Maajɨ Bɛtɔ Twamagɨɨ 14:1 - Dadiya NT

¹ Bulus jǝbɔ Barnaba ja dɔ kan mɛlalɨ Yahudawa nɨ a Ikoniyaɨ kanga jǝ maam lɛɨ. Ja kiyo kɛl Kwaamaɨ. Nǝbɔ a lada a nǝ bɨlǝngkɛl, Yahudawagɔ jǝbɔ Bʌtʌbɔ.

Maajɨ Bɛtɔ Twamagɨɨ 14:1 ပူးပေါင်းရင်းမြစ်များ

Markus 7:26

Nɔɔlɨ nɨ n bwɛn Girika, ja bʌ gǝn a tǝm Suriya a daa nɨ jǝ jo lɛ gɔ Finikiyaɨ. Nǝngɔ a kela Yesu gɔ a jǝgǝm bwɛnɔɔlɨ gǝnɔ gǝm yʊwa bwɨla nɨɨ.

Yohana 12:20

A mʊgɔ nǝb nɨ a bɛ dikulomɔ sǝ ba ja bǝlá Kwaamaɨ, kaam nǝbɔ Girikaɨ wo.

Yohana 7:35

Nǝngɔ Yahudawagɔ a sʊwaka a kang bʊtɔ jin gɔ, “Gǝ yi a fee, mɨsɔ bǝ nya gǝn nɛɨ? Kɛna yi a daagɔ Yahudawa nɨ a kwɨya tǝmɔ nǝn kwan jǝ yǝm jǝbɔ nǝbɔ Girikaɨ, sǝ ya mɛla nǝbɔ Girikaɨ gǝm lɛ fʌleni?

Maajɨ Bɛtɔ Twamagɨɨ 11:21

Kwaan Tɛlalɔɨ dakini jǝbɔ ji. Nǝbɔ a lada a nǝ bɨlǝngkɛlɨ, ja yǝla a daa Tɛlalɔ woi.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 13:5

Ja la tuulɔ Salamisi, nǝngɔ ja sʊwa kɛl Kwaamaɨ a kantɨn mɛlalɨ Yahudawagɨɨ. Yohana a yɔ jǝbɔ ji, tɨka ji lɛ.

Maajɨ Bɛtɔ Twamagɨɨ 13:51

Nǝngɔ ja buum kuulɔ a naa jini a dul nǝb nɨɨ, sǝ a nʊng Kwaama a maa nabwɨl jǝbɔ ji. Nǝngɔ ja shu a Ikoniyaɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Maajɨ Bɛtɔ Twamagɨɨ 14:21

Nǝn kwama Bulus jǝbɔ Barnaba a kiyo fulon kɛl lǝmɨgɔ a Darbaɨ, ja nya nǝb bwangtǝm Kwaamaɨ a lada. Nǝngɔ ja yǝla a Listira jǝbɔ Ikoniya jǝbɔ Antakiyaɨ.

Maajɨ Bɛtɔ Twamagɨɨ 16:1

Nǝngɔ Bulus a bɛ a Darba jǝbɔ Listiraɨ. Kaa bwɛ mɛlalɨ wo a Listira dunɔ nǝn Timoti, wʊnɨ nɛnɛ gɔ n bwɛn Yahudiyaɨ, n nǝ nǝtǝm bɨlǝngkɛl. Tɨya gɔ n bwɛ Girika.

Maajɨ Bɛtɔ Twamagɨɨ 16:2

Nǝb bwangtǝm nɨ a Listira jǝbɔ Ikoniyaɨ jǝ bǝlá Timoti lɛ.

Maajɨ Bɛtɔ Twamagɨɨ 17:12

A dul kɛl nɨɨ, Yahudawagɔ a lada a nǝ bɨlǝngkɛlɨ, jǝbɔ kaam nɔɔtǝm Girika wʊnɨ nǝn dʊʊnɨ, jǝbɔ batǝmɔ.

Maajɨ Bɛtɔ Twamagɨɨ 17:17

Gǝ gʊbka gʊbka kɛl a kan mɛlalɨ jǝbɔ Yahudawagɔ, jǝbɔ kaam nǝbɔ Girikaɨ nɨ maa Kwaama gǝm bǝlátǝm lɛɨ. Kum jǝbɔ kum gǝ gʊbka gʊbka kɛl jǝbɔ nǝb nɨ gǝ nya ji lɛ a nyiyo gamdʌboi.

Maajɨ Bɛtɔ Twamagɨɨ 17:4

Nǝngɔ kaam Yahudawagɔ jǝbɔ nǝbɔ Girikaɨ nǝbɔ nyʊwa taal Kwaamaɨ lɛɨ, jǝbɔ nɔɔtǝm dʊʊmɔ a lada dangǝn, ja jǝla nǝn kɛl Bulusi jǝbɔ Silaɨ. Ja mʊrka dul jǝbɔ ji.

Maajɨ Bɛtɔ Twamagɨɨ 18:4

Nǝn Kum Fǝbtǝmɔ gwam Bulus gǝ gʊbka gʊbka jǝbɔ ji a kan mɛlalɨ. Swɨ lɛ a gʊ Yahudawagɔ jǝbɔ Bʌtʌbɔ sǝ ja nǝ bɨlǝngkɛl.

Maajɨ Bɛtɔ Twamagɨɨ 18:8

Nǝngɔ Kiribus nǝ dʊʊ kan mɛlalɨgɔ, a nǝ bɨlǝngkɛl a daagɔ Tɛlalɔ woi, gɔ jǝbɔ nǝbɔ lɔ gɨɨ gwam. Kaam nǝbɔ Korintii a lada nyɔ ja nyʊwa kɛl Bulusi, ja nǝ bɨlǝngkɛl. Nǝngɔ ja yʊ ji mwɛ sagsagɨɨ.

Maajɨ Bɛtɔ Twamagɨɨ 19:10

A ja kǝga nǝn maatǝmɔ nyɔ jolɔ yo. Gwam nǝb nɨ yǝm a tǝm Asiyaɨ ja nyʊwa kɛl Tɛlalɔɨ, Yahudawagɔ jǝbɔ Bʌtʌbɔ gwam.

Maajɨ Bɛtɔ Twamagɨɨ 19:17

Gwam nǝb nɨ yǝm a Afisaɨ, Yahudawagɔ jǝbɔ Bʌtʌbɔ, ja nyʊwa fulon kɛl nɨɨ, nǝngɔ taalɔ a ta jii. Nǝngɔ ja nǝ dun Tɛlalɔ Yesui dʊʊnɨ.

Maajɨ Bɛtɔ Twamagɨɨ 19:8

Nǝngɔ Bulus a dɔ kan mɛlalɨgɔ sʊwa kɛl Kwaamaɨ lɛ nyangnyang mɨ taal woi. A maa bwaala taal, maa gʊbkatǝm lɛ jǝbɔ ji, gʊ ji lɛ a dul fɔlɔn lɔ Kwaamaɨ.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 21:28

Jǝ gaba wulong lɛ jǝ sʊwa lɛ gɔ, “Kambɔ, nǝbɔ Israilaɨ, jǝ́ tɨka nǝn! N nʊ nɨ bwangtǝn daatɨnɔ lɛ soga nǝbam bǝnɔ lɛ, jǝbɔ diil bǝnɨ, jǝbɔ Kan Kwaaman bǝnɨ. A bɛ nǝn kaam nǝbɔ Girikaɨ a mʊgɔ Kan Kwaaman. A kal daa sagsagɔ.”

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Galatiya 2:3

Titus fwalɨ yɔm mǝndɨ wʊnɨ n bwɛ Girikaɨ, mɨ nʊ nɨ a dǝg gǝn nǝn kwaan gɔ a biyo mwɛnɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.