Maajɨ Bɛtɔ Twamagɨɨ 15:7 - Dadiya NT

⁷ A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 15:7 ပူးပေါင်းရင်းမြစ်များ

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 3:27

Nǝngɔ Yohana a jǝla gɔ, “Mɨ nǝn nʊ nɨ nya jǝl lɛ, na ja nǝ gǝn bɔ a dʌbʌli.

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Maajɨ Bɛtɔ Twamagɨɨ 1:24

Nǝngɔ bɛtɔ twama gǝnɔ a maa keli gɔ, “Tɛlalɔ, ń nyǝm nǝl nǝbɨɨ gwam. Nʊng bǝn nʊ mʊ jǝgǝm a kʊm nǝb nɨ yoi,

Maajɨ Bɛtɔ Twamagɨɨ 10:19

Bitrus maa bʊʊlalɨ lɛ a dul dʊgam nyangnyang nɨɨ, nǝngɔ Yʊwa Kwaamaɨ a sʊwa gǝn gɔ, “Saminu, nǝbɔ wɔ taal jǝ saa ń nɛ.

Maajɨ Bɛtɔ Twamagɨɨ 10:20

Gun gǝla bwang jim. Ka ń kɨɨ lɛ nǝl. Nǝmǝ mǝ twam jii.”

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 15:14

Saminu a nǝ fulon kɛl nɨ kanga Kwaama a tǝl dʌngtǝm Bʌtʌbi, kanga a do kaam nǝbɔ a kʊm jin a yǝlam a gɨɨ.

Maajɨ Bɛtɔ Twamagɨɨ 15:2

Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 15:39

Kɔkatǝm nɨ a dǝg ji wʊlakatǝm. Barnaba a do Markus, ja dɔ tɨyamwɛngɔ ja shu a tǝm nɨ a tɨbǝl wɨma jǝ jo lɛ gɔ Sayifurusi.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 21:16

Kaam nǝb bwangtǝmɔ a Kaisarɨ ya ja ywa nǝn. Ja yɔ nǝn nǝn a lɔ Manasoni, a daagɔ nǝn shig lɛ woi. N bwɛ Sayifurus, win a mʊgɔ nǝb bwangtǝm tɨkǝgagɔ.

Maajɨ Bɛtɔ Twamagɨɨ 3:18

Kwaama a yii jʊ nɨ a sʊwa a nyiyo nǝbkuwotǝmkǝgagɔ gwamɨ gɔ, Kiristi gǝnɔ nyʊwa nyʊwa gaalan.

Maajɨ Bɛtɔ Twamagɨɨ 4:25

Mʊ sʊwa kɛl mʊnɔ a daagɔ Yʊwa Kwaamaɨ woi, a nyiyo bwɛ jwaalɛ mʊnɔ, tʊga bǝn Daudaɨ, mɔʊ, “ ‘N wɛ a bwɨ Bʌtʌbɔ a mɔ nabwɨlɨ? N wɛ bwɨ nyiyotɨnɔ a maa bʊʊlalɨ bwɨla nǝn kwanɨ?

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Filibii 2:14

Bɛ jǝ́ maa kanjǝlɔ gwam mɨ kʊngatǝm wo jǝbɔ gʊbkatǝm.