Maajɨ Bɛtɔ Twamagɨɨ 13:36 - Dadiya NT

³⁶ “Nǝn kwama Dauda a dɨm maajɨgɔ Kwaama a nǝ gǝn a jol gǝnɨ, nǝngɔ a bʊlaɨ. Ja fʌl gǝn jǝbɔ tʊgalam gǝnɔ. A bʊta.

Maajɨ Bɛtɔ Twamagɨɨ 13:36 ပူးပေါင်းရင်းမြစ်များ

Matta 25:16

Nʊ nɨ a yo kemʌnɔ sʊwagɔ nʊɨ, a ta bɔ bʊtɔ, nǝngɔ ya maa dʌbo nǝn a gǝnɨ, nǝngɔ a nya bwiligɔ sʊwagɔ nʊɨ.

Yohana 11:39

Nǝngɔ Yesu a sʊwa gɔ, “Jǝ́ bʌlʌm tɛlɔ a nyanga tuu.” Marta kɛ nɔɔlɨ nʊ nɨ a bʊlaɨ, a sʊwa Yesu gɔ, “Tɛlalɔ, kǝngkǝnɨ fwal fwal, jʊ a bwɨɨ dwiyen kum gǝnɔ naal nǝn bwaagɔ.”

Maajɨ Bɛtɔ Twamagɨɨ 13:22

Nǝn kwama Kwaamagɔ a jǝgǝm Shawului, nǝngɔ a dǝg Dauda a yǝlam fɔlɔ jini. Kwaama a sʊwa a dul Daudaɨ gɔ, ‘N nya Dauda bʊla Yessei, nǝn gɔ nʊ nɨ mǝ swɨ gǝn nɛ dangǝnɨ, wʊnɨ maa jʊ nɨ lɛ mǝ swɨ lɛɨ.’

Maajɨ Bɛtɔ Twamagɨɨ 2:29

“Kambɔ, mǝ sʊwa jen sʊwa kɛl mɨ komtǝm wo a dul tʊga bǝn Daudaɨ. Dauda a bʊla. Ja fʌl gǝn. Tuu gǝnɔ wo jǝbɔ bǝn a ba la nǝngǝn dwiyeni.

Maajɨ Bɛtɔ Twamagɨɨ 20:27

jʊ a bwɨɨ mǝ ta bɔ sǝ n sʊwa jen kɛl Kwaamaɨ gwam.

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

1 Korinti 15:18

Na na gǝ na nyɨɨ, nǝb nɨ a daa dum jǝ na a Kiristii, na ja kala nǝn kwan.

1 Korinti 15:6

Nǝngɔ la a nʊng kambɔ nɨ ja shu fʊlkʊb nʊɨ dul gǝnɔ naagɔ wini. Kɔrɔ jinɔ wo ba la nǝn kǝngkɨɨ, kaamɨ a daa dum.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.