Maajɨ Bɛtɔ Twamagɨɨ 15:36 - Dadiya NT

³⁶ Ja maa kumtɨnɨ, nǝngɔ Bulus a sʊwa Barnaba gɔ, “Ba bǝ ya a tuulɔtɨn nɨ gwam bǝ kiyom kɛl Tɛlalɔɨ galɨgǝnɨ, bǝ yɔ kambɔ gǝm fɔla, bǝ yǝla ya bǝ kuwo ji.”

Maajɨ Bɛtɔ Twamagɨɨ 15:36 ပူးပေါင်းရင်းမြစ်များ

Matta 25:36

Nǝn kwama gɔ mǝ sǝlɨgǝn, jǝ́ dʊʊ mɨ dwang a bʊtɔ. Nǝn kwama gɔ mɨ mǝ kwamɨgǝn, jǝ́ tɔɔ ɨ. Nǝn kwama gɔ ja mal ɨ a lɔsomi, jǝ́ kǝsa ɨ.’

Matta 25:43

Nǝn kwama gɔ n shig jem faabǝn, jǝ́ shig i bɔ. Nǝn kwama gɔ mǝ sǝlɨgǝn, jǝ́ dʊʊ mɨ bɔ dwang a bʊtɔ. Nǝn kwama gɔ mɨ mǝ kwamɨgǝn, jǝ́ tɔɔ ɨ bɔ. Nǝn kwama gɔ ja mal ɨ a lɔsomi, jǝ́ kǝsa ɨ bɔ.’

Maajɨ Bɛtɔ Twamagɨɨ 13:12

Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.

Maajɨ Bɛtɔ Twamagɨɨ 13:4

Barnaba jǝbɔ Shawulu nǝb nɨ Yʊwa Kwaamaɨ a twam jii, ja shu a tuulɔ Salukiya. A fʌlen, nǝngɔ ja dɔ tɨyamwɛngɔ ja gǝla a tǝm Sayifurus nɨ a tɨbǝl wɨmaɨ.

Maajɨ Bɛtɔ Twamagɨɨ 13:51

Nǝngɔ ja buum kuulɔ a naa jini a dul nǝb nɨɨ, sǝ a nʊng Kwaama a maa nabwɨl jǝbɔ ji. Nǝngɔ ja shu a Ikoniyaɨ.

Maajɨ Bɛtɔ Twamagɨɨ 14:1

Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ.

Maajɨ Bɛtɔ Twamagɨɨ 14:21

Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Maajɨ Bɛtɔ Twamagɨɨ 14:6

Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii.

Maajɨ Bɛtɔ Twamagɨɨ 7:23

“Nǝn kwama a lam jolɔ fʊltǝnaalɨ, nǝngɔ a maa bʊʊlalɨ gɔ gǝ yɔ yɔ yɔm fɔla a daa kɛtǝlam gǝnɔ nǝbɔ Israilaɨ woi.

Roma 1:11

Mǝ swɨ lɛ n kuwo jen, sǝ n sʊ jem kaa nǝtǝm lǝma Yʊwa Kwaamaɨ wʊnɨ nǝ jen kwaan nɛɨ,

2 Korinti 11:28

A bwangtǝn kanjǝl nɨ gwamɨ, kwangkwang mǝ na a bwantǝm a dul mʊrkalɨ nǝb bwangtǝm Kwaamaɨ gwam.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

1 Tasalonikaɨ 3:6

N wɔ, kǝngkɔ, Timoti a yǝla a bɛ a daa jen woi. A bɛ nǝm nǝn fulon kɛl lǝmɨ a dul nǝtǝm bɨlǝngkɛl jenɔ gǝm jǝbɔ swɨtǝm jenɔ. A sʊwa nǝn kanga kwangkwang jǝ́ bʊʊla lɛ nǝn nǝnɨ, nǝn bʊʊlalɨ nyanɨ, jǝ́ ya nǝl lɛ dangǝn jǝ́ kuwo nǝn, kanga nǝn tǝnǝn nǝn ya nǝl lɛ nǝn kuwo jeni.

2 Timoti 1:4

Na nǝn kwama mǝ bʊʊla nǝn mwɛ num mʊnɨ, mǝ ya nǝl kuwotǝm mʊnɔ lɛ, sǝ n maa fulotǝm nǝl nyangǝn.