Maajɨ Bɛtɔ Twamagɨɨ 13:27 - Dadiya NT

²⁷ N wɔ nǝbɔ Urushalimaɨ jǝbɔ nǝb dʊʊmɔ ja nyǝm bɔ gɔ nǝn Nǝbʊʊlɨ. Ja nyǝm bɔ kɛl nǝbkuwotǝmkǝgagɨɨ, wʊnɨ jǝ kiyo lɛ nǝn Kum Fǝbtǝmɨ. Ja yii kɛl nǝbkuwotǝmkǝgagɨɨ nǝn kwama ja mwatɨ Yesu gǝm borangɨ.

Maajɨ Bɛtɔ Twamagɨɨ 13:27 ပူးပေါင်းရင်းမြစ်များ

Matta 22:29

Yesu a jǝla ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag.

Luka 22:34

Yesu a jǝla gǝn gɔ, “Mǝ sʊwa ń nɛ Bitrus, mʊ kana kana nyǝmtǝm mǝndɨ naagɔ taal nǝn kum nɨ sǝla kwalɨ jangagɔ a ma kamɨ.”

Luka 23:13

Bilatus a jo dʊʊm nǝbkǝlamɔ, jǝbɔ nǝb dʊʊmɔ, jǝbɔ nǝbɔ.

Luka 24:20

Dʊʊm nǝbkǝlamɔ jǝbɔ nǝb fɔlɔn tǝm bǝnɔ n nǝbɔ a nǝ ji Yesui, sǝ ja mwatɨ gǝm borang jʌtǝm, ja kʊʊ gǝnɨ.

Yohana 15:21

Jǝ maa jem maa kanjǝl nɨ gwam a kɛl dun mɨ, jʊ a bwɨɨ ja nyǝm bɔ nʊ nɨ a twam ɨɨ.

Yohana 16:3

Nǝbɔ maa jem maa jʊ nɨ, jʊ a bwɨɨ ja nyǝm bɔ Kwaamagɔ, ja nyǝm ɨ bɔ.

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Yohana 8:28

N jʊ a bwɨ Yesu a sʊwa ji gɔ, “Nǝn kwama jǝ́ gung Bʊla Nǝlɨ lɛɨ a dʌbʌl tɨyaɨ, n kwama jǝ́ nyǝm lɛ nǝmǝ mǝ nʊ nɨ mǝ sʊwa jen mǝʊ nǝmɨɨ. Jǝ́ nyǝm nyǝm jengɔ kanjǝlɔ mǝ maa lɛɨ, ke bɔ nǝn fɔlɔn mɨ. Mǝ sʊwa jʊ nɨ Tɛtɛ a mɛla mɨɨ.

Maajɨ Bɛtɔ Twamagɨɨ 15:21

Jʊ a bwɨ mɨsɔ jǝ maa kanjǝl nɨ lɛɨ nǝn gɔ, galɨgǝn a bɛ nǝn a kǝngkɨɨ, kaam nǝbɔ kiyo diil Musaɨ lɛ a tuulɔtɨnɔ gǝm gwam. Kwangkwang nǝn Kum Fǝbtǝm jǝ kiyo diil Musaɨ lɛ a mʊgɔ kantɨn mɛlalɨ.”

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 3:17

“Kǝngkɔ, kambɔ, n nyǝm jǝ́ maa jʊ nɨ ke bɔ a mʊgɔ nyǝmtǝm jeni, kanga nǝb dʊʊm jenɔ a maam tʌjii.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

1 Korinti 2:8

A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn.

2 Korinti 3:14

Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.