Maajɨ Bɛtɔ Twamagɨɨ 16:18 - Dadiya NT

¹⁸ A tɨtǝn maatǝmɔ nyɔ kumtɨnɔ a gǝlala. Nǝngɔ Bulus a nyʊwa nabwɨlɨ, a yǝla a sʊwa bwɛlaa nɨ gɔ, “N sʊwa ń a mʊgɔ dun Yesu Kiristii, bǝla gǝn.” A tʌgo a kang nǝngɔ a bǝla gǝnɨ.

Maajɨ Bɛtɔ Twamagɨɨ 16:18 ပူးပေါင်းရင်းမြစ်များ

Matta 14:24

A kwama gɔ tɨyamwɛngɔ gǝ na a tɨbǝl wɨma, a kʊta jǝbɔ kʌng wɨmagɔ. Yʊwa mwɛmɔ mǝg tɨyamwɛngɔ lɛ. Yʊwagɔ kom ji lɛ.

Markus 1:34

Gung nǝb nɨ lɛ mɨ kwamɨgǝn twɨla jinɔ a gǝlalaɨ. A jǝg nǝblaamɔ a lada, a jǝla bɔ nǝblaamɔ a sʊwa kɛl, jʊ a bwɨɨ, ja nyǝm gǝn.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Luka 9:1

Nǝngɔ a jo kʊb jeli yo nɨɨ, a nǝ ji kwaan jǝbɔ fɔlɔn jǝgtǝm nǝblaamɨ, jǝbɔ gungtǝm nǝb nɨ mɨ kwamɨgǝnɨ.

Maajɨ Bɛtɔ Twamagɨɨ 3:6

Nǝngɔ Bitrus gɔ, “Kemʌnɔ jǝbɔ mʊnɔ mɨ mǝ nǝn. Jʊ mǝ nǝnɨ, mǝ nǝ ń nǝ ń. A mʊgɔ dun Yesu Kiristii bwɛ Nazaratɨ, gun, yɔ yɔmɔ.”

Maajɨ Bɛtɔ Twamagɨɨ 9:34

Nǝngɔ Bitrus a sʊwa gǝn gɔ, “Iniyasu, Yesu Kiristi a gung ń. Gun, kʊlʊm daa daalǝng mʊnɔ.” Tʌgo a kang Iniyasu a gun.

Kolosii 2:15

A wɔɔm kanjǝl tatǝm kun Mammɨ jǝbɔ kwaan nǝblaamɨ jǝbɔ fɔlɔn jinɔ, a nǝ ji gunidul a talɨ, a ku jelʌn a dʌbʌl tɨya kʊʊtǝm.