Maajɨ Bɛtɔ Twamagɨɨ 16:14 - Dadiya NT

¹⁴ Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 16:14 ပူးပေါင်းရင်းမြစ်များ

Luka 24:45

Nǝngɔ a wum nu jinɔ sǝ ja nyǝm langǝn bwangǝn Kwaamaɨ.

Yohana 12:20

A mʊgɔ nǝb nɨ a bɛ dikulomɔ sǝ ba ja bǝlá Kwaamaɨ, kaam nǝbɔ Girikaɨ wo.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 11:21

Kwaan Tɛlalɔɨ dakini jǝbɔ ji. Nǝbɔ a lada a nǝ bɨlǝngkɛlɨ, ja yǝla a daa Tɛlalɔ woi.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 13:50

Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 16:40

Kwama Bulus jǝbɔ Sila ja jel a lɔsomii, nǝngɔ ja shu a lɔ Lidiyaɨ. Ja kuwo kambɨɨ, nǝngɔ ja kʊʊ jim nǝlɨ. Nǝngɔ ja shui.

Maajɨ Bɛtɔ Twamagɨɨ 18:7

Nǝngɔ a gun a shu a lɔ kaa balɨ nɨ jǝ jo lɛ gɔ Titus Yustusi. N nǝ bǝlátǝm Kwaamaɨ. Lɔ gǝnɔ a kɔtʌgo a kan mɛlalɨgɔ gǝm.

Maajɨ Bɛtɔ Twamagɨɨ 8:27

Nǝngɔ a gun a shui. Nǝngɔ a tǝga kaa bwɛ tǝm Itiyofiyaɨ wɔ, wʊnɨ ja sʊ sʊɨ. N nǝ dʊʊ a fɔlɔn Kandakatu, nɔɔfɔlɔ Itiyofiyaɨ. Nǝn gǝ nǝ tatǝm kemʌn nɔɔfɔlɔ nɨɨ. A bɛ a Urushalima sǝ ba maa bǝlátǝm Kwaamaɨ.

Roma 9:16

Nʊ nɨ Kwaama a jǝgǝmɨ, a na bɔ a dul jʊ nɨ nǝfili swɨ lɛɨ, ke bɔ kwaan gǝn, n bʊnatǝm Kwaamaɨ kwaagɔ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Dʊgam Nyangnyang 1:11

Sʊwa lɛ gɔ, “Mʊla jʊ mʊ kuwo a mʊgɔ langǝn bwangǝnɨ, sǝ ń twam mʊrkalɨ nǝb bwangtǝm Kwaamaɨ nɨ gǝm daatɨnɔ nʌbʌli, bǝ Afisa jǝbɔ Simirna jǝbɔ Birgamas jǝbɔ Tayatira jǝbɔ Sardisu jǝbɔ Filadalfiya jǝbɔ Lawudikiya.”

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.