Maajɨ Bɛtɔ Twamagɨɨ 15:22 - Dadiya NT

²² Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 15:22 ပူးပေါင်းရင်းမြစ်များ

Maajɨ Bɛtɔ Twamagɨɨ 1:23

Nǝngɔ ja nʊng nǝbɔ yoi, Yusufu wʊnɨ jǝ jo lɛ gɔ Barsabaɨ, kaa dun gǝnɔ tag nǝn Yustus, jǝbɔ Matiyas.

Maajɨ Bɛtɔ Twamagɨɨ 11:19

Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 11:22

Nǝngɔ fulon kɛl nɨ a bwɨ a Antakiyaɨ, a dɔ lɔl mʊrkalɨ nǝb bwangtǝm Kwaamaɨ nɨ a Urushalimaɨ. Nǝngɔ nǝb bwangtǝmɔ a twam Barnaba a Antakiyaɨ.

Maajɨ Bɛtɔ Twamagɨɨ 11:27

N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:25

A dul kɛl nɨ, nǝn kiyo a bʊm nyɔ nǝn jǝg kaamɨ nǝn twam jem ji jǝbɔ fatǝm nyan nǝnɔ, Barnaba jǝbɔ Bulus,

Maajɨ Bɛtɔ Twamagɨɨ 15:27

Nǝngɔ nǝn twam jem Yahuza jǝbɔ Silaɨ. Nǝn kang jin ja sʊwa jen kanjǝl nɨ nǝn nyiyo jin.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 15:30

Nǝngɔ ja twam ji a Antakiyaɨ. Ja mʊr mʊrkalɨ nǝb bwangtǝm Kwaamaɨ, nǝngɔ ja nǝ ji langǝn bwangǝnɨɨ.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 15:40

A Bulusi a do Sila. Kwama nɨ nǝb bwangtǝmɔ a dǝg ji a kang Tɛlalɔɨ sǝ a kɨla jii, nǝngɔ ja shui.

Maajɨ Bɛtɔ Twamagɨɨ 16:19

Nǝbam bwɛnɔɔlɨ nɨ ja kuwo ja mwatɨm gola jǝ nyatǝm kemʌn jini, nǝngɔ ja ta Bulus jǝbɔ Silaɨ, nǝngɔ ja gʊ ji ja yɔ nǝn a mʊgɔ gamdʌbo a daa nǝb maatǝm borangɔ woi.

Maajɨ Bɛtɔ Twamagɨɨ 16:25

Nǝn sangdɨlang, Bulus jǝbɔ Sila jǝ maa keli lɛ, jǝ mala nafɨ bǝlátǝm Kwaamaɨ lɛ, nǝb nɨ a lɔsomii nyʊwa ji lɛ.

Maajɨ Bɛtɔ Twamagɨɨ 16:29

Nǝngɔ nǝ dʌngtǝm lɔsomigɔ a sʊwa gɔ ja bɛ nǝn kǝlagɔ. A gun dǝbǝr, a dɔ a mʊgɔ, a yɔ a kǝga Bulusi jǝbɔ Silaɨ, bʊtɔgɔ sʊwa mam lɛ nǝn taal.

Maajɨ Bɛtɔ Twamagɨɨ 17:10

Kumɔ a fi dangǝnɨ, nǝngɔ nǝb bwangtǝmɔ a ywa Bulus jǝbɔ Sila a gola Biriyaɨ. Ya ja la fʌlen tagɨ, nǝngɔ ja dɔ kan mɛlalɨ Yahudawagɨɨ.

Maajɨ Bɛtɔ Twamagɨɨ 17:14

Tʌgo a kang nǝngɔ nǝb bwangtǝmɔ a tʊng Bulus a nyiyo wɨmaɨ. Sila jǝbɔ Timoti ja tɨ dɨn a Biriyaɨ.

Maajɨ Bɛtɔ Twamagɨɨ 17:4

Nǝngɔ kaam Yahudawagɔ jǝbɔ nǝbɔ Girikaɨ nǝbɔ nyʊwa taal Kwaamaɨ lɛɨ, jǝbɔ nɔɔtǝm dʊʊmɔ a lada dangǝn, ja jǝla nǝn kɛl Bulusi jǝbɔ Silaɨ. Ja mʊrka dul jǝbɔ ji.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Maajɨ Bɛtɔ Twamagɨɨ 8:14

Nǝn kwama bɛtɔ twama nɨ a Urushalimaɨ a nyʊwa nǝbɔ Samariyaɨ a yo kɛl Kwaamaɨ, nǝngɔ ja twam jim Bitrus jǝbɔ Yohanaɨ.

2 Korinti 1:19

Jʊ a bwɨɨ Bʊla Kwaamaɨ, Yesu Kiristi, wʊnɨ mǝ, jǝbɔ Sila, jǝbɔ Timoti nǝn kiyo jem kɛl gǝnɨ, “Ɔɔ” gǝnɔ a nʊng bɔ “Ɔ ɔ.” Kwangkwang a gǝnɔ n bɨlǝngkɛl.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.