Maajɨ Bɛtɔ Twamagɨɨ 16:9 - Dadiya NT

⁹ Nǝn kum Bulus a dʊga dʊgam nyangnyang, a kuwo kaa nǝ tǝm Makidoniya tɨm kela gǝn nɛ gɔ, “Bɛ a Makidoniya, ba tɨka nǝn.”

Maajɨ Bɛtɔ Twamagɨɨ 16:9 ပူးပေါင်းရင်းမြစ်များ

Maajɨ Bɛtɔ Twamagɨɨ 10:3

Kaa di kemʌnɔ taal nǝn kwaamɨ, a kuwo kaa bwɛ twama Kwaamaɨ a mʊgɔ dʊgam nyangnyang. A bɛ a daa gǝ woi a sʊwa gɔ, “Karniliyas!”

Maajɨ Bɛtɔ Twamagɨɨ 10:30

Nǝngɔ Karniliyas a jǝla gɔ, “Kumɔ taal nɨ a shui, kang kwama nɨ, kemʌnɔ taal na kwaamɨ, mǝ maa keli lɛ a lɔ mɨ. Nǝngɔ kaa balɨ a tɨ a kǝga mɨɨ, dwang malǝng gǝnɔ beta lɛ nyɔ.

Maajɨ Bɛtɔ Twamagɨɨ 16:10

Bulus a kuwo dʊgam nyangnyang nɨɨ, tʌgo a kang nǝngɔ nǝn fɛka nǝn shu a Makidoniyaɨ, jʊ a bwɨɨ nǝn nyǝm nǝn Kwaama a jo nǝn gɔ ya nǝn sʊwa ji fulon kɛl lǝmɨ nɨɨ.

Maajɨ Bɛtɔ Twamagɨɨ 16:12

A daa gɔ, nǝngɔ nǝn shu a Filibi wʊnɨ a mʊgɔ fɔlɔn Romaɨ, nǝn gɔ n dalɨ tuulɔ gwanga tǝm Makidoniyaɨ. Nǝngɔ nǝn maa kumtɨn woi.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 19:21

A gul kanjǝl nɨ, Bulus a bʊʊla a nǝl gǝn gɔ, na gǝ kɛla tǝm Makidoniyagɔ jǝbɔ Akayaɨ, gǝ yi a Urushalima. A sʊwa tag gɔ, “Na n yɔ fʌleni, ya mǝ kuwo kuwo dalɨ tuulɔ Romagɔ.”

Maajɨ Bɛtɔ Twamagɨɨ 19:22

Nǝngɔ a twam nǝb tɨkalɨ gǝnɔ yoi, Timoti jǝbɔ Arastas, a Makidoniyaɨ. Gǝ tǝgǝn a tɨ dǝm a tǝm Asiyaɨ.

Maajɨ Bɛtɔ Twamagɨɨ 19:29

Nǝngɔ tuulɔngɔ a komaɨ. Nǝngɔ nǝbɔ a gun nǝn sʊgɔl, ja shu a daa mʊrkalɨɨ, jǝ gʊ Gayus lɛ jǝbɔ Aristarkus, nǝbɔ Makidoniyaɨ, fatǝm yɔm Bulusi.

Maajɨ Bɛtɔ Twamagɨɨ 20:1

Kwama kutʌm nɨ a dɨmɨ, nǝngɔ Bulus a jo nǝb bwangtǝmɨ. A kʊʊ jim nǝlɨ, nǝngɔ a wʊlaka jǝbɔ ji a shu a tǝm Makidoniyaɨ.

Maajɨ Bɛtɔ Twamagɨɨ 20:3

A maa bwaala taal wo. Fɛka dɔtǝm tɨyamwɛngɔ lɛ sǝ gǝ shu a tǝm Suriyaɨ, Yahudawagɔ a maa gǝm bwɨlang fɛkalɨ. N dul kɛl nɨ a yǝla a shu a Makidoniyaɨ.

Maajɨ Bɛtɔ Twamagɨɨ 27:2

Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.

Maajɨ Bɛtɔ Twamagɨɨ 9:38

Liddagɔ a kɔtʌgo a Yafa, nǝb bwangtǝm Kwaamaɨ ja nyʊwa gɔ Bitrus gǝ na a Liddaɨ, nǝngɔ ja twam nǝbɔ yo a daa gǝ woi. Ja kela gǝn gɔ ga bɛ a daa ji woi dǝbǝr.

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.

2 Korinti 11:9

Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.

2 Korinti 12:7

Ja dǝg mɨ kaa bɔɔla kage ya n gung dul lɛ a daltɔ kanjǝl nʊngtǝm nɨ ja maa mɨɨ. Bɔɔla nɨ a yǝlam mɨ na shola a bʊtɔ, wʊnɨ Mammɔ a twam, dɨsɔ ya nɨ ɨ gaalan nɛɨ, kage ya n gung dul lɛ.

2 Korinti 7:5

Nǝn kwama nɨ nǝn bɛm a tǝm Makidoniyaɨ, bʊtɔ nǝnɔ a nya bɔ fǝbtǝm. Jǝ nǝ nǝn gaalan nɛ a golantɨnɔ gǝm gwam. A yooli, kutʌmɔ wo, a mʊgɔ nǝl nǝn, taalɔ wo.

2 Korinti 8:1

Kambɔ, nǝn swɨ lɛ jǝ́ nyǝm lǝma nɨ Kwaama a nǝ mʊrkalɨtɨn nǝb bwangtǝm Kwaamaɨ nɨ a tǝm Makidoniyaɨ.

2 Korinti 9:2

Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

1 Tasalonikaɨ 4:10

N bɨlǝngǝn jǝ́ swɨ kambɔ gwam a tǝm Makidoniyaɨ. Nǝn kel jen nɛ kambɔ, jǝ́ sʊtǝn maatǝmɔ nǝn bɨlǝngǝn dangǝn.