Maajɨ Bɛtɔ Twamagɨɨ 11:12 - Dadiya NT

¹² Nǝngɔ Yʊwa Kwaamaɨ a sʊwa ɨ gɔ, n bwang jim, bɛ ka n nʊng lɛ kɔkan a tɨbǝl mɨ nǝbɔ ji. Kɛtǝlam nɨ nukuni, ja gun ja ywa ɨ. Nǝn dɔ lɔ Karniliyasɨ nǝbɔ ji a Kaisar.

Maajɨ Bɛtɔ Twamagɨɨ 11:12 ပူးပေါင်းရင်းမြစ်များ

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 10:23

Nǝngɔ Bitrus a dɔ nǝn jii, a nǝ ji daa daamɨ. Nǝn tǝmsɛlɨ nǝngɔ a gun ja shu dakinii. Kaam nǝb bwangtǝm Kwaamaɨ a tuulɔ Yafa ya ywa ji.

Maajɨ Bɛtɔ Twamagɨɨ 10:45

Yahudawagɔ nǝb bwangtǝmɔ, wʊnɨ ja bɛ jǝbɔ Bitrusi, ja kuwo nǝb nɨ n Bʌtʌb tʌjii ja nya nǝtǝm lǝma Yʊwa Kwaamaɨ, ja ta kang a nyiyo.

Maajɨ Bɛtɔ Twamagɨɨ 11:13

Nǝngɔ a sʊwa nǝn kanga gǝ kuwo bwɛ twama Kwaamaɨ tɨm a lɔ gɨɨ, sʊwa lɛ gɔ, ‘Twam a Yafa, ja jo Saminu, wʊnɨ jǝ jo lɛ gɔ Bitrusi.

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 13:4

Barnaba jǝbɔ Shawulu nǝb nɨ Yʊwa Kwaamaɨ a twam jii, ja shu a tuulɔ Salukiya. A fʌlen, nǝngɔ ja dɔ tɨyamwɛngɔ ja gǝla a tǝm Sayifurus nɨ a tɨbǝl wɨmaɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 15:9

A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.

Maajɨ Bɛtɔ Twamagɨɨ 28:15

Nǝb bwangtǝm nɨ a Romaɨ, ja nyʊwa fulon nǝnɨ, nǝngɔ ja bɛ ba ja yo nǝn a gamdʌbo Abiyus, jǝbɔ daa nɨ jǝ jo lɛ gɔ daa Shigtǝm Taal. Bulus a kuwo jii, nǝngɔ a buu Kwaama gǝm kangɨ, nǝngɔ a nya kwaanɨ.

Maajɨ Bɛtɔ Twamagɨɨ 8:29

Nǝngɔ Yʊwa Kwaamaɨ a sʊwa Filibus gɔ, “Yɔ bɨtʌgo a kʌntʌlʌn tʊwa kemʌn nɨ gǝm.”

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.