Maajɨ Bɛtɔ Twamagɨɨ 16:6 - Dadiya NT

⁶ Nǝngɔ ja kɛla tǝm Firijiyagɔ jǝbɔ Galatiyaɨ, jʊ a bwɨɨ Yʊwa Kwaamaɨ a kaa ji wo a sʊwatǝm kɛl Tɛlalɔɨ a Asiya.

Maajɨ Bɛtɔ Twamagɨɨ 16:6 ပူးပေါင်းရင်းမြစ်များ

Luka 1:2

Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ.

Maajɨ Bɛtɔ Twamagɨɨ 10:19

Bitrus maa bʊʊlalɨ lɛ a dul dʊgam nyangnyang nɨɨ, nǝngɔ Yʊwa Kwaamaɨ a sʊwa gǝn gɔ, “Saminu, nǝbɔ wɔ taal jǝ saa ń nɛ.

Maajɨ Bɛtɔ Twamagɨɨ 11:12

Nǝngɔ Yʊwa Kwaamaɨ a sʊwa ɨ gɔ, n bwang jim, bɛ ka n nʊng lɛ kɔkan a tɨbǝl mɨ nǝbɔ ji. Kɛtǝlam nɨ nukuni, ja gun ja ywa ɨ. Nǝn dɔ lɔ Karniliyasɨ nǝbɔ ji a Kaisar.

Maajɨ Bɛtɔ Twamagɨɨ 16:7

Nǝn kwama ja bɛ a yǝga tǝm Misiyaɨ, jǝ swɨ lɛ ja yɔ a tǝm Bitiniyaɨ, Yʊwa Yesui a jǝla jim bɔ.

Maajɨ Bɛtɔ Twamagɨɨ 18:23

A daa kum wo dǝm a Antakiyaɨ, nǝngɔ a gun a kɛla tǝm Galatiyagɔ jǝbɔ tǝm Firijiyagɨɨ. Bwangtǝn tuulɔtɨnɔ lɛ. Nǝ nǝb bwangtǝmɔ kʊtǝm nǝl lɛ.

Maajɨ Bɛtɔ Twamagɨɨ 19:10

A ja kǝga nǝn maatǝmɔ nyɔ jolɔ yo. Gwam nǝb nɨ yǝm a tǝm Asiyaɨ ja nyʊwa kɛl Tɛlalɔɨ, Yahudawagɔ jǝbɔ Bʌtʌbɔ gwam.

Maajɨ Bɛtɔ Twamagɨɨ 20:16

Bulus a ya nǝl gɔ mɨsɔ gǝ shu lɛ a Afisa, kage gǝ kal kwama a Asiya. Gaala nu lɛ swɨ lɛ na gǝ la Urushalima, sǝla kum Dikulom Fentikosɔ a la.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 20:4

Sabataras bwɛ Biriyaɨ, bʊla Burusi, jǝbɔ Aristarkus jǝbɔ Sakundus nǝbɔ Tasalonikaɨ, jǝbɔ Gayus bwɛ Darbaɨ, jǝbɔ Timoti, jǝbɔ Tikikus jǝbɔ Tarofimas nǝbɔ Asiyaɨ, ya ja ywa gǝnɨ.

Maajɨ Bɛtɔ Twamagɨɨ 21:27

Kum nʌbʌlɔ ya yii lɛɨ, kaam Yahudawagɔ a Asiyaɨ ja kuwo Bulus a Kan Kwaamanɨ, nǝngɔ ja swir mʊrkalɨ nǝbɨɨ a ta gǝnɨ.

Maajɨ Bɛtɔ Twamagɨɨ 6:9

Nǝngɔ kaam nǝbɔ a kan mɛlalɨ nɨ jǝ jo lɛ gɔ “Nǝb jǝgtǝm duli” wʊnɨ ja bɛ a Kuranei, jǝbɔ Iskandariyaɨ, jǝbɔ kaamɨ a tǝm Kilikiyaɨ, jǝbɔ Asiyaɨ, ja gun tʌgo a Istifanus gǝm nǝn gʊbkatǝmɨ.

Maajɨ Bɛtɔ Twamagɨɨ 8:29

Nǝngɔ Yʊwa Kwaamaɨ a sʊwa Filibus gɔ, “Yɔ bɨtʌgo a kʌntʌlʌn tʊwa kemʌn nɨ gǝm.”

Roma 16:5

Jǝ́ yal mʊrkalɨ nǝb bwangtǝm Kwaamaɨ nɨ tag mʊrka lɛ a lɔ ji. Jǝ́ yal Abainitas, fwal mɨ nyangǝn. Nǝn gɔ nǝn tɨkǝga a yǝlam nǝ bwangtǝm Kiristii a tǝm Asiyaɨ.

1 Korinti 12:11

Gwam jinɔ Yʊwagɔ win wʊnɨ maa maajɨ nɨ lɛɨ, nǝn gɔ tǝga ji lǝmagɔ lɛɨ, kanga ga swɨɨ.

1 Korinti 16:1

Kǝngkɔ, a kɛl kɛtǝm kemʌn maatǝm tɨkalɨ mʊrkalɨ nǝb bwangtǝm Kwaamaɨ, kanga mǝ sʊwa nǝb bwangtǝmɔ a Galatiyaɨ, n kanga jǝ́ maam lɛ tʌjeni.

1 Korinti 16:19

Mʊrkalɨtɨn nǝb bwangtǝm Kwaamaɨ a Asiyaɨ, yal jen nɛ. Akila jǝbɔ Bilkisu jǝbɔ mʊrkalɨ nǝb bwangtǝm Kwaamaɨ nɨ mʊrka lɛ a lɔ jii, jǝ yal jen nɛ dangǝn a mʊgɔ dun Tɛlalɔɨ.

2 Korinti 1:8

Kambɔ, nǝn swɨ lɛ jǝ́ nyǝm gaalanɔ nǝn nɔɔ a tǝm Asiyaɨ, nǝn nyʊwa nǝn bʊtɔ dangǝn. Jʊ nɨ a laa kwaan nǝnɔ. Nǝn do maamɔ mɨsɔ nǝn jel lɛ nǝn kʊlɨ.

Galatiya 1:2

Gwam kambɔ nɨ dakini jǝbɔ mǝ fǝɨ, nǝn yal mʊrkalɨtɨn nǝb bwangtǝm Kwaamaɨ nɨ lɛ a Galatiyaɨ.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

2 Timoti 1:15

Ń nyǝm nyɔ, pʌd nǝbɔ a tǝm Asiyaɨ ja yǝla mɨ gul, Fijalas jǝbɔ Harmajanas wo a kʊm jin.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.

Dʊgam Nyangnyang 1:11

Sʊwa lɛ gɔ, “Mʊla jʊ mʊ kuwo a mʊgɔ langǝn bwangǝnɨ, sǝ ń twam mʊrkalɨ nǝb bwangtǝm Kwaamaɨ nɨ gǝm daatɨnɔ nʌbʌli, bǝ Afisa jǝbɔ Simirna jǝbɔ Birgamas jǝbɔ Tayatira jǝbɔ Sardisu jǝbɔ Filadalfiya jǝbɔ Lawudikiya.”

Dʊgam Nyangnyang 1:4

A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,