jǝ́ sʊwa ji lɛ a kwama gɨɨ.”

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Luka 4:1

Yesu a bǝla tiyo Urdunɔ nǝngǝn nǝn Yʊwa Kwaamaɨ a bʊtɔ gǝn, wʊnɨ a jǝg gǝn a mʊgɔ kuuli.

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 20:22

A sʊwa nyɨɨ, nǝngɔ a fǝ jim fǝbǝm gǝnɨ, a sʊwa ji gɔ, “Jǝ́ yo Yʊwa Kwaamaɨ.

Maajɨ Bɛtɔ Twamagɨɨ 1:5

Yohana a yʊ nǝbɔ mwɛ sagsagɔ nǝn mwɛ. Mɨsɔ kumɔ gǝlala lɛ, jǝ yʊ jen nǝn Yʊwa Kwaamaɨ.”

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Maajɨ Bɛtɔ Twamagɨɨ 10:46

Jʊ a bwɨɨ, ja nyʊwa jǝ kiyo kɛlɔ lɛ nǝn kaam nyiyotɨn, jǝ nǝ Kwaama dʊʊn nɛ. Nǝngɔ Bitrus a sʊwa gɔ,

Maajɨ Bɛtɔ Twamagɨɨ 10:47

“Kaa nǝl wo kuwo lɛ gɔ ka ja yʊ lɛ nǝb nɨ mwɛ sagsag ka? Ji tʌji ja nya Yʊwa Kwaamaɨ kanga bǝn tǝbǝn bǝ nyaɨ.”

Maajɨ Bɛtɔ Twamagɨɨ 11:15

“Mǝ tǝl jim sʊwatǝm kɛlɨ, nǝngɔ Yʊwa Kwaamaɨ a gǝla jim dǝngdǝng kanga a gǝlam bǝm nǝn tɨkǝgaɨ.

Maajɨ Bɛtɔ Twamagɨɨ 11:24

Barnaba n nǝ nya. A yii nǝn Yʊwa Kwaamaɨ jǝbɔ nǝtǝm bɨlǝngkɛl. Nǝbɔ a lada a yǝla a bɛ a daagɔ Tɛlalɔ woi.

Maajɨ Bɛtɔ Twamagɨɨ 13:52

Nǝb bwangtǝm Kwaamaɨ a Antakiyaɨ, ja maa fulotǝm nǝl dangǝn, ja yii nǝn Yʊwa Kwaamaɨ.

Maajɨ Bɛtɔ Twamagɨɨ 13:9

Shawulu wʊnɨ jǝ jo lɛ gɔ Bulusi, a yii nǝn Yʊwa Kwaamaɨ, a ya Alimas gǝm nu.

Maajɨ Bɛtɔ Twamagɨɨ 15:8

Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ.

Maajɨ Bɛtɔ Twamagɨɨ 19:6

Bulus a ya jim kang bwiligɨɨ, nǝngɔ Yʊwa Kwaamaɨ a gǝla jimi. Nǝngɔ ja tǝl jǝ sʊwa kɛlɔ lɛ nǝn kaam nyiyotɨnɨ, jǝ sʊwa jʊ nɨ bwɨ lɛ a kǝgaɨ.

Maajɨ Bɛtɔ Twamagɨɨ 2:11

jǝbɔ nǝbɔ Karitaɨ, jǝbɔ Larabawagɔ, bǝ nyʊwa ji lɛ jǝ sʊwa kɛlɔ lɛ nǝn nyiyotɨn bǝnɔ nǝn gʌleng kanjǝl nɨ Kwaama a maaɨ!”

Maajɨ Bɛtɔ Twamagɨɨ 2:3

Nǝngɔ kaam kanjǝl na ben kǝlatɨn, a gǝla a kwɨya tʌgo a dul jinɔ gǝm win wini.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Maajɨ Bɛtɔ Twamagɨɨ 4:8

Bitrus nɨ Yʊwa Kwaamaɨ a kwɛl a yii bʊtɔ gǝnɨ, nǝngɔ a sʊwa ji gɔ, “Jǝ́ nǝb bwangtǝm nǝn nǝbɔ jǝbɔ nǝb dʊʊm nǝbɨɨ!

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Maajɨ Bɛtɔ Twamagɨɨ 6:5

Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn.

Maajɨ Bɛtɔ Twamagɨɨ 6:8

Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ.

Maajɨ Bɛtɔ Twamagɨɨ 7:55

Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ.

Maajɨ Bɛtɔ Twamagɨɨ 8:17

Nǝngɔ Bitrus jǝbɔ Yohana ja ya jim kangɨ, nǝngɔ ja yo Yʊwa Kwaamaɨ.

Maajɨ Bɛtɔ Twamagɨɨ 9:17

Nǝngɔ Hananiya a yɔɨ, a dɔ lɔgɨɨ. A ya gǝm kang a sʊwa gɔ, “Kɨla mɨ Shawulu, nǝn Tɛlalɔ a twam ɨ, wʊnɨ nǝn Yesu nʊ nɨ a tǝga ń a gola nɨ mʊ bwangtǝnɨ. Swɨ lɛ ń yǝla ń kuwo daa, sǝ ja yii ń nǝn Yʊwa Kwaamaɨ.”

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 13:1

Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili.

1 Korinti 13:8

Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ.

1 Korinti 14:18

N buu Kwaama gǝm kang mǝ sʊwa kɛl lɛ nǝn kaam nyiyo a laa a jenɔ gwam.

1 Korinti 14:5

Mǝ swɨ lɛ gwam jenɔ jǝ́ sʊwa kɛl nǝn kaam nyiyo. Jʊ mǝ swɨ lɛ a laa jǝlɨ, jǝ́ maa kuwotǝmkǝga. Nʊ nɨ a maa kuwotǝmkǝgaɨ, a laa nʊ nɨ a sʊwa kɛl nǝn kaam nyiyoi. Na kaa nǝl fɛta fɛta nǝbɔ jʊ nɨ gǝ sʊwa lɛɨ, ga fɛ mʊrkalɨ nǝb bwangtǝm Kwaamaɨ.

Afisa 3:19

N maa keli mǝʊ jǝ́ nyǝm swɨtǝm nɨ Kiristi maa bǝm lɛɨ, wʊnɨ a laa laaɨ kwaan nyǝmtǝmɨ, sǝ ja yii jen pʌd nǝn yiitǝm Kwaamaɨ.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

2 Bitrus 1:21

Jʊ a bwɨɨ mɨ kaa kɛl kuwotǝmkǝga nɨ wo a bɛ a bʊʊlalɨ nǝfilii. N Yʊwa Kwaamaɨ a dɔ nǝl nǝbɨɨ a dǝg ji sǝ ja sʊwa jʊ ja yo a daagɔ Kwaama woi.