Maajɨ Bɛtɔ Twamagɨɨ 13:50 - Dadiya NT

⁵⁰ Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 13:50 ပူးပေါင်းရင်းမြစ်များ

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Markus 15:43

Yusufu bwɛ Arimatiya nɨ, wʊnɨ n nǝ dʊʊ a mʊgɔ mʊrkalɨ nǝb dʊʊm kotere Yahudawagɨɨ, wʊnɨ yam bɛtǝm fɔlɔn lɔ Kwaamaɨ lɛɨ, a bɨ nǝl, nǝngɔ a yɔ a daa Bilatus woi, a kela gɔ ga nǝ gǝn bʌlʌn Yesui.

Markus 5:17

Nǝngɔ ja kela Yesu gɔ a jel a bǝla jim tǝm jini.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Maajɨ Bɛtɔ Twamagɨɨ 14:4

Nǝb tuulɔ gɔ a bel lɔngɔ yo. Kaamɨ gǝ na a gul Yahudawagɨɨ, kaamɨ a gul bɛtɔ twamagɨɨ.

Maajɨ Bɛtɔ Twamagɨɨ 14:5

Nǝngɔ Bʌtʌbɔ, jǝbɔ Yahudawagɔ, jǝbɔ nǝb dʊʊm nɨ dakini jǝbɔ jii, ja fɛka ja gun tʌgo a bɛtɔ twama nɨ gǝmɨ, ja nǝ ji gaalan, ja mala ji nǝn tɛl, sǝ ja bʊla.

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 17:12

A dul kɛl nɨɨ, Yahudawagɔ a lada a nǝ bɨlǝngkɛlɨ, jǝbɔ kaam nɔɔtǝm Girika wʊnɨ nǝn dʊʊnɨ, jǝbɔ batǝmɔ.

Maajɨ Bɛtɔ Twamagɨɨ 17:13

Kwama nɨ Yahudawa nɨ a Tasalonikaɨ a nyʊwa fulonɔ gɔ Bulus kiyo kɛl Kwaamaɨ lɛ a Biriyaɨ, nǝngɔ ja yɔ fʌlen tʌji ya ja fǝ dul mʊrkalɨ nǝbɨɨ, jǝ gung nǝl jinɔ lɛɨ.

Maajɨ Bɛtɔ Twamagɨɨ 17:17

Gǝ gʊbka gʊbka kɛl a kan mɛlalɨ jǝbɔ Yahudawagɔ, jǝbɔ kaam nǝbɔ Girikaɨ nɨ maa Kwaama gǝm bǝlátǝm lɛɨ. Kum jǝbɔ kum gǝ gʊbka gʊbka kɛl jǝbɔ nǝb nɨ gǝ nya ji lɛ a nyiyo gamdʌboi.

Maajɨ Bɛtɔ Twamagɨɨ 17:4

Nǝngɔ kaam Yahudawagɔ jǝbɔ nǝbɔ Girikaɨ nǝbɔ nyʊwa taal Kwaamaɨ lɛɨ, jǝbɔ nɔɔtǝm dʊʊmɔ a lada dangǝn, ja jǝla nǝn kɛl Bulusi jǝbɔ Silaɨ. Ja mʊrka dul jǝbɔ ji.

Maajɨ Bɛtɔ Twamagɨɨ 18:7

Nǝngɔ a gun a shu a lɔ kaa balɨ nɨ jǝ jo lɛ gɔ Titus Yustusi. N nǝ bǝlátǝm Kwaamaɨ. Lɔ gǝnɔ a kɔtʌgo a kan mɛlalɨgɔ gǝm.

Maajɨ Bɛtɔ Twamagɨɨ 2:5

Nǝn kwama kanjǝl nɨ bwɨm lɛɨ, kaam Yahudawa nɨ a kwam tʌgo a bwangtǝm Kwaamaɨ jǝ yǝm wo a Urushalima. Ja bɛ daatɨnɔ a gǝlala a tǝmtɨnɔ a yooli nɨɨ.

Maajɨ Bɛtɔ Twamagɨɨ 21:27

Kum nʌbʌlɔ ya yii lɛɨ, kaam Yahudawagɔ a Asiyaɨ ja kuwo Bulus a Kan Kwaamanɨ, nǝngɔ ja swir mʊrkalɨ nǝbɨɨ a ta gǝnɨ.

Maajɨ Bɛtɔ Twamagɨɨ 28:17

Kumɔ taal a shui, Bulus a jo dʊʊm Yahudawagɔ. Ja mʊrkaɨ, nǝngɔ a sʊwa ji gɔ, “Kambɔ, mǝ maa bɔ nǝbam bǝnɔ gǝm bwɨlangkɛl, mǝ fa bɔ jǝfʊlǝn tʊgalam bǝnɨ sul, ja ta ɨ a Urushalima ja bwa ɨ, ja nǝ nǝbɔ Romaɨ.

Maajɨ Bɛtɔ Twamagɨɨ 6:12

A na nyɔ ja gung nǝl nǝbɨɨ, jǝbɔ dʊʊm nǝbɨɨ, jǝbɔ nǝb mɛlatǝm diilɔ. Nǝngɔ ja gun tʌgo a Istifanus gǝmɨ, ja ta gǝnɨ, ja yɔ nǝn gɔ a kǝga nǝb dʊʊm koteregɨɨ.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

Roma 10:2

N nǝ nyiyo a dul jin, ja nǝ dul jinɔ a bwangtǝm Kwaamaɨ sul, ja nyǝm bɔ gola nyanɔ.

2 Korinti 11:26

N yɔ yɔmɔ a lada. N nyʊwa gaalan a tiyotɨn. N nyʊwa gaalan a kang nǝb wultǝmɨ. N nyʊwa gaalan a kang nǝbam nǝnɨ. N nyʊwa gaalan a kang Bʌtʌbi. N nyʊwa gaalan a tuulɔtɨn. N nyʊwa gaalan a yǝla. N nyʊwa gaalan a wɨmatɨn. N nyʊwa gaalan tag a kang kɛtǝlam gabakɛlɔ woi.

1 Tasalonikaɨ 2:14

Kambɔ, jǝ́ yǝlam jǝ bangal a mʊrkalɨtɨn nǝb bwangtǝm Kwaamaɨ wʊnɨ a mʊgɔ Kiristi Yesui, wʊnɨ a tǝm Yahudiyaɨ, jʊ a bwɨɨ jen tʌjen jǝ́ nɔɔ gaalan a kang nǝb tǝm jenɔ gǝm, kanga ji tʌji ja nɔɔ gaalan a kang Yahudawagɨɨ.

2 Timoti 3:11

Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.