Maajɨ Bɛtɔ Twamagɨɨ 14:22 - Dadiya NT

²² Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 14:22 ပူးပေါင်းရင်းမြစ်များ

Matta 10:38

Nʊ nɨ a do bɔ tɨya kʊʊtǝm gǝnɔ a bwang mɨɨ, a la bɔ a yǝlam a mɨ.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 19:24

Mǝ sʊwa jen nɛ tag, bwa nɨ namtenʌm a dɔ bʊwa lalʌmʌn, na nǝ shilo dɔ dɔ fɔlɔn lɔ Kwaamaɨ.”

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Markus 9:47

Na nu mʊnɔ dǝg ń dǝg ń maatǝm bwɨlangkɛlɨ, kʊʊtam gǝn. A laa jǝl ń dɔ fɔlɔn lɔ Kwaamaɨ nǝn nugɔ win, na jǝ mal ń mal ń a mʊgɔ lɔ kǝla nǝn nugɔ yoi.

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Yohana 15:18

“Na yooligɔ a kɔ jeni, bɛ jǝ́ nyǝm a tǝl kɔtǝm mǝndɨ nǝngɔ a la jeni.

Yohana 15:20

Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 11:26

Nǝn kwama a nya gǝnɨ, nǝngɔ a yǝla a bɛ nǝn gɔ a Antakiyaɨ. Ja maa jolɔ win jǝ mʊrka lɛ jǝbɔ mʊrkalɨ nǝb bwangtǝm Kiristii. Jǝ mɛla nǝb bwangtǝmɔ gǝm lɛ a lada. Ja tǝl jotǝm nǝb bwangtǝmɔ nǝn dun gɔ, Kirista a Antakiya.

Maajɨ Bɛtɔ Twamagɨɨ 11:29

Nǝngɔ bɛtɔ mɛlalɨgɔ a nǝbka nyiyo a kʊm jin gɔ jǝ twam twam nǝbam jinɔ nɨ a mʊgɔ Yahudiyaɨ gǝm tɨkalɨ a kwaan nyatǝm jinɔ gǝm.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 14:20

Nǝn kwama nǝb bwangtǝmɔ a kang gǝnɨ, nǝngɔ a gun a dɔ mʊgɔ tuulɔngɨ. Nǝn tǝmsɛlɨ nǝngɔ a shu a Darba dakini jǝbɔ Barnabaɨ.

Maajɨ Bɛtɔ Twamagɨɨ 14:28

Ja yɨ wo kumtɨnɔ a gǝlala jǝbɔ nǝb bwangtǝmɔ.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 15:41

Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.

Maajɨ Bɛtɔ Twamagɨɨ 18:23

A daa kum wo dǝm a Antakiyaɨ, nǝngɔ a gun a kɛla tǝm Galatiyagɔ jǝbɔ tǝm Firijiyagɨɨ. Bwangtǝn tuulɔtɨnɔ lɛ. Nǝ nǝb bwangtǝmɔ kʊtǝm nǝl lɛ.

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

Filibii 1:29

A nǝ jen lǝmagɔ ke bɔ a dul nǝtǝm bɨlǝngkɛl a daagɔ Kiristi woi kwaagɔ, n gaalanɔ jǝ́ nɔɔ lɛ a kɛl dul gǝnɨ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

1 Bitrus 2:21

Kwaama a jo jen sǝ jǝ́ nɔɔ gaalan, jʊ a bwɨɨ Kiristi a nɔɔ gaalan a kɛl dul jen. A bǝla jem mɛlalɨ nɨ sǝ jǝ́ bwangtǝn.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.