Maajɨ Bɛtɔ Twamagɨɨ 15:20 - Dadiya NT

²⁰ Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm.

Maajɨ Bɛtɔ Twamagɨɨ 15:20 ပူးပေါင်းရင်းမြစ်များ

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.

Maajɨ Bɛtɔ Twamagɨɨ 21:25

A Bʌtʌb nɨ ja nǝ bɨlǝngkɛlɨ, nǝn kwɛl nǝn twam jim twamɨ langǝn bwangǝn nǝn gɔ nǝn biyo borangɔ. Ka ja ja lɛ jǝjalǝn nɨ ja tǝlam twama a shomtɨnɔ gǝmɨ, ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm nam, ka ja maa lɛ bulon.”

1 Korinti 5:11

Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.

1 Korinti 6:13

Jǝjalǝnɔ ja maam fʌl. Fʌlɔ ja maam jǝjalǝn.” Kwaama kal kal gwam jinɔ yo, wʊnɨ jǝbɔ a wuleni. Bʊtɔgɔ n ke bɔ a bulon, na a Tɛlalɔɨ, Tɛlalɔ nǝn gɔ dʌng bʊtɔgɔ lɛɨ.

1 Korinti 6:18

Jǝ́ mwal bulonɔ. Pʌd tangǝn bwɨlangkɛlɔ nǝl maa lɛɨ, a ke bɔ bʊtɔ gǝnɔ na maatǝm bulonɔ. Nʊ nɨ maa bulon nɛɨ, gǝ maa bwɨlangkɛl nɨ kal bʊtɔ gǝnɔ lɛɨ.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

1 Korinti 7:2

A kaa gola a dul taal bulon, bɛ balɨ a daa nǝn nwala gɔ. Bɛ nɔɔlɨ tǝgǝn a daa nǝn bwɨla gɔ.

1 Korinti 8:1

Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Galatiya 5:19

Bʊʊlalɨ bʊtɔgɔ gǝ na a talɨ. Bʊʊlalɨ bʊtɔgɔ nǝn gɔ, maatǝm bulon, jǝbɔ yɨm nɨ mɨ sagsagɨ, jǝbɔ maatǝm jʊtǝb nɨ a bʊm bɔ kuwotǝmɨ,

Afisa 5:3

Bɛ ka jǝ́ kiyomtǝn nɛ kɛl a dul bulon jǝbɔ maajɨ kalalɨ, jǝbɔ wɛl a kʊm jen. Sʊwatǝm kɛl a dul bwɨlangkɛltɨn nɨɨ, a bʊm bɔ a kʊm nǝb sagsagɨɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Tasalonikaɨ 4:3

Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Dʊgam Nyangnyang 10:2

Nǝngǝn nǝn kaa bɛ langǝn bwangǝn nɨ a wumo wumoi a kang gǝn. A fa naa kang jajǝng gǝnɔ a dʌbʌl wɨma, naa kang fɔlɔng gǝnɔ a tǝm.

Dʊgam Nyangnyang 10:8

Diil wʊnɨ mǝ nyʊwa a dʌbʌli a sʊwa ɨ tag gɔ, “Yɔ ya do bɛ langǝn bwangǝn wʊnɨ a wumo wumoi a kang bwɛ twama Kwaamaɨ nɨ tɨm a dʌbʌl wɨma jǝbɔ tǝmɨ.”

Dʊgam Nyangnyang 2:14

“Jʊ mʊ maa bɔ dǝngdǝngɨ n wɔ, kaamɨ wo a kʊm jen jǝ bwangtǝn mɛlalɨ Balamui, wʊnɨ a mɛla Balak gǝmɨ, a dǝg nǝbɔ Israilaɨ bwɨlangkɛl jatǝm jǝjalǝn nɨ ja tǝlam shomtɨnɔ gǝm twamaɨ, jǝbɔ maatǝm bulon tag.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Dʊgam Nyangnyang 9:20

Tangǝn nǝfitʌm nɨ kanjǝl bwɨlanɔ a jʌ ji bɨɨ, ja yǝla bɔ ja bǝla jʊtǝb nɨ jǝ maa lɛ nǝn kang jini. Ja bǝla bɔ bwangtǝm nǝblaamɔ, jǝbɔ shomtɨn nɨ ja fɛ nǝn mʊnɨ, jǝbɔ maalʊɨ, jǝbɔ gwaalɨ, jǝbɔ tɛl jǝbɔ tɨyaɨ. Jʊtǝb nɨ mɨ kuwo daa lɛɨ, mɨ nyʊwa lɔl lɛɨ, mɨ yɔ yɔm lɛɨ.