Maajɨ Bɛtɔ Twamagɨɨ 18:18 - Dadiya NT

¹⁸ A gul jʊ nɨ, nǝngɔ Bulus a sʊ kumtɨnɔ a lada a Korintii. Nǝngɔ a bǝla nǝb bwangtǝmɨ. A dɔ tɨyamwɛngɔ dakini jǝbɔ Bilkisu jǝbɔ Akila ja ta gola ja shu a Suriyaɨ. Ya jǝ gun nɛɨ, nǝngɔ Bulus a bʊtɨm dul gǝnɔ a Kankiriyaɨ, jʊ a bwɨɨ a do wɛɛlɨ.

Maajɨ Bɛtɔ Twamagɨɨ 18:18 ပူးပေါင်းရင်းမြစ်များ

Matta 4:24

Fulon gungtǝm nǝbɔ gǝ maa lɛɨ, a la tǝm Suriyagɔ gwam. Nǝbɔ bɛ gǝm lɛ nǝn nǝb bɔɔlamɔ jǝbɔ nǝb twɨlagɔ, jǝbɔ nǝb yʊwa bwɨlagɔ, jǝbɔ nǝb jwigɔ, jǝbɔ nǝbɔ bʊtɔgɔ a swam swamɨ, a gung ji gwam.

Markus 6:46

A ywa jii, nǝngɔ a gwi kaa yem sǝ a maa keli woi.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:41

Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.

Maajɨ Bɛtɔ Twamagɨɨ 18:2

N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.

Maajɨ Bɛtɔ Twamagɨɨ 18:27

Nǝn kwama Afolos swɨ lɛ ya dʌng tǝm Akayagɨɨ, nǝb bwangtǝmɔ a tɨka gǝn. Ja mʊla nǝb bwangtǝmɔ gǝm a Akayaɨ sǝ ja yo gǝn kangɔ yo. A la fʌleni, a yǝlam gʌleng nǝ tɨkalɨ a daagɔ nǝb bwangtǝmɔ woi, nǝb nɨ a gola lǝmaɨ, ja nǝ bɨlǝngkɛlɨ.

Maajɨ Bɛtɔ Twamagɨɨ 21:23

“A dul kɛl nɨ bɛ maa jʊ nǝn sʊwa ń nɛɨ. Nǝn nǝn nǝbɔ naal fɔ wʊnɨ ja wɛɛl wɛɛlɨɨ.

Maajɨ Bɛtɔ Twamagɨɨ 21:24

Bɛ ń yɔ jǝbɔ ji a Kan Kwaaman, ya ń saal dul mʊnɔ jǝbɔ a jinɔ gwam. Bɛ ń ywa kemʌn sǝ ja bʊtɨ jim dulɔ. A gola maatǝm nyɔ nǝbɔ gwam nyǝm nyǝm gɔ gwam jʊ nɨ ja sʊwa a dul mʊnɨ n gabakɛl. Jǝ kuwo kuwo mʊ kɨla diilɔ lɛ.

Maajɨ Bɛtɔ Twamagɨɨ 21:3

Kanga nǝn mal nugɔ nǝn kuwo Sayifurus lɛɨ, tǝm nɨ a tɨbǝl wɨmaɨ, nǝn ya gǝn nǝn kang fɔlɔng. Nǝngɔ nǝn ja kǝga nǝn yɔmɨ, nǝn yɔ a tǝm Suriyaɨ. Nǝngɔ nǝn gǝla a Tayaɨ. N daagɔ tɨyamwɛngɔ shigʌm kanjǝl gǝnɔ lɛ a doi.

Roma 16:1

Mǝ nʊng jen kɨla bǝn nɔɔlɨgɔ Fibi lɛ. N nǝ maajɨ a mʊrkalɨ nǝb bwangtǝm Kwaamaɨ nɨ a tuulɔ Kankiriyaɨ.

1 Korinti 9:20

A daagɔ Yahudawagɔ woi, n yǝlam na bwɛ Yahuda, sǝ n gʊ Yahudawagɔ a daa Kiristi woi. A daagɔ nǝb nɨ a mʊgɔ diili, n yǝlam na nʊ nɨ a mʊgɔ diili, sǝ n gʊ nǝb nɨ a mʊgɔ diili a daa Kiristi woi. (Mǝ dul mɨ, mɨ mǝ a mʊgɔ diil.)

Galatiya 1:21

Nǝn gul tag, n shu a tǝm Suriya jǝbɔ Kilikiya.