Maajɨ Bɛtɔ Twamagɨɨ 12:3 - Dadiya NT

³ A kuwo jʊ nɨ gǝ maaɨ a bʊm Yahudawagɔ gǝmɨ, nǝngɔ a ta Bitrus tǝgǝnɨ. A bwɨ nǝn kumtɨn Dikulom Kʊkkʊm nɨ mɨ Yisti woi.

Maajɨ Bɛtɔ Twamagɨɨ 12:3 ပူးပေါင်းရင်းမြစ်များ

Matta 26:17

Nǝn kum na win na Dikulom Kʊkkʊm nɨ mɨ Yisti woi, nǝngɔ bɛtɔ mɛlalɨ gǝnɔ a bɛ a daa Yesu woi gɔ, “Mʊ swɨ nǝn fɛka daa Dikulom Yabtǝmɔ a fee?”

Yohana 12:43

Jʊ a bwɨɨ, ja swɨ bǝlátǝmɔ a nyiyo nǝbɨɨ, a laa Kwaamaɨ.

Yohana 19:11

Yesu a jǝla gǝn gɔ, “Kwaan nɨ mʊ nǝngǝn a dul mɨɨ, n kwaan nɨ Kwaama a nǝ ńɨ. A kɛl dul jʊ nɨɨ, nʊ nɨ a dǝg ɨ a kang mʊnɨ, a laa ń bwɨlangkɛlɔ.”

Yohana 21:18

N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Maajɨ Bɛtɔ Twamagɨɨ 12:4

Hirudus a ta Bitrus a kubʌl a lɔsomi, a kang sʊwajaamtɨnɔ kʊb jeli nukun jǝ tɔɔ gǝn nɛ. Saa lɛ sǝ gǝ bɛ nǝn gɔ a kǝga nǝbɨɨ, sǝ gǝ maa gǝm borang na dikulomɔ a shui.

Maajɨ Bɛtɔ Twamagɨɨ 2:14

Nǝngɔ Bitrus a gun a tɨ tɨɨ dakini jǝbɔ kʊb jeli win nɨɨ, a sʊwa ji nǝn diil gɔ, “Kɛtǝlam mɨɨ Yahudawagɔ jǝbɔ nǝb nɨ yǝm a Urushalimaɨ, jǝ́ kaa lɔl jǝ́ nyʊwa jʊ mǝ sʊwa jen nɛɨ.

Maajɨ Bɛtɔ Twamagɨɨ 20:6

Nǝn tǝnǝn nǝn gun a Filibi a tɨyamwɛng a gul Dikulom Kʊkkʊm nɨ mɨ Yisti woi. Nǝn yɔ yɔm a mʊgɔ mwɛ kumɔ nʊ. Nǝngɔ ya nǝn nya ji a Taruwasaɨ. Nǝ maa kumɔ nʌbʌl a Taruwasa.

Maajɨ Bɛtɔ Twamagɨɨ 24:27

Filikus swɨ lɛ a maa Yahudawagɔ gǝm jǝ nya. Nǝngɔ a bǝla Bulus a lɔsomii. Jolɔ yo a shui, nǝngɔ Borkiyas Festas a yǝlam gwamna a fʌto Filikusi.

Maajɨ Bɛtɔ Twamagɨɨ 25:9

Festas swɨ lɛ a maa Yahudawagɔ gǝm jǝ nya. Nǝngɔ a bʌ Bulus gɔ, “Ń jǝla ja yɔ nǝn mɔ a Urushalima, n maa mʊn borangɔ a dul katɨ nɨ ka?”

Maajɨ Bɛtɔ Twamagɨɨ 4:13

Nǝn kwama dʊʊm nǝbɨɨ a kuwo bɨtǝm nǝl Bitrusi jǝbɔ Yohanaɨ, ja nyǝm jǝ ke bɔ nǝb nyǝmtǝm, jǝ nǝb nǝn kwan, nǝngɔ ja ta kang a nyiyoi. Ja nyǝm tag jǝ na dakini jǝbɔ Yesu galɨgǝn.

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

1 Tasalonikaɨ 2:4

Kanga Kwaama a jǝla nǝn nǝnɨ, a nǝ nǝn tatǝm fulon kɛl lǝmɨgɨɨ, nǝn gɔ nǝn sʊwa lɛɨ, ke bɔ sǝ nǝn fulo nǝbɔ gǝm nǝl. Nǝn fulo Kwaama gǝm nǝl, wʊnɨ tɛl nǝl bǝnɔ lɛɨ.