Maajɨ Bɛtɔ Twamagɨɨ 16:25 - Dadiya NT

²⁵ Nǝn sangdɨlang, Bulus jǝbɔ Sila jǝ maa keli lɛ, jǝ mala nafɨ bǝlátǝm Kwaamaɨ lɛ, nǝb nɨ a lɔsomii nyʊwa ji lɛ.

Maajɨ Bɛtɔ Twamagɨɨ 16:25 ပူးပေါင်းရင်းမြစ်များ

Luka 22:44

Jʊ nɨ gɔ a mʊgɔ gaalan dangǝnɨ, a sʊtǝn keligɔ, mɨbamɔ jel lɛ a bʊtɔ gǝn na tʊʊm tǝla lɛ a tǝm.

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 16:19

Nǝbam bwɛnɔɔlɨ nɨ ja kuwo ja mwatɨm gola jǝ nyatǝm kemʌn jini, nǝngɔ ja ta Bulus jǝbɔ Silaɨ, nǝngɔ ja gʊ ji ja yɔ nǝn a mʊgɔ gamdʌbo a daa nǝb maatǝm borangɔ woi.

Maajɨ Bɛtɔ Twamagɨɨ 16:33

Tʌgo a kang nǝn kum gɔ a wɔɔ ji ya saalǝm jim dɛɛbǝlɔ. Tʌgo a kang nǝngɔ ja yʊ gǝn mwɛ sagsagɔ jǝbɔ nǝbam gǝnɨ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 5:3

A sʊtǝnɨ, bǝ maa lɨyal lɛ nǝn nɔɔtǝm gaalan bǝnɔ. Bǝ nyǝm nɔɔtǝm gaalanɔ nǝn gɔ gǝ bɛ lɛ nǝn bwatǝm nǝlɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

Afisa 5:19

Bɛ jǝ́ ma nafɨ Zaburaɨ, jǝbɔ nafɨtɨn bǝlátǝm, jǝbɔ nafɨgɔ Yʊwagɔ a nǝ jeni. Bɛ jǝ́ ma nafɨ, jǝ́ bǝlá Tɛlalɔ nǝn nǝl jenɔ gwam.

Filibii 2:17

Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Ibranii 5:7

Yesu nǝn kwama yɨm gǝnɔ a yoolii, a maa kelitɨn jǝbɔ jitǝm wi nǝn kwaan nǝn mwɛ num. A maa nyɔ a nʊ nɨ nǝn fɔlɔn bʊʊ lɛ nǝn gɔ a bwaaɨ. A nyʊwa keli nɨ ga maa nǝn shigtǝm duli.

Yakubu 1:2

Kɛtǝlam mɨ, bɛ jǝ́ dǝg gaalantɨn nɨ tɛl nǝtǝm bɨlǝngkɛl jenɔ lɛɨ a yǝlam jǝ fulotǝm nǝl.

Yakubu 5:13

Na kaa nǝl wo a kʊm jen a mʊgɔ gaalanɨ, bɛ ga maa keli. Na kaa wo a mʊgɔ fulotǝm nǝlɨ, bɛ ga ma nafɨ bǝlátǝm.

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.