Maajɨ Bɛtɔ Twamagɨɨ 14:23 - Dadiya NT

²³ Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

Maajɨ Bɛtɔ Twamagɨɨ 14:23 ပူးပေါင်းရင်းမြစ်များ

Matta 17:21

Bwɛlaa nɨ mɨsɔ jel lɛ, na ke bɔ a gola keli jǝbɔ dotǝm diil mwɛɨ.]

Markus 3:14

Nǝngɔ a jǝgam nǝbɔ kʊb jeli yo a kʊm jin sǝ ja yǝlam bɛtɔ mɛlalɨ gǝnɨ, sǝ ja yɨ jǝbɔ gɔ, sǝ a twam ji a daa kiyotǝm kɛl Kwaamaɨ,

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Luka 23:46

Nǝngɔ Yesu a jo jangajǝl nǝn diil gɔ, “Tɛtɛ, mǝ bǝla kʊlɨ mǝndɨ a kang mʊn.” Kwama nɨ ga sʊwam kɛl nɨɨ, nǝngɔ a bʊlaɨ.

Maajɨ Bɛtɔ Twamagɨɨ 1:22

A bʊm nyɔ nʊ nɨ a yǝlam nʊ nɨ a yɨ jǝbɔ bǝn a tǝl nǝn kwama Yohana yʊm mwɛ sagsag lɛɨ, ba la nǝn kwama nɨ Yesu a guni, ja yɔ nǝn gɔ a dʌbʌli. A yǝlam nyɔ win a kʊm nǝb nɨ a nǝ nyiyo a guntǝm gǝnɔ a bwaaɨ jǝbɔ bǝn.”

Maajɨ Bɛtɔ Twamagɨɨ 1:24

Nǝngɔ bɛtɔ twama gǝnɔ a maa keli gɔ, “Tɛlalɔ, ń nyǝm nǝl nǝbɨɨ gwam. Nʊng bǝn nʊ mʊ jǝgǝm a kʊm nǝb nɨ yoi,

Maajɨ Bɛtɔ Twamagɨɨ 11:30

Ja maa nyɔ. Ja twam tɨkalɨ nɨ a kang Barnabaɨ jǝbɔ Shawulu, sǝ ja nǝ nǝb dʊʊm nǝb bwangtǝm nɨ a Yahudiyaɨ.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Maajɨ Bɛtɔ Twamagɨɨ 15:23

Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 15:6

Bɛtɔ twamagɔ jǝbɔ nǝb dʊʊm nǝb bwangtǝmɔ ja mʊrka sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 20:17

A Militus Bulus a twam a Afisa gɔ ja jo dʊʊm mʊrkalɨ nǝb bwangtǝm Kwaamaɨ.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

2 Korinti 8:19

A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ.

1 Timoti 5:1

Bɛ ka ń ga lɛ nǝ dʊʊ gǝm wulong. Bɛ ń sʊwa gǝn kɛlɔ na nʊ a bʌ ńi. Bayǝlǝmɔ bɛ ń do ji na kɛtǝlam mʊn.

1 Timoti 5:22

Ka ń gaala lɛ nu ń ya kaa nǝl gǝm kang bwili. Ka ń dǝg lɛ dul mʊnɔ a bwɨlangkɛl kaam nǝbɨɨ. Bɛ ń kɨla dul mʊnɔ sagsag.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.

Yakubu 5:14

Na kaa wo a kʊm jen mɨ kwamɨgǝnɨ, bɛ ga jo nǝb dʊʊm mʊrkalɨ nǝb bwangtǝm Kwaamaɨ, ja maa gǝm keli, ya ja ya gǝm nwang lɛ a mʊgɔ dun Tɛlalɔɨ.

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.

3 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla Gayus gǝm lɛɨ, nʊ nɨ mǝ swɨ lɛ nǝn bɨlǝngǝnɨ.