Maajɨ Bɛtɔ Twamagɨɨ 14:17 - Dadiya NT

¹⁷ A gǝnɔ a ja kǝga nǝn maatǝm kanjǝlɔ, sǝ a nʊng gɔ gǝ wo. A maa jǝ nyan a gola nǝtǝm jen mwɛ kwama jǝbɔ shena nɨ dǝg bwili kʌsotǝmɔ lɛɨ. Nǝn gɔ nǝ jen jǝjalǝn nɛɨ. Nǝn gɔ dǝg jen fulotǝm nǝl lɛɨ.”

Maajɨ Bɛtɔ Twamagɨɨ 14:17 ပူးပေါင်းရင်းမြစ်များ

Matta 5:45

Jǝ́ maa nyɔ sǝ jǝ́ yǝlam bɛtɔ lɔ Tɨya jen nɨ a dʌbʌli, jʊ a bwɨɨ gǝ dǝg dǝg nu kwamagɔ a gwi a dul nǝb bwɨlamɔ gǝm jǝbɔ nǝb nyanɔ, gǝ swiyo swiyo nǝb dǝngdǝngɔ jǝbɔ nǝbɔ mɨ dǝngdǝngɨ gǝm mwɛ.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Maajɨ Bɛtɔ Twamagɨɨ 14:18

Kɛltɨn nɨ pʌd ja bʊʊ twɨtǝm yulʌn nɨ nǝn dǝm nyɔ.

Maajɨ Bɛtɔ Twamagɨɨ 17:26

Nǝn gɔ tag a fwal nǝbɔ gwam a daagɔ nʊ wini, sǝ ja yɨ a talɨ yooli nɨ. A fɛka jim kwamagɔ jǝ yɨm lɛ a yoolii, jǝbɔ daagɔ jǝ yɨm lɛɨ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.