Maajɨ Bɛtɔ Twamagɨɨ 19:16 - Dadiya NT

¹⁶ Nǝngɔ nʊ nɨ nǝngǝn nǝn bwɛlaaɨ a mɔ a yal tʌgo a ji gǝmɨ, a laa kwaan jinɔ gwamɨ. Ja gun ja jela a lɔgɔ kʊnkʊn nǝn sʊgɔl, bʊtɔ jinɔ gwam dɛɛbǝl.

Maajɨ Bɛtɔ Twamagɨɨ 19:16 ပူးပေါင်းရင်းမြစ်များ

Markus 5:15

Nǝngɔ ba ja nya Yesu yǝm jǝbɔ nʊ nɨ nǝn yʊwa bwɨla a ladaɨ. A dʊʊ dwang nyantɨn, dul gǝnɔ win. Nǝngɔ taalɔ a ta jii.

Luka 8:29

Jʊ a bwɨ a sʊwa nyɨɨ, Yesu a kwɛl a sʊwa yʊwa bwɨlagɔ gɔ a jelʌm a daa gǝ woi. Yʊwa bwɨlagɔ maa maajɨ lɛ nǝn gɔ a kʊta. Nǝbɔ tɔɔ gǝn nɛ tɔɔɨ. Kang gǝnɔ jǝbɔ naa gǝnɔ gwam ja bwabam bwabamɨ nǝn golman. Na yʊwa bwɨlagɔ a gung gǝnɨ, a tulolam golmanɔ sǝ a shu nǝn gɔ a kuul.

Luka 8:35

Nǝbɔ a jel ba kuwo jʊ nɨ a bwɨɨ. Nǝngɔ ja bɛ a daa Yesu woi, ba ja nya nʊ nɨ nǝblaamɔ a jelʌm a bʊtɔ gǝnɨ, yǝm a kǝga Yesui gǝm. A dʊʊ dwang nyanɔ. Dul gǝnɔ kwamɨgǝn. Nǝngɔ taalɔ a ta jii.

Maajɨ Bɛtɔ Twamagɨɨ 19:15

Yʊwa bwɨlagɔ a jǝla ji gɔ, “Yesu n nyǝm gǝn. Bulus tǝgǝn n nyǝm gǝn. A jenɔ, jen nǝn wo?”

Maajɨ Bɛtɔ Twamagɨɨ 19:17

Gwam nǝb nɨ yǝm a Afisaɨ, Yahudawagɔ jǝbɔ Bʌtʌbɔ, ja nyʊwa fulon kɛl nɨɨ, nǝngɔ taalɔ a ta jii. Nǝngɔ ja nǝ dun Tɛlalɔ Yesui dʊʊnɨ.

Maajɨ Bɛtɔ Twamagɨɨ 3:8

Nǝngɔ a gun dǝbǝr a tɨ sɨnɨ, a tǝl yɔmɨ, a dɔ mʊgɔ Kan Kwaamanɔ jǝbɔ ji, yɔ lɛ, mɔba lɛ, bǝlá Kwaama lɛ.

2 Bitrus 2:19

Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.