Maajɨ Bɛtɔ Twamagɨɨ 13:12 - Dadiya NT

¹² Gwamna nɨ a kuwo nyɨɨ, nǝngɔ a nǝ bɨlǝngkɛlɨ. A ta kang a nyiyo a mɛlalɨ kɛl Tɛlalɔɨ.

Maajɨ Bɛtɔ Twamagɨɨ 13:12 ပူးပေါင်းရင်းမြစ်များ

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Luka 4:22

Gwam jinɔ jǝ woi, jǝ sʊwa kɛl nyan nɛ a dul gǝn. Ja ta kang a nyiyo a kɛl nyantɨn nɨ jela lɛ a nyiyo gǝnɨ. Jǝ bʌbko lɛ gɔ, “Bwɛ nɨ n ke bɔ bʊla Yusufui ka?”

Luka 7:16

Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Yohana 7:46

Nǝngɔ nǝb tɔɔtǝm Kan Kwaamanɔ a jǝla ji gɔ, “Mɨ kaa nǝl wo sʊwa kɛl lɛ na nʊ nɨɨ.”

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 13:49

Kɛl Tɛlalɔɨ a ja kǝga a tǝmɔ gǝm gwam.

Maajɨ Bɛtɔ Twamagɨɨ 13:7

Wʊnɨ dakini jǝbɔ Gwamna Sarjiyas Bulusi. Gwamna nɨ n nǝ yʊlan. Nǝngɔ a jo Barnaba jǝbɔ Shawulu swɨ lɛ gǝ nyʊwa kɛl Kwaamaɨ a daa ji woi.

Maajɨ Bɛtɔ Twamagɨɨ 13:8

Nǝngɔ Alimas feyigɔ (n jʊ dun gǝnɔ nʊng lɛɨ) a jǝla bɨɨ, swɨ lɛ a kalǝm gwamnagɔ a nǝtǝm bɨlǝngkɛlɔ gǝm.

Maajɨ Bɛtɔ Twamagɨɨ 15:35

Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.

Maajɨ Bɛtɔ Twamagɨɨ 15:36

Ja maa kumtɨnɨ, nǝngɔ Bulus a sʊwa Barnaba gɔ, “Ba bǝ ya a tuulɔtɨn nɨ gwam bǝ kiyom kɛl Tɛlalɔɨ galɨgǝnɨ, bǝ yɔ kambɔ gǝm fɔla, bǝ yǝla ya bǝ kuwo ji.”

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 19:10

A ja kǝga nǝn maatǝmɔ nyɔ jolɔ yo. Gwam nǝb nɨ yǝm a tǝm Asiyaɨ ja nyʊwa kɛl Tɛlalɔɨ, Yahudawagɔ jǝbɔ Bʌtʌbɔ gwam.

Maajɨ Bɛtɔ Twamagɨɨ 19:20

N dul kɛl nɨ kɛl Tɛlalɔɨ a kwɨya tǝmɔ nǝn kwan nǝn kwaanɨ. Nǝbɔ a lada a nǝ bɨlǝngkɛl.

Maajɨ Bɛtɔ Twamagɨɨ 19:38

A dul kɛl nɨɨ, na Dimitiriyas jǝbɔ fatǝm maajɨ gǝnɔ jǝ nǝngǝn nǝn kaa komtǝm jǝbɔ kaa nǝlɨ, kan borangɔ wo, nǝb maatǝm borangɔ wo. Jǝ́ yɔ nǝn katǝm jinɔ wo.

Maajɨ Bɛtɔ Twamagɨɨ 19:7

Ja la nǝbɔ kʊb jeli yo gwam.

Maajɨ Bɛtɔ Twamagɨɨ 28:7

Nǝn dɔɔm kaam talɨ wo, na a nǝ dʊʊ tǝm nɨ a tɨbǝl wɨmaɨ, dunɔ nǝn Babiliyas. Nǝngɔ a yo nǝnɨ, a nǝ nǝn daa shigtǝm nyan kumɔ taalɨ.

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Maajɨ Bɛtɔ Twamagɨɨ 8:25

Nǝn kwama Bitrus jǝbɔ Yohana ja nǝ nyiyo a dul Yesui, jǝbɔ kiyotǝm fulon kɛl lǝmɨ Tɛlalɔɨ, nǝngɔ ja yǝla a Urushalimaɨ. Nǝn kwama jǝ yǝlam lɛ a Urushalimaɨ, nǝngɔ jǝ sʊwa fulon kɛl lǝmɨgɔ lɛ a bɛl tuulɔtɨn nɨ a tǝm Samariya a lada nyɨɨ.