Maajɨ Bɛtɔ Twamagɨɨ 2:38 - Dadiya NT

³⁸ Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 2:38 ပူးပေါင်းရင်းမြစ်များ

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 3:6

Jǝ sʊwa bwɨlangkɛl jinɔ lɛ. Yʊ ji mwɛ sagsagɔ lɛ a tiyo Urdun.

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Markus 1:15

Sʊwa lɛ gɔ, “Kwamagɔ a la! Fɔlɔn lɔ Kwaamaɨ a dwama! Jǝ́ yǝla jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn fulon kɛl lǝmɨ nɨɨ.”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Luka 3:10

Nǝngɔ kʌm nǝbɨɨ a bʌ gǝn gɔ, “Wɛ nǝ maa lɛ kǝngkɨɨ?”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 10:48

Nǝngɔ Bitrus a nǝ ji diilɔ gɔ ja yʊ ji mwɛ sagsagɔ a mʊgɔ dun Yesu Kiristii. Nǝngɔ ja kela gǝn gɔ ga sʊtǝn kumtɨnɔ dǝm a daa ji woi.

Maajɨ Bɛtɔ Twamagɨɨ 13:38

“A dul kɛl nɨ kɛtǝlam mɨɨ, mǝ swɨ lɛ jǝ́ nyǝm, n kɛl dul Yesui ja kǝlǝm jem bwɨlangkɛl jeni.

Maajɨ Bɛtɔ Twamagɨɨ 16:15

Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 22:16

Kǝngkɔ n wɛ mʊ yam lɛɨ? Gun ja yʊ ń mwɛ sagsagɔ, ja saalǝm bwɨlangkɛl mʊnɔ a gola jotǝm dun Tɛlalɔɨ.’

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 26:20

Mǝ tǝl sʊwatǝm nǝbɔ Dimaskaɨ kɛl Kwaamaɨ, nǝngɔ a la nǝbɔ Urushalimaɨ jǝbɔ Yahudiyagɔ, nǝngɔ a la Bʌtʌbi, mǝʊ ja bǝla bwɨlangkɛl jinɔ ja yǝla a daa Kwaama woi, sǝ ja maa kanjǝl nɨ nʊng lɛ ja yǝla ja bǝla bwɨlangkɛl jini.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Maajɨ Bɛtɔ Twamagɨɨ 8:12

Nǝn kwama ja nyʊwam fulon kɛl lǝmɨ nɨ Filibus a sʊwa ji a dul fɔlɔn lɔ Kwaamaɨ jǝbɔ dun Yesu Kiristii, nǝngɔ gwam jinɔ ja yʊ ji mwɛ sagsagɨɨ, batǝm jǝbɔ nɔɔtǝm.

Maajɨ Bɛtɔ Twamagɨɨ 8:20

Nǝngɔ Bitrus a sʊwa gǝn gɔ, “Mɔ jǝbɔ kemʌn mʊnɔ bɛ jǝ́ bʊla, na mʊ kuwo lɛ n kemʌn mʊnɔ mʊ nya nǝtǝm lǝma Kwaamaɨ lɛɨ!

Roma 6:3

Jǝ́ nyǝm bɔ jengɔ bǝn nɨ gwam ja yʊ bǝn mwɛ sagsag a mʊgɔ Kiristi Yesui, n mʊgɔ bwaa gǝn ja yʊ bǝn mwɛ sagsagɨɨ ka?

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.