Maajɨ Bɛtɔ Twamagɨɨ 16:15 - Dadiya NT

¹⁵ Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

Maajɨ Bɛtɔ Twamagɨɨ 16:15 ပူးပေါင်းရင်းမြစ်များ

Matta 10:41

Nʊ nɨ a yo nǝkuwotǝmkǝga jʊ a bwɨɨ n nǝkuwotǝmkǝgaɨ, nya nya lǝma nǝkuwotǝmkǝgagɨɨ. Nʊ nɨ a yo nǝ dǝngdǝngɔ jʊ a bwɨɨ n nǝ dǝngdǝngɨ, nya nya lǝma nǝ dǝngdǝngɨ.

Matta 3:6

Jǝ sʊwa bwɨlangkɛl jinɔ lɛ. Yʊ ji mwɛ sagsagɔ lɛ a tiyo Urdun.

Luka 14:23

“Nǝngɔ tɛlalɔngɔ a sʊwa bwɛ jwaalɛ gǝnɔ gɔ, ‘Yɔ a gola dʊʊntɨn, jǝbɔ bɛl golan, jo nǝbɔ mʊ nyaɨ, ń bɛ nǝn ji a lɔ mɨ, sǝ ba ja yii lɔngɔ.

Luka 24:29

Nǝngɔ ja kela gǝn gɔ, “Ka ń shu lɛ. Kwama yukumɔ a kwɛl a ko.” Nǝngɔ a shu a lɔ jǝbɔ jii.

Maajɨ Bɛtɔ Twamagɨɨ 11:14

Nǝn gɔ bɛ mʊn nɛ nǝn kɛl nɨ mʊ nya bʊʊlɨ lɛ a daa gǝ woi, mɔ jǝbɔ lɔ mʊnɔ pʌd.’

Maajɨ Bɛtɔ Twamagɨɨ 16:31

Nǝngɔ ja sʊwa gɔ, “Nǝ bɨlǝngkɛl nǝn Tɛlalɔ Yesu, mʊ nya nya bʊʊtǝm, mɔ jǝbɔ nǝbɔ lɔ mʊnɔ.”

Maajɨ Bɛtɔ Twamagɨɨ 16:33

Tʌgo a kang nǝn kum gɔ a wɔɔ ji ya saalǝm jim dɛɛbǝlɔ. Tʌgo a kang nǝngɔ ja yʊ gǝn mwɛ sagsagɔ jǝbɔ nǝbam gǝnɨ.

Maajɨ Bɛtɔ Twamagɨɨ 16:34

Nǝngɔ a bɛ nǝn ji a lɔ gɨɨ, a fɛka jim jǝjalǝnɨ, nǝngɔ a tɨtǝn bǝlátǝmɨ, jʊ a bwɨɨ gǝ jǝbɔ nǝbɔ lɔ gɨɨ ja nǝ bɨlǝngkɛl a daa Kwaama woi.

Maajɨ Bɛtɔ Twamagɨɨ 18:8

Nǝngɔ Kiribus nǝ dʊʊ kan mɛlalɨgɔ, a nǝ bɨlǝngkɛl a daagɔ Tɛlalɔ woi, gɔ jǝbɔ nǝbɔ lɔ gɨɨ gwam. Kaam nǝbɔ Korintii a lada nyɔ ja nyʊwa kɛl Bulusi, ja nǝ bɨlǝngkɛl. Nǝngɔ ja yʊ ji mwɛ sagsagɨɨ.

Maajɨ Bɛtɔ Twamagɨɨ 8:12

Nǝn kwama ja nyʊwam fulon kɛl lǝmɨ nɨ Filibus a sʊwa ji a dul fɔlɔn lɔ Kwaamaɨ jǝbɔ dun Yesu Kiristii, nǝngɔ gwam jinɔ ja yʊ ji mwɛ sagsagɨɨ, batǝm jǝbɔ nɔɔtǝm.

Maajɨ Bɛtɔ Twamagɨɨ 8:38

Nǝngɔ a sʊwa nǝbam gǝnɔ gɔ ja tɨ nǝn tʊwatɨn nɨ gʊ kʌntʌlʌn tʊwa kemʌnɔ lɛɨ. Nǝngɔ ja gǝla ja yɔ ya ja dɔ mʊgɔ mwɛ nɨɨ. Nǝngɔ Filibus a yʊ nʊ nɨ ja sʊ sʊɨ mwɛ sagsagɨɨ.

Roma 16:23

Gayus, nʊ nɨ a shig i a mʊgɔ lɔ gɨɨ, nʊ nɨ yo mʊrkalɨ nǝb bwangtǝm Kwaamaɨ lɛ a mʊgɔ lɔ gɨɨ, yal jen nɛ. Arastas nǝ gol kemʌn tuulɔngɔ jǝbɔ kɨla bǝn Kawartas, jǝ yal jen nɛ.

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

2 Korinti 5:14

Swɨtǝm Kiristii a daa nǝn woi, nǝn gɔ a dǝg nǝn nǝn maa jʊ nɨ lɛ nǝ maa lɛɨ. Jʊ a bwɨɨ nǝn nǝ bɨlǝngkɛl gɔ, kaa nǝl wo a bʊla a kɛl dul nǝbɨɨ gwam, a na nyɔ, gwam jinɔ jǝ bʊla jǝbɔ gɔ.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filimon 1:17

A dul kɛl nɨ, na ń do i na fwalɨ yɨm mʊnɨ, bɛ ń yo gǝn kanga mʊ yo i.

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

2 Yohana 1:10

Nʊ nɨ a bɛ a daa jen woi, a bɛ bɔ nǝn mɛlalɨ nɨɨ, ka jǝ́ yo gǝn nɛ a lɔ jen, ka jǝ́ yal gǝn nɛ nǝn bɛtǝmɔ.

3 Yohana 1:5

Fwalɨ nyan mǝndɨ, mʊ nǝ tatǝm swatǝm yaa a tɨkalɨ nɨ mʊ maa kambɔ gǝm lɛɨ, a ga keli a faabǝmɔ gǝm.

3 Yohana 1:8

A yǝlam nyɔ bǝ tɨka nǝb nɨ, bǝ do tuutǝm jinɔ, sǝ bǝ yǝlam fatǝm maajɨ jǝbɔ ji a gola bɨlǝngkɛl.