Maajɨ Bɛtɔ Twamagɨɨ 13:48 - Dadiya NT

⁴⁸ Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 13:48 ပူးပေါင်းရင်းမြစ်များ

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Matta 28:16

Nǝngɔ bɛtɔ mɛlalɨ nɨ kʊb jeli wini a shu a Galilii. Ja yɔ a yem a daa nɨ Yesu a sʊwa gɔ ja yɔ woi.

Luka 7:8

Mǝ tǝmɨ mǝ na a kang fɔlɔn kaa nǝlɨ. Mǝ nǝngǝn nǝn sʊwajaamtɨnɔ a mʊgɔ fɔlɔn mɨ. Mǝ sʊwa sʊwa kaa mǝʊ ‘Yɔ,’ a yɔ. Mǝ sʊwa sʊwa kaa mǝʊ, ‘Ba,’ a bɛ. Mǝ sʊwa sʊwa kaa bwɛ jwaalɛ mɨɨ mǝʊ, ‘Maa nyɔ,’ a maa.”

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Maajɨ Bɛtɔ Twamagɨɨ 13:12

Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.

Maajɨ Bɛtɔ Twamagɨɨ 13:42

Bulus jǝbɔ Barnaba jel lɛ a kan mɛlalɨɨ, nǝngɔ nǝbɔ ba kela ji gɔ ja sʊ jim kɛltɨn nɨ a dul kanjǝl nɨ nǝn Kum Fǝbtǝm nɨ bɛ lɛɨ.

Maajɨ Bɛtɔ Twamagɨɨ 15:2

Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 15:31

Nǝbɔ a kiyoi, nǝngɔ ja maa fulotǝm nǝl nǝn kʊʊtǝm nǝl nɨ ja nyʊwaɨ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Maajɨ Bɛtɔ Twamagɨɨ 20:13

Nǝngɔ nǝn ja kǝga nǝn yɔmɔ a mʊgɔ tɨyamwɛngɨ, nǝn yɔ a Asus sǝ nǝn do Bulus woi. N fɛkalɨgɔ a maaɨ, gǝ tǝgǝn swɨ lɛ gǝ yɔ nǝn naa.

Maajɨ Bɛtɔ Twamagɨɨ 22:10

“Nǝngɔ mǝ bʌ gǝn mǝʊ, ‘N wɛ mǝ maa lɛɨ, Tɛlalɔ?’ “Nǝngɔ Tɛlalɔ a sʊwa ɨ gɔ, ‘Gun dɔ Dimaska. Kwama mʊ yɔ woi, kaa nǝl wo sʊwa ń sʊwa ń jʊ mǝ fɛka mʊn wo mʊ maa lɛɨ.’

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 8:8

Ja maa fulotǝm nǝl a lada a tuulɔ gɔ.

Roma 11:7

A maa nyǝn? Nǝbɔ Israilaɨ a gaa nyatǝm jʊ jǝ saa lɛɨ. Nǝb nɨ Kwaama a jǝgamɨ, ja yǝlam nǝb dǝngdǝng a daa Kwaama woi, kaamɨ a yǝlam nǝb kwamǝn dul.

Roma 13:1

Bɛ pʌd jenɔ jǝ́ shig dul a nǝbɔ maa fɔlɔn nɛɨ. Mɨ kaa fɔlɔn wo na ke bɔ nǝn jǝlatǝm Kwaamaɨ. Pʌd nǝb maatǝm fɔlɔn nɨ bǝ nǝngǝnɨ, nǝn Kwaama a nǝ jii.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

1 Korinti 16:15

Kambɔ, jǝ́ nyǝm nyɔ nǝbɔ lɔ Istifanusi nǝji ja nǝ bɨlǝngkɛl nǝn tɨkǝga a tǝm Akayaɨ, ja dǝg dul jinɔ dangǝn a maatǝm tɨkalɨ nǝb sagsagɨɨ. Mǝ kela jen nɛ kambɔ,

Afisa 1:11

N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,

Afisa 1:19

N maa keli tag sǝ jǝ́ nyǝm dʊʊlǝn kwaan gǝnɔ nɨ mɨ kiyotǝm woi, wʊnɨ maa lɛ a kʊm bǝnɨ, bǝn nɨ bǝ nǝ bɨlǝngkɛlɨ. Wʊnɨ nǝn gɔ kwaan fɔlɔn gǝnɔ gɔ win,

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Afisa 1:5

a jǝla a do bǝn sǝ bǝ yǝlam bɛtɔ lɔ gɨɨ a gola Yesu Kiristii. N jʊ swɨ lɛɨ, a nǝ gǝn fulotǝm nǝl.

2 Tasalonikaɨ 3:1

A dɨltǝmɔ gǝmɨ kambɔ, jǝ́ maa nǝm keli, sǝ kɛl Tɛlalɔɨ a kwɨya dǝbǝr dǝbǝr, a nya nǝtǝm dʊʊn, kanga nɨ a nya a daa jen woi.