Maajɨ Bɛtɔ Twamagɨɨ 14:21 - Dadiya NT

²¹ Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Maajɨ Bɛtɔ Twamagɨɨ 14:21 ပူးပေါင်းရင်းမြစ်များ

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Maajɨ Bɛtɔ Twamagɨɨ 13:14

Ja shu a kǝga Pagaɨ, ja shu a Antakiya a tǝm Bisidiyaɨ. Nǝn Kum Fǝbtǝm nǝngɔ ja dɔ mʊgɔ kan mɛlalɨgɔ ja yɨɨ.

Maajɨ Bɛtɔ Twamagɨɨ 13:51

Nǝngɔ ja buum kuulɔ a naa jini a dul nǝb nɨɨ, sǝ a nʊng Kwaama a maa nabwɨl jǝbɔ ji. Nǝngɔ ja shu a Ikoniyaɨ.

Maajɨ Bɛtɔ Twamagɨɨ 14:1

Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ.

Maajɨ Bɛtɔ Twamagɨɨ 14:15

“N wɛ a bwɨ jǝ́ maa lɛ nyɨɨ? Nǝn nǝfitʌm na jen. Nǝn bɛ jem nǝn fulon kɛl lǝmɨ, sǝ jǝ́ yǝla jǝ́ bǝla kanjǝl nɨ a bʊm bɨɨ gǝm gul. Jǝ́ yǝla a daa Kwaama kʊlɨ woi, wʊnɨ a fɛ dʌbʌlɔ jǝbɔ tǝmɨ, jǝbɔ wɨmagɔ jǝbɔ kanjǝl nɨ a mʊgɔ jin gwamɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Maajɨ Bɛtɔ Twamagɨɨ 14:6

Kanga bɛtɔ twamagɔ a nyʊwa fuloni, nǝngɔ ja mwala ja shu a tuulɔtɨn Listira jǝbɔ Darba a tǝm Likoniyaɨ, jǝbɔ tangǝn tǝmtɨn nɨ a kang jii.

Maajɨ Bɛtɔ Twamagɨɨ 14:7

A daatɨn gɔ, nǝngɔ ja ja kǝga nǝn kiyotǝm fulon kɛl lǝmɨ nɨ.

Maajɨ Bɛtɔ Twamagɨɨ 14:8

Kaa nǝl wo a Listira, wʊnɨ naa gǝnɔ a swam swamɨ. Mɨ gǝ yɔ yɔm lɛ. Jʊ a ta nǝn kwama bʌtʌm gǝnɨ.

Maajɨ Bɛtɔ Twamagɨɨ 15:36

Ja maa kumtɨnɨ, nǝngɔ Bulus a sʊwa Barnaba gɔ, “Ba bǝ ya a tuulɔtɨn nɨ gwam bǝ kiyom kɛl Tɛlalɔɨ galɨgǝnɨ, bǝ yɔ kambɔ gǝm fɔla, bǝ yǝla ya bǝ kuwo ji.”

Maajɨ Bɛtɔ Twamagɨɨ 16:2

Nǝb bwangtǝm nɨ a Listira jǝbɔ Ikoniyaɨ jǝ bǝlá Timoti lɛ.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.