Maajɨ Bɛtɔ Twamagɨɨ 2:30 - Dadiya NT

³⁰ Gɔ n nǝkuwotǝmkǝga. A nyǝm Kwaama a maa gǝm swatǝm yaa jǝbɔ wɛɛlɨ, gɔ kaa nǝl win a mʊgɔ dʊʊm gǝnɔ gǝm, gwi gwi kotere fɔlɔn gǝnɔ.

Maajɨ Bɛtɔ Twamagɨɨ 2:30 ပူးပေါင်းရင်းမြစ်များ

Matta 22:43

Nǝngɔ Yesu a sʊwa ji gɔ, “Dauda nǝn kwaan Yʊwa Kwaamaɨ, a jo gǝn gɔ, ‘Tɛlalɔ,’ a maa nyǝn? Dauda gɔ,

Matta 27:35

Ja kʊʊ gǝnɨ, nǝngɔ ja wɔɔ dwang dʊʊl gǝnɔ ja gam kwannya nǝnɨ.

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Roma 15:12

Ishaya a sʊwa tag gɔ, “Kaa nʌl jel jel a dʊʊm Yessei, nʊ nɨ gun nɛ sǝ a maa fɔlɔn a dul Bʌtʌbi, N daa gǝ woi Bʌtʌbɔ ya nǝl lɛɨ.”

2 Timoti 2:8

Bɛ ń bʊʊla nǝn Yesu Kiristi, nʊ nɨ ja gung a bwaaɨ, a guu Daudaɨ, kanga fulon kɛl lǝmɨ nɨ mǝ sʊwa lɛɨ a mɛlaɨ,

Ibranii 1:1

Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.

Ibranii 3:7

N dul kɛl nɨ, kanga Yʊwa Kwaamaɨ a sʊwa gɔ, “Dwiyen na jǝ́ nyʊwa diil gǝnɨ,

Ibranii 4:7

Nǝngɔ tag a yǝla a ya kaa kumi, a jo gɔ, “Dwiyen.” Joltɨnɔ a gǝlala a shui, a sʊwa kɛl a nyiyo Daudaɨ kanga ja kwɛl ja sʊwa gɔ, “Dwiyen, na jǝ́ nyʊwa diil gǝnɨ, ka jǝ́ maa lɛ bǝngɨ lɔl.”

Ibranii 6:17

Kwaama tǝgǝn swɨ lɛ a nʊng nǝbɔ jʊ nɨ gǝ maa swatǝm yaa mɨsɔ gǝ fʌto lɛ woi, gǝ nʊng nǝn wɛɛlɨ.

Ibranii 7:21

A gǝnɔ a yǝlam nǝkǝla nǝn wɛɛlɨ nǝn kwama Kwaama a sʊwa gǝn gɔ, “Tɛlalɔ a wɛɛl mɨsɔ fʌto kɛl gǝnɔ lɛ gɔ, ‘Mʊ n nǝkǝla, mɨ dɨtǝm wo.’ ”

2 Bitrus 1:21

Jʊ a bwɨɨ mɨ kaa kɛl kuwotǝmkǝga nɨ wo a bɛ a bʊʊlalɨ nǝfilii. N Yʊwa Kwaamaɨ a dɔ nǝl nǝbɨɨ a dǝg ji sǝ ja sʊwa jʊ ja yo a daagɔ Kwaama woi.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

Dʊgam Nyangnyang 19:16

Ja mʊla kaa dun a bɛllɛ gǝnɔ gǝm jǝbɔ kulong gǝnɔ gɔ, “FƆLƆ FƆLƆLƆMƗ JƏBƆ TƐLALƆ TƐLALƆTƗNƗ.”