Maajɨ Bɛtɔ Twamagɨɨ 12:4 - Dadiya NT

⁴ Hirudus a ta Bitrus a kubʌl a lɔsomi, a kang sʊwajaamtɨnɔ kʊb jeli nukun jǝ tɔɔ gǝn nɛ. Saa lɛ sǝ gǝ bɛ nǝn gɔ a kǝga nǝbɨɨ, sǝ gǝ maa gǝm borang na dikulomɔ a shui.

Maajɨ Bɛtɔ Twamagɨɨ 12:4 ပူးပေါင်းရင်းမြစ်များ

Matta 24:9

“Jǝ ta jen ta, jǝ nǝ jen nǝ gaalan, jǝ jʌ jen jʌ. Yooligɔ kul jen kul a kɛl dul mɨ.

Matta 26:5

Nǝngɔ ja sʊwa gɔ, “Mɨsɔ bǝ maa lɛ a kum dikulom, kage nǝbɔ a maa kutʌm.”

Markus 14:1

A bǝla kumɔ yo jǝ maa Dikulom Yabtǝmɔ lɛ jǝbɔ jatǝm Dikulom Kʊkkʊm nɨ mɨ Yisti woi, nǝngɔ dʊʊm nǝbkǝlamɔ jǝbɔ nǝb mɛlalɨ diilɔ, ja saa gola nɨ jǝ tam Yesu lɛɨ nǝn yʊlan sǝ jǝ jʌm gǝnɨ.

Luka 21:12

“Sǝla kanjǝl nɨ a bwɨ gwam, jǝ taba jen taba, ja nǝ jen gaalan. Jǝ yɔ yɔ nǝn jen a kǝga kantɨn mɛlalɨ sǝ ja maa jem borang. Ja kubʌl jen a lɔsomi. Jǝ yɔ yɔ nǝn jen a kǝga fɔlɔlɔmɨ jǝbɔ kǝga nǝb dʊʊm a kɛl dun mɨ.

Luka 22:33

Nǝngɔ Bitrus a jǝla gǝn gɔ, “Tɛlalɔ, n jǝla n yɔ a lɔsomi nǝbɔ mɔ. Na n bwaaɨ, bǝ bʊla dakini.”

Yohana 19:23

Nǝn kwama nɨ sʊwajaamtɨnɔ a kʊʊm Yesui, nǝngɔ ja wɔɔ dwangtɨn gǝnɔ ja tǝga lɔngɔ naalɨ, nǝngɔ ja do lɔngɔ win wini. Ba bǝla kaa bɛllɛ wʊnɨ ja sʊʊl bɔ sʊʊlɨ, jʊ a ta dʌbʌl a gǝla tal nǝn a tǝmɨ.

Yohana 21:18

N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Maajɨ Bɛtɔ Twamagɨɨ 12:3

A kuwo jʊ nɨ gǝ maaɨ a bʊm Yahudawagɔ gǝmɨ, nǝngɔ a ta Bitrus tǝgǝnɨ. A bwɨ nǝn kumtɨn Dikulom Kʊkkʊm nɨ mɨ Yisti woi.

Maajɨ Bɛtɔ Twamagɨɨ 12:5

Nǝn kwama Bitrus a lɔsomii, mʊrkalɨ nǝb bwangtǝm Kwaamaɨ a dɔ maatǝm keli Kwaamaɨ nǝn kwaan jinɔ a kɛl dul gǝn.

Maajɨ Bɛtɔ Twamagɨɨ 4:28

Ja mʊrka sǝ ja maa kanjǝl nɨ gwam wʊnɨ mʊ fɛkaɨ, wʊnɨ bwɨ lɛɨ, a dul kwaan mʊnɔ jǝbɔ bʊʊlalɨ mʊnɨ.

Maajɨ Bɛtɔ Twamagɨɨ 4:3

Nǝngɔ ja ta ji ja kubʌl jii, a bɛ nǝn a tǝmsɛltǝmɨ, jʊ a bwɨɨ kwamagɔ a dɔ.

Maajɨ Bɛtɔ Twamagɨɨ 5:18

Nǝngɔ ja gun ba ja taba bɛtɔ twamagɨɨ. Ja tal ji a lɔsomii.

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.