Maajɨ Bɛtɔ Twamagɨɨ 2:11 - Dadiya NT

¹¹ jǝbɔ nǝbɔ Karitaɨ, jǝbɔ Larabawagɔ, bǝ nyʊwa ji lɛ jǝ sʊwa kɛlɔ lɛ nǝn nyiyotɨn bǝnɔ nǝn gʌleng kanjǝl nɨ Kwaama a maaɨ!”

Maajɨ Bɛtɔ Twamagɨɨ 2:11 ပူးပေါင်းရင်းမြစ်များ

Maajɨ Bɛtɔ Twamagɨɨ 2:10

jǝbɔ nǝbɔ Firijiyaɨ, jǝbɔ a Bamfiliyaɨ, jǝbɔ a Masarɨ, jǝbɔ a dʌng Kurane nɨ a tǝm Libiyaɨ, jǝbɔ faabǝm nɨ a Romaɨ, jǝbɔ a Yahudawagɨɨ, jǝbɔ nǝb nɨ a dǝg dul jinɔ a yǝlam Yahudawaɨ,

Maajɨ Bɛtɔ Twamagɨɨ 2:12

Ja ta kang a nyiyo, dul jinɔ a bwam, jǝ sʊwaka lɛ a bʊtɔ ji gɔ, “Jʊ nɨ gǝ nʊng wɛ?”

Maajɨ Bɛtɔ Twamagɨɨ 27:12

Ja kuwo daa tɨm tɨyamwɛngɔ a Likiya a bʊm bɔ tɨyamwɛngɔ a ja shenagɔ woi, nǝngɔ kɔrɔ jinɔ a jǝla gɔ jǝ sʊtǝn yɔmɔ, kɛna jǝ la Finikiya lɛɨ, sǝ jǝ maa shenagɔ wo. Finikiyagɔ na kaa daa tɨm tɨyamwɛng a Karita, tǝm nɨ a tɨbǝl wɨmaɨ, wʊnɨ dʌng gǝlalǝng diyengɔ lɛɨ jǝbɔ gwilʌng diyengi.

Maajɨ Bɛtɔ Twamagɨɨ 27:13

Yʊwagɔ a tǝl fʌl bɛ lɛ a gǝlalǝng dǝm dǝmɨ, nǝngɔ nǝbɔ dʌng lɛ gɔ laa gaalan jinɔ a nya ywatǝm. Nǝngɔ ja gʊ ankagɔ (kemʌn nɨ a tuu tuui), ja bwangtǝn a keli Karitaɨ, tǝm nɨ a tɨbǝl wɨmaɨ.

Maajɨ Bɛtɔ Twamagɨɨ 27:7

Nǝn maa kum jǝbɔ kumtɨn nǝn yɔ lɛ nǝn lǝma nyɔ. Nǝn dɔta nǝn yɔ nǝn dɔɔm jǝbɔ Kinidasɨ. Yʊwagɔ a kaa nǝn jatǝm kǝgaɨ, nǝngɔ nǝn kɛla a gwanga nɨ mɨ yʊwa woi, a gul Karita a tǝm nɨ a tɨbǝl wɨmaɨ, wʊnɨ a kɔtʌgo a Salmonii.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

Galatiya 1:17

Mǝ yɔ bɔ a Urushalima a daagɔ nǝb nɨ a laa ɨ yǝlamtǝm bɛtɔ twamaɨ. Jʊ mǝ maaɨ, mɨ tatǝm bʊtɔ wo, nǝngɔ mǝ shu a tǝm Larabawagɨɨ, nǝngɔ la mǝ yǝla mǝ bɛ a Dimaskaɨ.

Galatiya 4:25

Hajaratu gǝ nʊng Yem Sinai a tǝm Larabawagɨɨ. Nǝn gɔ nʊngtǝm Urushalima a kǝngkɨɨ, jʊ a bwɨɨ gɔ jǝbɔ bɛtɔ lɔ gɨɨ jǝ jwaalɛb.

Titus 1:12

Kaa nǝl a kʊm nǝbkuwotǝmkǝga a Karita a sʊwa gɔ, “Nǝbɔ Karitaɨ kwangkwang n nǝb gabakɛl, bwɨlang yʊwaltɨn, nǝb sʊla, nǝb jam.”

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.