Maajɨ Bɛtɔ Twamagɨɨ 13:25 - Dadiya NT

²⁵ Kwama nɨ Yohana ya saa dɨtǝm maajɨ gǝnɔ lɛɨ, nǝngɔ a sʊwa gɔ, ‘Jǝ́ kuwo lɛ mǝ nǝn nuwo? Ke bɔ mǝ mǝ nʊ gɨɨ. N wɔ, kaa nǝl wo bɛ lɛ a gul mɨ, wʊnɨ mǝ la bɔ nyɔ n kwɨ dwang twam gǝnɨ.’

Maajɨ Bɛtɔ Twamagɨɨ 13:25 ပူးပေါင်းရင်းမြစ်များ

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Markus 1:7

Kiyo jim kɛl Kwaamaɨ lɛ gɔ, “Nʊ nɨ bɛ lɛ a gul mɨ, a laa ɨ dʊʊnɔ, mǝ la bɔ nyɔ n gǝla n jʊng a kǝga gǝn, n kwɨ dwang twam gǝnɔ a naa gǝn.

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Yohana 1:36

Nǝn kwama a kuwom Yesu shu lɛɨ, nǝngɔ a sʊwa gɔ, “Jǝ́ kuwo bɛ gal Kwaamaɨ!”

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Maajɨ Bɛtɔ Twamagɨɨ 13:36

“Nǝn kwama Dauda a dɨm maajɨgɔ Kwaama a nǝ gǝn a jol gǝnɨ, nǝngɔ a bʊlaɨ. Ja fʌl gǝn jǝbɔ tʊgalam gǝnɔ. A bʊta.

Maajɨ Bɛtɔ Twamagɨɨ 19:4

Bulus a sʊwa gɔ, “Yohana a yʊ jen mwɛ sagsagɔ sǝ a nʊng jǝ́ yǝla jǝ́ bǝla bwɨlangkɛl jenɔ. Gǝ sʊwa nǝbɔ gɔ ja nǝ bɨlǝngkɛl a nʊ nɨ bɛ lɛ a gul gǝnɨ, wʊnɨ nǝn Yesui.”

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

2 Korinti 4:5

Ke bɔ kiyotǝm kɛl dul nǝn nǝ maa lɛɨ, nǝn kiyo a dul Yesu Kiristii wʊnɨ nǝn gɔ nǝn Tɛlalɔɨ. Nǝn nǝ jwaalɛb jen a kɛl dul Yesui.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

Dʊgam Nyangnyang 11:7

Nǝn kwama ja dɨm nǝtǝm nyiyo jini, nǝngɔ kaa yʊwal bwɨla jel lɛ a bʊwa nɨ mɨ dɨltǝm woi, sǝ a ta kun jǝbɔ ji, a ja ji, a jʌbo ji.