Maajɨ Bɛtɔ Twamagɨɨ 18:2 - Dadiya NT

² N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.

Maajɨ Bɛtɔ Twamagɨɨ 18:2 ပူးပေါင်းရင်းမြစ်များ

Maajɨ Bɛtɔ Twamagɨɨ 11:28

Win a kʊm jin wʊnɨ jǝ jo lɛ gɔ Agabusi, a gun a tɨ tɨɨ a sʊwa kɛlɔ nǝn kwaan Yʊwa Kwaamaɨ gɔ jǝ maa maa gʌleng jʊwan bwɨla a yooligɔ gǝm gwam. (Jʊ nɨ a bwɨ nǝn kwama fɔlɔn Kalaudiyasɨ).

Maajɨ Bɛtɔ Twamagɨɨ 18:18

A gul jʊ nɨ, nǝngɔ Bulus a sʊ kumtɨnɔ a lada a Korintii. Nǝngɔ a bǝla nǝb bwangtǝmɨ. A dɔ tɨyamwɛngɔ dakini jǝbɔ Bilkisu jǝbɔ Akila ja ta gola ja shu a Suriyaɨ. Ya jǝ gun nɛɨ, nǝngɔ Bulus a bʊtɨm dul gǝnɔ a Kankiriyaɨ, jʊ a bwɨɨ a do wɛɛlɨ.

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.

Maajɨ Bɛtɔ Twamagɨɨ 2:9

N wɔ bǝ nǝbɔ Fartiyaɨ, jǝbɔ nǝbɔ Madanaɨ, jǝbɔ nǝbɔ Elemaɨ, jǝbɔ nǝbɔ tǝm Bagadazaɨ, jǝbɔ a Yahudiyaɨ, jǝbɔ a Kafadokiyaɨ, jǝbɔ a Fantasɨ, jǝbɔ a Asiyaɨ,

Maajɨ Bɛtɔ Twamagɨɨ 27:1

Ja fɛka kanga nǝ gun nɛ a tɨyamwɛng nǝn shu a Italiyaɨ, nǝngɔ ja dǝg Bulus jǝbɔ kaam nǝb golmanɔ a kang kaa dʊʊ sʊwajaam dunɔ nǝn Yuliyas, a nya Kaisarɨ.

Maajɨ Bɛtɔ Twamagɨɨ 27:6

A daa gɔ nǝngɔ dʊʊ sʊwajaam nɨ a nya kaa tɨyamwɛng Iskandariyaɨ, wʊnɨ shu lɛ a tǝm Italiyaɨ, nǝngɔ a dǝg nǝn woi.

1 Korinti 16:19

Mʊrkalɨtɨn nǝb bwangtǝm Kwaamaɨ a Asiyaɨ, yal jen nɛ. Akila jǝbɔ Bilkisu jǝbɔ mʊrkalɨ nǝb bwangtǝm Kwaamaɨ nɨ mʊrka lɛ a lɔ jii, jǝ yal jen nɛ dangǝn a mʊgɔ dun Tɛlalɔɨ.

2 Timoti 4:19

Bɛ ń yal mɨ Bilkisu jǝbɔ Akila, jǝbɔ nǝbɔ lɔ Onisifarasɨ.

Ibranii 13:24

Jǝ́ yal nǝb dʊʊm jenɔ, jǝbɔ nǝb bwangtǝm Kwaamaɨ gwam. Nǝb nɨ fɔ a tǝm Italiyaɨ yal jen nɛ.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.