Maajɨ Bɛtɔ Twamagɨɨ 11:19 - Dadiya NT

¹⁹ Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Maajɨ Bɛtɔ Twamagɨɨ 11:19 ပူးပေါင်းရင်းမြစ်များ

Matta 10:6

Bɛ jǝ́ yɔ a daa nǝbɔ Israilaɨ woi, a maa na kwamɨtɨn nɨ a lɛlaɨ.

Yohana 7:35

Nǝngɔ Yahudawagɔ a sʊwaka a kang bʊtɔ jin gɔ, “Gǝ yi a fee, mɨsɔ bǝ nya gǝn nɛɨ? Kɛna yi a daagɔ Yahudawa nɨ a kwɨya tǝmɔ nǝn kwan jǝ yǝm jǝbɔ nǝbɔ Girikaɨ, sǝ ya mɛla nǝbɔ Girikaɨ gǝm lɛ fʌleni?

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 11:22

Nǝngɔ fulon kɛl nɨ a bwɨ a Antakiyaɨ, a dɔ lɔl mʊrkalɨ nǝb bwangtǝm Kwaamaɨ nɨ a Urushalimaɨ. Nǝngɔ nǝb bwangtǝmɔ a twam Barnaba a Antakiyaɨ.

Maajɨ Bɛtɔ Twamagɨɨ 13:1

A kʊm mʊrkalɨ nǝb bwangtǝm Kwaamaɨ nɨ a Antakiyaɨ, kaamɨ n nǝbkuwotǝmkǝga jǝbɔ nǝb mɛlalɨ. Na bǝ Barnaba, jǝbɔ Simiyon wʊnɨ jǝ jo lɛ gɔ Bwɛ Filii, jǝbɔ Lushiyos nɨ a jel a Kuranei, jǝbɔ Manayen wʊnɨ a dʊʊl dakini jǝbɔ fɔlɔ Hiridusi, jǝbɔ Shawului.

Maajɨ Bɛtɔ Twamagɨɨ 13:4

Barnaba jǝbɔ Shawulu nǝb nɨ Yʊwa Kwaamaɨ a twam jii, ja shu a tuulɔ Salukiya. A fʌlen, nǝngɔ ja dɔ tɨyamwɛngɔ ja gǝla a tǝm Sayifurus nɨ a tɨbǝl wɨmaɨ.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 14:26

A daa gɔ, nǝngɔ ja dɔ tɨyamwɛngɔ ja yǝla a Antakiyaɨ, a daa nɨ galɨgǝn ja maa jim keli sǝ Kwaama a kɨla ji a maajɨ nɨ ja maaɨ.

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 15:30

Nǝngɔ ja twam ji a Antakiyaɨ. Ja mʊr mʊrkalɨ nǝb bwangtǝm Kwaamaɨ, nǝngɔ ja nǝ ji langǝn bwangǝnɨɨ.

Maajɨ Bɛtɔ Twamagɨɨ 15:35

Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.

Maajɨ Bɛtɔ Twamagɨɨ 15:39

Kɔkatǝm nɨ a dǝg ji wʊlakatǝm. Barnaba a do Markus, ja dɔ tɨyamwɛngɔ ja shu a tǝm nɨ a tɨbǝl wɨma jǝ jo lɛ gɔ Sayifurusi.

Maajɨ Bɛtɔ Twamagɨɨ 18:22

Ya gǝla a Kaisarɨ, nǝngɔ a gwi ya yal mʊrkalɨ nǝb bwangtǝm Kwaamaɨ a Urushalimaɨ. Nǝngɔ la a gǝla a Antakiyaɨ.

Maajɨ Bɛtɔ Twamagɨɨ 21:16

Kaam nǝb bwangtǝmɔ a Kaisarɨ ya ja ywa nǝn. Ja yɔ nǝn nǝn a lɔ Manasoni, a daagɔ nǝn shig lɛ woi. N bwɛ Sayifurus, win a mʊgɔ nǝb bwangtǝm tɨkǝgagɔ.

Maajɨ Bɛtɔ Twamagɨɨ 21:2

N daagɔ nǝn nya kaa tɨyamwɛng nɨ shu lɛ a tǝm Finikiyaɨ. Nǝngɔ nǝn dɔ nǝn shui.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

Maajɨ Bɛtɔ Twamagɨɨ 6:5

Nǝbɔ gwam a nyʊwa lǝma kɛl nɨ ja sʊwaɨ. Nǝngɔ ja jǝg Istifanusi, nʊ nɨ a yii nǝn nǝtǝm bɨlǝngkɛl jǝbɔ Yʊwa Kwaamaɨ, jǝbɔ Filibus, jǝbɔ Burokoras, jǝbɔ Nikanar, jǝbɔ Timan, jǝbɔ Barminas, jǝbɔ Nikolas, wʊnɨ a bɛ a Antakiyaɨ, n ke bɔ bwɛ Yahuda, a dɔ bwangtǝm jǝfʊlǝn.

Galatiya 2:11

Nǝn kwama nɨ Bitrus a Antakiyaɨ, nǝngɔ mǝ ga gǝn kǝga jǝbɔ kǝgaɨ, a dul bwɨlangkɛl gǝnɔ nɨ a talɨɨ.