Maajɨ Bɛtɔ Twamagɨɨ 17:5 - Dadiya NT

⁵ A kaam Yahudawagɨɨ n kɛl nungon, nǝngɔ ja mʊrka kaam nǝb yʊwam a gamdʌboi. Ja mʊrka gwamɨ, nǝngɔ ja gung nǝl nǝbɔ tuulɔ gɨɨ. Ja gun tʌgo a lɔ Yasoni, jǝ swɨ lɛ ja jǝg Bulus jǝbɔ Sila, sǝ ja bɛ nǝn ji a kǝga mʊrkalɨ nǝbɨɨ.

Maajɨ Bɛtɔ Twamagɨɨ 17:5 ပူးပေါင်းရင်းမြစ်များ

Matta 27:18

A kwɛl a nyǝm nyǝmɨ n kɛl nungon ja bwa Yesu ja nǝ gǝnɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Maajɨ Bɛtɔ Twamagɨɨ 17:13

Kwama nɨ Yahudawa nɨ a Tasalonikaɨ a nyʊwa fulonɔ gɔ Bulus kiyo kɛl Kwaamaɨ lɛ a Biriyaɨ, nǝngɔ ja yɔ fʌlen tʌji ya ja fǝ dul mʊrkalɨ nǝbɨɨ, jǝ gung nǝl jinɔ lɛɨ.

Maajɨ Bɛtɔ Twamagɨɨ 17:6

Ja nya ji bɨɨ, nǝngɔ ja gʊ Yason jǝbɔ kaam nǝb bwangtǝmɔ. Ja yɔ nǝn ji a kǝga nǝb gartǝm borang tǝm gɨɨ, jǝ ga kwaalɨgɔ lɛ, jǝ sʊwa lɛ gɔ, “Nǝb nɨ n nǝb gungtǝm nǝl nǝbɨɨ a yooli nɨ gwam. N wɔ ja bɛ fɔ tag.

Maajɨ Bɛtɔ Twamagɨɨ 17:7

Yason tǝgǝn a shig ji. Gwam jinɔ ja kǝl diil Kaisarɨ. Jǝ sʊwa lɛ gɔ kaa fɔlɔ wo, dun gǝnɔ nǝn Yesu.”

Maajɨ Bɛtɔ Twamagɨɨ 17:9

Nǝn kwama ja yo kemʌn jǝgtǝm dul a kang Yasoni jǝbɔ tangǝn jini, nǝngɔ la ja dem jim kangɨ.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 19:40

Bɨlǝngǝn, mǝ kuwo lɛ Romagɔ tuwo bǝn tuwo nǝn tǝltǝm kutʌm, wʊnɨ mɨsɔ bǝ mwɨ lɛ bǝ sʊwa jʊ a bɛ nǝnɨ.”

Maajɨ Bɛtɔ Twamagɨɨ 7:9

“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ.

Roma 16:21

Timoti fwalɨ maajɨ mǝndɨ, yal jen nɛ. A na nyɔ Lukiyas jǝbɔ Yason jǝbɔ Susibataras, kɛtǝlam mǝndɨ, jǝ yal jen nɛ.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

2 Korinti 11:26

N yɔ yɔmɔ a lada. N nyʊwa gaalan a tiyotɨn. N nyʊwa gaalan a kang nǝb wultǝmɨ. N nyʊwa gaalan a kang nǝbam nǝnɨ. N nyʊwa gaalan a kang Bʌtʌbi. N nyʊwa gaalan a tuulɔtɨn. N nyʊwa gaalan a yǝla. N nyʊwa gaalan a wɨmatɨn. N nyʊwa gaalan tag a kang kɛtǝlam gabakɛlɔ woi.

Galatiya 5:21

jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

Yakubu 4:5

Kɛl Kwaamaɨ a sʊwa gɔ, “Kwaama maa nungon nɛ a dʊʊmɨ nɨ ga dǝg a bʊtɔ bǝnɨ.” Jǝ́ kuwo lɛ mʊlalɨ kɛl Kwaamaɨ a sʊwa nǝn kwan ka?