Maajɨ Bɛtɔ Twamagɨɨ 2:22 - Dadiya NT

²² “Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Maajɨ Bɛtɔ Twamagɨɨ 2:22 ပူးပေါင်းရင်းမြစ်များ

Matta 12:28

Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.

Matta 2:23

A shu ya yɨ nǝn gɔ a kaa tuulɔ nɨ jǝ jo lɛ gɔ Nazaratɨ, sǝ a yii jʊ ja sʊwa a nyiyo nǝbkuwotǝmkǝgagɨɨ gɔ, “Jǝ jo gǝn gɔ Bwɛ Nazarat.”

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Luka 11:20

Na mǝ jǝg nǝblaamɔ nǝn kwaan Kwaamaɨ, a nʊng fɔlɔn lɔ Kwaamaɨ a bɛ jem.

Luka 18:37

Nǝngɔ ja sʊwa gǝn gɔ, “Nǝn Yesu Bwɛ Nazarat shu lɛɨ.”

Luka 24:18

Kaa win a kʊm jin dun gǝnɔ nǝn Kiliyobas, a bʌ gǝn gɔ, “Nǝmɔ mʊ faabɨ kwaamɔ win a Urushalima mʊ nyǝm bɔ jʊ nɨ a bwɨ a mʊgɔ kumtɨn nɨ ka?”

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Yohana 10:37

Na ke bɔ maajɨ gɔ Tɛtɛ mɨ maa lɛɨ, nǝn gɔ mǝ maa lɛɨ, ka jǝ́ nǝ lɛ bɨlǝngkɛl a daa mɨ woi.

Yohana 11:47

Nǝngɔ dʊʊm nǝbkǝlamɔ jǝbɔ nǝbɔ Farisaɨ ja mʊr nǝb dʊʊm koteregɨɨ. Ja bʌbko a bʊtɔ ji gɔ, “Wɛ bǝ maa lɛɨ? Balɨ nɨ wɔ maa kanjǝl laatǝm kang lɛ a lada nyɔ.

Yohana 12:17

Nǝb nɨ jǝ dakini kwama a jom Liazaru a jelʌm a tuui, a gung gǝn a bwaaɨ, nǝngɔ jǝ sʊwa nǝbɔ jʊ nɨ lɛ Yesu a maaɨ.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 19:19

Bilatus a maa kaa mʊlalɨ, wʊnɨ ja ga tʌgo a tɨya kʊʊtǝm gǝnɔ gǝmɨ. Jʊ nɨ a mʊlaɨ gɔ, “yesu n bwɛ nazarat, fɔlɔ yahudawagɨɨ.”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 4:48

Nǝngɔ Yesu a sʊwa gǝn gɔ, “Na jǝ́ kuwo bɔ kanjǝl nʊngtǝm jǝbɔ jǝ laatǝm kangɨ, mɨsɔ jǝ́ nǝ bɨlǝngkɛl lɛ.”

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 6:14

Nǝbɔ a kuwo jǝ laatǝm kang nɨ Yesu a maaɨ, nǝngɔ ja sʊwa gɔ, “Bɨlǝngkɛl, nʊ nɨ nǝn gɔ nǝkuwotǝmkǝga nɨ ja sʊwa gɔ bɛ lɛ a yooli nɨɨ!”

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 9:33

Na nʊ nɨ a jel bɔ a daagɔ Kwaama woi, na mɨsɔ dwal lɛ a maa kaa jǝl.”

Maajɨ Bɛtɔ Twamagɨɨ 13:16

Nǝngɔ Bulus a gun a tɨ tɨɨ, a gung kang gǝnɔ gɔ nǝbɔ a yɨ shig, nǝngɔ gɔ, “Kɛtǝlam mɨ nǝbɔ Israilaɨ, jǝbɔ tangǝn nǝb nyʊwatǝm taal Kwaamaɨ, jǝ́ nyʊwa ɨ!

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Maajɨ Bɛtɔ Twamagɨɨ 2:19

Mǝ nʊng nʊng kanjǝl laatǝm kang a dʌbʌl kwama, jǝbɔ kanjǝl nʊngtǝm a yooli nɨɨ, mǝ nʊng nʊng nǝn tʊʊm, jǝbɔ kǝla jǝbɔ yulʌn fili.

Maajɨ Bɛtɔ Twamagɨɨ 2:43

Taalɔ a ta nǝbɔ gwam, jʊ a bwɨɨ bɛtɔ twamagɔ maa kanjǝl laatǝm kang lɛ jǝbɔ nʊngtǝm kanjǝl tatǝm kang a nyiyo a lada.

Maajɨ Bɛtɔ Twamagɨɨ 21:28

Jǝ gaba wulong lɛ jǝ sʊwa lɛ gɔ, “Kambɔ, nǝbɔ Israilaɨ, jǝ́ tɨka nǝn! N nʊ nɨ bwangtǝn daatɨnɔ lɛ soga nǝbam bǝnɔ lɛ, jǝbɔ diil bǝnɨ, jǝbɔ Kan Kwaaman bǝnɨ. A bɛ nǝn kaam nǝbɔ Girikaɨ a mʊgɔ Kan Kwaaman. A kal daa sagsagɔ.”

Maajɨ Bɛtɔ Twamagɨɨ 22:8

“Nǝngɔ mǝ jǝla mǝʊ, ‘Nǝmɔ mʊ wo, Tɛlalɔ?’ “Nǝngɔ a sʊwa ɨ gɔ, ‘Nǝmǝ mǝ Yesu Bwɛ Nazarat wʊnɨ mʊ nǝ gǝn gaalan nɛɨ.’

Maajɨ Bɛtɔ Twamagɨɨ 24:5

“Nǝn nya balɨ nɨ n nǝ kutʌm, bɛ lɛ nǝn kutʌmɔ a lada a kʊm Yahudawagɨɨ a yooligɔ gǝm gwam. Nǝn gɔ dʊʊ nǝb nɨ bwangtǝn balɨ nɨ lɛ a jel a Nazaratɨ.

Maajɨ Bɛtɔ Twamagɨɨ 26:26

Fɔlɔgɔ a nyǝm katɨ nɨ. Mǝ sʊwa gǝn kɛlɔ mɨ taal wo. N nǝ bɨlǝngkɛl a nyʊwa jʊtǝb nɨ gwam, jʊ a bwɨɨ ke bɔ daddad ja maaɨ.

Maajɨ Bɛtɔ Twamagɨɨ 26:9

“Mǝ nǝn kang mɨ galɨgǝn n kuwo n dǝngdǝng n maa kanjǝlɔ a gǝlala, wʊnɨ kal dun Yesu Bwɛ Nazarat nɨ lɛ mɨsɔ ja kǝga lɛɨ.

Maajɨ Bɛtɔ Twamagɨɨ 3:12

Nǝn kwama nɨ Bitrus a kuwo nyɨɨ, nǝngɔ a sʊwa nǝbɔ kɛlɨ gɔ, “Jǝ́ nǝbɔ Israilaɨ, n wɛ a bwɨ jǝ́ ta kang a nyiyoi? N wɛ a bwɨ tag jǝ́ dʌng nǝn nɛ, maamɔ jʊ nɨ nǝ maaɨ, nǝ maa nǝn kwaan dul nǝnɨ? N ke bɔ dǝgtǝm dul nǝn a bwangtǝm Kwaamaɨ a dǝg bwɛ nɨ yɔmɨ.

Maajɨ Bɛtɔ Twamagɨɨ 3:6

Nǝngɔ Bitrus gɔ, “Kemʌnɔ jǝbɔ mʊnɔ mɨ mǝ nǝn. Jʊ mǝ nǝnɨ, mǝ nǝ ń nǝ ń. A mʊgɔ dun Yesu Kiristii bwɛ Nazaratɨ, gun, yɔ yɔmɔ.”

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Maajɨ Bɛtɔ Twamagɨɨ 5:35

Nǝngɔ a sʊwa nǝb yɨmɔ gɔ, “Jǝ́ nǝbam mɨ nǝbɔ Israilaɨ, bɛ jǝ́ fɛ jǝ́ dʌng jʊ nɨ jǝ́ swɨ lɛ jǝ́ maa nǝb nɨ gǝmɨ.

Maajɨ Bɛtɔ Twamagɨɨ 6:14

Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”

2 Korinti 12:12

Kwaama a maa daltɔ jǝ tatǝm kang a nyiyo jǝbɔ jǝ nʊngtǝm a mʊgɔ jen a gola mɨ. Mǝ maa kanjǝl nɨ nǝn bɨtǝm nǝl. Kanjǝl laatǝm kang nɨ a nʊng mǝ bwɛ twama nǝn bɨlǝngǝn.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.