Maajɨ Bɛtɔ Twamagɨɨ 14:8 - Dadiya NT

⁸ Kaa nǝl wo a Listira, wʊnɨ naa gǝnɔ a swam swamɨ. Mɨ gǝ yɔ yɔm lɛ. Jʊ a ta nǝn kwama bʌtʌm gǝnɨ.

Maajɨ Bɛtɔ Twamagɨɨ 14:8 ပူးပေါင်းရင်းမြစ်များ

Yohana 5:7

Nǝngɔ nʊ nɨ nǝn twɨlaɨ a jǝla gǝn gɔ, “Nǝ dʊʊ, mɨ mǝ nǝn nʊ nɨ tɨka ɨ lɛ n dɔ mʊgɔ gʌto nɨ nǝn kwama ja buulʌm mwɛmɨ. Na nǝn kwama mǝ dwama mwɛmɔ lɛɨ, kaa nǝl gǝ laa ɨ laa ɨ dɔtǝmɔ.”

Maajɨ Bɛtɔ Twamagɨɨ 14:21

Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Maajɨ Bɛtɔ Twamagɨɨ 14:6

Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii.

Maajɨ Bɛtɔ Twamagɨɨ 16:1

Nǝngɔ Bulus a bɛ a Darba jǝbɔ Listiraɨ. Kaa bwɛ mɛlalɨ wo a Listira dunɔ nǝn Timoti, wʊnɨ nɛnɛ gɔ n bwɛn Yahudiyaɨ, n nǝ nǝtǝm bɨlǝngkɛl. Tɨya gɔ n bwɛ Girika.

Maajɨ Bɛtɔ Twamagɨɨ 3:2

A nyanga Kan Kwaaman nɨ jǝ jo lɛ gɔ, Nyanga Bʊmɨ, kaa nǝl wo wʊnɨ jʊ a tǝl nǝn bʌtʌm gǝnɨ naatɨnɔ a swamam swamamɨ. Kwangkwang jǝ do gǝn sǝ ja yɔ nǝn a nyanga lɔng, sǝ ya kela keli lɛ a daagɔ nǝb nɨ dɔ Kan Kwaaman nɛɨ.

Maajɨ Bɛtɔ Twamagɨɨ 4:9

Dwiyen jǝ́ fɨɨ nǝn nɛ a dul jǝ nya nɨ nǝ maa nʊ nɨ gǝm naatɨnɔ a swam swamɨ. Jǝ́ swɨ lɛ jǝ́ nyǝm kanga a nya gungtǝmɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.