Maajɨ Bɛtɔ Twamagɨɨ 17:11 - Dadiya NT

¹¹ Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 17:11 ပူးပေါင်းရင်းမြစ်များ

Matta 13:23

Dʊʊm nɨ a yal a tǝm nyaɨ, gǝ nʊng nʊ nɨ a nyʊwa kɛl Kwaamaɨ, a nyǝm, maa maajɨ lɛ nǝnɨ, jǝg dʊʊmɔ lɛɨ, kaamɨ fʊlkʊb win win, kaamɨ fʊltǝnukun nukun, kaamɨ fʊtǝtaal taal.”

Luka 1:2

Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ.

Luka 11:3

Nǝ bǝn jǝjalǝn dwiyenɔ jǝbɔ a tangǝn kumtɨnɔ.

Luka 16:29

“Nǝngɔ Ibrahim a jǝla gǝn gɔ, ‘Ji nǝn langǝn bwangǝn Musaɨ jǝbɔ a nǝbkuwotǝmkǝgagɔ. Bɛ ja nyʊwa jʊ nǝb nɨ a sʊwa jii.’

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 3:21

Nǝb nɨ maa jʊ nɨ lɛ dǝngdǝngɨ, jǝ bɛ lɛ a daagɔ nyalǝmɔ woi, sǝ nyalǝmɔ a nʊng maajɨ nɨ ja maaɨ ja bwangtǝn diil Kwaamaɨ.”

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 11:1

Bɛtɔ twamagɔ jǝbɔ tangǝn nǝb bwangtǝmɔ a Yahudiyaɨ, ja nyʊwa gɔ Bʌtʌbɔ a yo kɛl Kwaamaɨ.

Maajɨ Bɛtɔ Twamagɨɨ 17:1

Nǝn kwama Bulus jǝbɔ Sila ja kɛla a tuulɔ Amfibolisɔ jǝbɔ Afoloniyagɨɨ, nǝngɔ ja la Tasalonikaɨ, a daa nɨ kaa kan mɛlalɨ Yahudawagɨɨ woi.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

2 Tasalonikaɨ 2:10

Maa maa maajɨ nǝn kanjǝl bwɨla sǝ a swag nǝb nɨ a gola bʊlatǝmɨ, jʊ a bwɨɨ ja kɔ swɨtǝm bɨlǝngkɛl wʊnɨ jǝ bʊʊm lɛɨ.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.