Maajɨ Bɛtɔ Twamagɨɨ 2:23 - Dadiya NT

²³ Yesu nɨ, ja nǝ gǝn a kang jeni kanga Kwaama a fɛkam nǝn nyǝmtǝm gǝn nǝn tɨkǝgaɨ, jǝ́ kʊʊ gǝn, jǝ́ jʌ gǝn, a kang nǝb bwɨlamɨ.

Maajɨ Bɛtɔ Twamagɨɨ 2:23 ပူးပေါင်းရင်းမြစ်များ

Matta 20:19

Sǝla ja nǝ Bʌtʌbɔ, sǝ ja mog gǝn, ja tʊm gǝn, ja kʊʊ gǝn a dʌbʌl tɨya kʊʊtǝm. A kum na taal gun gun.”

Matta 26:24

Bʊla Nǝlɨ shu shu kanga ja mʊla a dul gǝnɨ. N mwɛ nʊ nɨ a lungto Bʊla Nǝlɨ! Na a bʊm nyɔ ja bʌ gǝn bɔ.”

Matta 27:35

Ja kʊʊ gǝnɨ, nǝngɔ ja wɔɔ dwang dʊʊl gǝnɔ ja gam kwannya nǝnɨ.

Markus 15:24

Nǝngɔ ja kʊʊ gǝnɨ. Ja wɔɔ dwang dʊʊl gǝnɔ ja gam kwannya nǝn sǝ ja kuwo nʊ nɨ a kʊm jin nya lɛɨ.

Luka 22:22

Bʊla Nǝlɨ bʊla bʊla kanga ja fɛkaɨ. N mwɛ nʊ nɨ a lungto gǝnɨ.”

Luka 22:37

Mǝ sʊwa jen nɛ, jʊ ja mʊla a kɛl Kwaamaɨ yii yii a dul mɨ gɔ, ‘Ja mʊr gǝn a mʊgɔ nǝb bwɨlangkɛl.’ Jʊ ja sʊwa a dul mɨɨ, kwama yiitǝm gǝnɔ a la.”

Luka 23:33

Ba ja la daagɔ jǝ kʊʊm gǝn nɛɨ, wʊnɨ jǝ jo lɛ gɔ kwasɨ duli, nǝngɔ ja kʊʊ gǝn jǝbɔ nǝbkuumɔ nɨ yoi, win a gwanga kang jajǝng, win a gwanga kang fɔlɔng gǝn.

Luka 24:20

Dʊʊm nǝbkǝlamɔ jǝbɔ nǝb fɔlɔn tǝm bǝnɔ n nǝbɔ a nǝ ji Yesui, sǝ ja mwatɨ gǝm borang jʌtǝm, ja kʊʊ gǝnɨ.

Yohana 19:18

N daagɔ ja kʊʊm Yesu jǝbɔ kaam nǝb yoi, win a kang jajǝng, win a kang fɔlɔng gǝn.

Yohana 19:24

Nǝngɔ ja sʊwaka a bʊtɔ jin gɔ, “Bɛ ka bǝ wʊl lɛ bɛllɛ nɨ. Bǝ gam kwannya nǝngǝn, sǝ bǝ kuwo nʊ nɨ ku jelʌn nɛɨ.” Jʊ nɨ a bwɨ nyɔ sǝ ja yii mʊlalɨ kɛl Kwaamaɨ sʊwa lɛ gɔ, “Ja tǝga dwangtɨn mǝndɨ a kʊm jin. Bɛllɛ mǝndɨ ja gam kwannya nǝngǝn.” N jʊ sʊwajaamtɨnɔ a maaɨ.

Maajɨ Bɛtɔ Twamagɨɨ 13:27

N wɔ nǝbɔ Urushalimaɨ jǝbɔ nǝb dʊʊmɔ ja nyǝm bɔ gɔ nǝn Nǝbʊʊlɨ. Ja nyǝm bɔ kɛl nǝbkuwotǝmkǝgagɨɨ, wʊnɨ jǝ kiyo lɛ nǝn Kum Fǝbtǝmɨ. Ja yii kɛl nǝbkuwotǝmkǝgagɨɨ nǝn kwama ja mwatɨ Yesu gǝm borangɨ.

Maajɨ Bɛtɔ Twamagɨɨ 15:18

Tɛlalɔ nɨ a maa kanjǝlɔ gwamɨ, a sʊwa nyɨɨ.’ “A nʊng kanjǝl nɨ joltɨnɔ a gǝlala.

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 3:18

Kwaama a yii jʊ nɨ a sʊwa a nyiyo nǝbkuwotǝmkǝgagɔ gwamɨ gɔ, Kiristi gǝnɔ nyʊwa nyʊwa gaalan.

Maajɨ Bɛtɔ Twamagɨɨ 4:28

Ja mʊrka sǝ ja maa kanjǝl nɨ gwam wʊnɨ mʊ fɛkaɨ, wʊnɨ bwɨ lɛɨ, a dul kwaan mʊnɔ jǝbɔ bʊʊlalɨ mʊnɨ.

Maajɨ Bɛtɔ Twamagɨɨ 5:28

“Nǝn gʊ lɔl jenɔ dangǝn nǝn gɔ ka jǝ́ yǝla lɛ tag jǝ́ maa mɛlalɨ a mʊgɔ dun nɨ. N wɔ jǝ́ yii mʊgɔ Urushalimagɔ nǝn mɛlalɨ jenɔ. Jǝ́ swɨ lɛ jǝ́ tʊng nǝm tʊʊm bwaa bwɛ nɨɨ a dul nǝn.”

Maajɨ Bɛtɔ Twamagɨɨ 5:30

Kwaama tʊgalam bǝnɨ a gung Yesu, wʊnɨ jǝ́ jʌ gǝn a dʌbʌl tɨya kʊʊtǝmɨ.

Maajɨ Bɛtɔ Twamagɨɨ 7:52

A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Roma 2:12

Nǝb nɨ a maa bwɨlangkɛl ja nyǝm bɔ diil woi, jǝ kala kala ke bɔ a gola diil. Nǝb nɨ a maa bwɨlangkɛl a mʊgɔ diili, jǝ maa jim maa borang a gola diil.

Roma 4:17

Kanga a mʊla mʊlaɨ gɔ, “N dǝg ń ń yǝlam tɛ a bǝlǝntǝmɔ gǝm a lada.” Nǝn gɔ nǝn tɛtɛ bǝn a kǝga Kwaamaɨ, wʊnɨ ga nǝ bɨlǝngkɛl a daa gǝ woi. Nǝn gɔ nǝ kʊlɨ lɛ a bʌlʌntɨnɨ. Nǝn gɔ nǝn kwaan jotǝm jʊtǝb nɨ mɨ woi a yǝlam woi.

1 Tasalonikaɨ 2:15

N nǝbɔ a jʌ Tɛlalɔ Yesu jǝbɔ nǝbkuwotǝmkǝgagɨɨ, ja kaa nǝnɨ. Mɨ jǝ maa maajɨ nɨ lɛ Kwaama swɨ lɛɨ. N nǝb kɔtǝm nǝbɨɨ gwam.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

1 Bitrus 2:8

nǝngɔ tag, “N tɛl nɨ dǝg nǝbɔ fǝtǝm naa lɛɨ, nǝn gɔ dǝg yalatǝm lɛɨ.” Ja maa fǝtǝm naa a kɛlɔ gǝm, jʊ a bwɨɨ ja kɔ bwangtǝm kɛl gǝnɔ. N jʊ a yǝlam jim nyɨɨ.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.