Maajɨ Bɛtɔ Twamagɨɨ 11:27 - Dadiya NT

²⁷ N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

Maajɨ Bɛtɔ Twamagɨɨ 11:27 ပူးပေါင်းရင်းမြစ်များ

Matta 23:34

Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

Luka 11:49

N jʊ a bwɨ Kwaama a nyǝmtǝm gǝn a sʊwa gɔ, ‘Mǝ twam jim twam nǝbkuwotǝmkǝga jǝbɔ bɛtɔ twama, wʊnɨ jǝ́ jʌbo kaamɨ lɛɨ, tangǝnɔ jǝ́ nǝ ji gaalan.’

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 11:22

Nǝngɔ fulon kɛl nɨ a bwɨ a Antakiyaɨ, a dɔ lɔl mʊrkalɨ nǝb bwangtǝm Kwaamaɨ nɨ a Urushalimaɨ. Nǝngɔ nǝb bwangtǝmɔ a twam Barnaba a Antakiyaɨ.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 15:30

Nǝngɔ ja twam ji a Antakiyaɨ. Ja mʊr mʊrkalɨ nǝb bwangtǝm Kwaamaɨ, nǝngɔ ja nǝ ji langǝn bwangǝnɨɨ.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 18:22

Ya gǝla a Kaisarɨ, nǝngɔ a gwi ya yal mʊrkalɨ nǝb bwangtǝm Kwaamaɨ a Urushalimaɨ. Nǝngɔ la a gǝla a Antakiyaɨ.

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Maajɨ Bɛtɔ Twamagɨɨ 21:4

Nǝn nya nǝb bwangtǝmɔ woi, nǝngɔ nǝn yɨ wo kumɔ nʌbʌli. Yʊwa Kwaamaɨ a sʊwa ji gɔ ja sʊwa Bulus ka ga yɔ lɛ a Urushalima.

Maajɨ Bɛtɔ Twamagɨɨ 21:9

Nǝngǝn nǝn banatǝmɔ naal wʊnɨ ja naa bɔ batǝm woi. Jǝ maa kuwotǝmkǝga.

Maajɨ Bɛtɔ Twamagɨɨ 6:5

Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

1 Korinti 14:32

Yʊwa kuwotǝmkǝgagɔ gǝ na a daa nǝbkuwotǝmkǝgagɔ woi.

Galatiya 2:11

Nǝn kwama nɨ Bitrus a Antakiyaɨ, nǝngɔ mǝ ga gǝn kǝga jǝbɔ kǝgaɨ, a dul bwɨlangkɛl gǝnɔ nɨ a talɨɨ.

Afisa 4:11

Nǝn gɔ a ya kaamɨ ja yǝlam bɛtɔ twamaɨ, kaamɨ n nǝbkuwotǝmkǝga, kaamɨ n kiyotǝm fulon kɛl lǝmɨ, kaamɨ n nǝb tɔɔtǝm jǝbɔ mɛlalɨ.