Maajɨ Bɛtɔ Twamagɨɨ 13:1 - Dadiya NT

¹ A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 13:1 ပူးပေါင်းရင်းမြစ်များ

Matta 27:32

Jǝ shu lɛɨ, nǝngɔ ja tǝga kaa bwɛ Kuranei dunɔ nǝn Saminu, nǝngɔ ja sɨna gǝm a do tɨya kʊʊtǝm Yesui.

Luka 3:1

A mʊgɔ jolɔ kʊb jeli nʊ na fɔlɔn dʊʊn Kaisar Tibariyasɨ, kwama Buntus Bilatus n gwamna a Yahudiyaɨ, Hiridus n fɔlɔ a Galilii, kɨla gɔ Filibus n fɔlɔ a Ituriya jǝbɔ Tarakunitasɨ, Lisaniyas n fɔlɔ a Abiliyaɨ,

Maajɨ Bɛtɔ Twamagɨɨ 11:30

Ja maa nyɔ. Ja twam tɨkalɨ nɨ a kang Barnabaɨ jǝbɔ Shawulu, sǝ ja nǝ nǝb dʊʊm nǝb bwangtǝm nɨ a Yahudiyaɨ.

Maajɨ Bɛtɔ Twamagɨɨ 12:25

Nǝn kwama Barnaba jǝbɔ Shawulu ja dɨm maajɨ nɨ ja nǝ jii, nǝngɔ ja yǝla ja bɛ a Urushalimaɨ. Ja bɛ dakini jǝbɔ Yohana wʊnɨ jǝ jo gǝn nɛ gɔ Markusi.

Maajɨ Bɛtɔ Twamagɨɨ 13:9

Shawulu wʊnɨ jǝ jo lɛ gɔ Bulusi, a yii nǝn Yʊwa Kwaamaɨ, a ya Alimas gǝm nu.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 15:35

Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.

Maajɨ Bɛtɔ Twamagɨɨ 19:6

Bulus a ya jim kang bwiligɨɨ, nǝngɔ Yʊwa Kwaamaɨ a gǝla jimi. Nǝngɔ ja tǝl jǝ sʊwa kɛlɔ lɛ nǝn kaam nyiyotɨnɨ, jǝ sʊwa jʊ nɨ bwɨ lɛ a kǝgaɨ.

Maajɨ Bɛtɔ Twamagɨɨ 21:9

Nǝngǝn nǝn banatǝmɔ naal wʊnɨ ja naa bɔ batǝm woi. Jǝ maa kuwotǝmkǝga.

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

Maajɨ Bɛtɔ Twamagɨɨ 9:1

Shawulu a ja kǝga nǝn nǝtǝm nǝb bwangtǝm Tɛlalɔɨ gaalan dangǝn, sʊwa lɛ gɔ gǝ jʌ ji jʌ. Nǝngɔ a yɔ a daa dalɨ nǝkǝlagɔ woi,

Roma 16:21

Timoti fwalɨ maajɨ mǝndɨ, yal jen nɛ. A na nyɔ Lukiyas jǝbɔ Yason jǝbɔ Susibataras, kɛtǝlam mǝndɨ, jǝ yal jen nɛ.

1 Korinti 11:4

Balɨ nɨ gwam a maa keli jǝbɔ kuwotǝmkǝga a sum sumi dul gǝnɨ, gǝ nǝ dʊʊ gǝnɔ gunidul.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

1 Korinti 13:8

Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ.

1 Korinti 14:29

Nǝbkuwotǝmkǝgagɔ, nǝbɔ yo a yɔ nǝn a taal ja sʊwa kɛl, tangǝnɔ ja dʌng kɛl jinɔ.

1 Korinti 14:32

Yʊwa kuwotǝmkǝgagɔ gǝ na a daa nǝbkuwotǝmkǝgagɔ woi.

1 Korinti 9:6

Nǝmǝ nǝbɔ Barnaba kwaanǝn, a yǝlam nǝm nyɔ, nǝn maa maajɨ, sǝla nǝn ja nǝn dul nǝnɨ ka?

Galatiya 2:13

Tangǝn Yahudawagɔ, nǝb bwangtǝmɔ, ja yǝlam nǝb fento na Bitrus. Jʊ nɨ ja maa nyɨɨ a dǝg Barnaba tǝgǝn a lɛla gola.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.

Filibii 4:22

Nǝb sagsagɔ gwam yal jen nɛ. Nǝb nɨ a lɔ fɔlɔ Kaisarɨ yal jen nɛ dangǝn.

1 Tasalonikaɨ 5:20

Ka jǝ́ soga lɛ kɛl kuwotǝmkǝgagɔ.