Maajɨ Bɛtɔ Twamagɨɨ 10:22 - Dadiya NT

²² Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 10:22 ပူးပေါင်းရင်းမြစ်များ

Matta 1:19

Yusufu bwɨla gɔ n nǝ dǝngdǝng. A swɨ bɔ jʊ nɨ nǝ bwɛnɔɔlɨ nɨ gunidul lɛɨ. Nǝngɔ swɨ lɛ a bǝla naakan nɨ daddadɨ.

Matta 2:12

Kwaama a kwɛl a gʊ lɔl jinɔ a dʊgam gɔ, ka ja yǝla lɛ a daa Hiridus woi. Nǝngɔ ja yǝla ja do kaa gola ja shu a tǝm jini.

Markus 6:20

Jʊ a bwɨɨ, Hiridus nyʊwa taal Yohanaɨ lɛ, kɨla gǝn nɛ dangǝn. A nyǝm gɔ Yohana n nǝfili dǝngdǝng, n nǝ sagsag. Na kwama nɨ Yohana a sʊwa Hiridus kɛlɨ, gǝ kom gǝn kom sul, gǝ nyʊwa nyʊwa lǝma nyʊwatǝm kɛl Yohanaɨ kwangkwang.

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 23:50

Kaa nǝl wo a kʊm mʊrkalɨ nǝb dʊʊm kotere tǝm gɔ, dun gǝnɔ nǝn Yusufu. N bwɛ kaa tuulɔ Yahudiyaɨ, wʊnɨ jǝ jo lɛ gɔ Arimatiyaɨ. N nǝ nya, n nǝ dǝngdǝng.

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Yohana 13:20

Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”

Yohana 17:20

“Ke bɔ nǝb nɨ kwaaji mǝ maa jim keli lɛɨ, mǝ maa keligɔ tag a nǝb nɨ nǝ bɨlǝngkɛl lɛ a kɛl jinɔ gǝmɨ.

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Maajɨ Bɛtɔ Twamagɨɨ 10:2

N nǝ bwangtǝm Kwaamaɨ. Nyʊwa taal Kwaamaɨ lɛ, jǝbɔ lɔ gǝnɔ gwam. Nǝn gɔ nǝ tɨkalɨ lɛ nǝlɔ win a Yahudawa nɨ n nǝb bʊnǝnɨ. Kela Kwaama lɛ kwangkwang.

Maajɨ Bɛtɔ Twamagɨɨ 10:21

Nǝngɔ Bitrus a gǝla a yɔ a daa ji woi, a sʊwa ji gɔ, “Mǝ wɔ, jǝ́ saa mǝ. N wɛ nyɨɨ a bɛ nǝn jeni?”

Maajɨ Bɛtɔ Twamagɨɨ 10:30

Nǝngɔ Karniliyas a jǝla gɔ, “Kumɔ taal nɨ a shui, kang kwama nɨ, kemʌnɔ taal na kwaamɨ, mǝ maa keli lɛ a lɔ mɨ. Nǝngɔ kaa balɨ a tɨ a kǝga mɨɨ, dwang malǝng gǝnɔ beta lɛ nyɔ.

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 10:6

A shig a daa Saminu woi wʊnɨ sʊn tɛ lɛɨ, wʊnɨ lɔ gǝnɔ a kʌng wɨmaɨ.”

Maajɨ Bɛtɔ Twamagɨɨ 11:14

Nǝn gɔ bɛ mʊn nɛ nǝn kɛl nɨ mʊ nya bʊʊlɨ lɛ a daa gǝ woi, mɔ jǝbɔ lɔ mʊnɔ pʌd.’

Maajɨ Bɛtɔ Twamagɨɨ 22:12

“Nǝngɔ kaa nǝl dunɔ nǝn Hananiya a bɛ a daa mǝ woi. N nǝ bwangtǝm Kwaamaɨ a diil bǝnɔ gǝm, wʊnɨ Yahudawagɔ fʌlen gwamɨ bǝlá gǝn nɛɨ.

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Roma 1:17

Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

2 Korinti 5:18

Jʊ nɨ gwam n maatǝm Kwaamaɨ, nʊ nɨ a dɔ kʊm bǝnɔ nǝn kang gǝn a gola Kiristii, a nǝ nǝn maajɨ dɔtǝm kʊm nǝbɨɨ jǝbɔ Kwaama.

1 Timoti 3:7

Bɛ ga yǝlam nʊ nɨ a nya dun nyan a mʊgɔ nǝb nɨ ke bɔ nǝb bwangtǝmɨ, kage a yǝlam jǝ gunidul, a yal a mʊgɔ lan Mammɨ.

Ibranii 10:38

Nǝ mǝndɨ nɨ maa jʊ nɨ lɛ dǝngdǝngɨ, yɨ yɨ nǝn kʊlɨ a gola nǝtǝm bɨlǝngkɛl. Na ga yǝla ga gʊ nǝn guli, mɨsɔ mǝ maa fulotǝm nǝl lɛ nǝn gɔ.”

Ibranii 11:2

N gola nǝtǝm bɨlǝngkɛl tʊgalam bǝnɔ a nya jǝlatǝm Kwaamaɨ.

Ibranii 12:23

Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.

Dʊgam Nyangnyang 14:10

nyaka nyaka jǝbɔ gaalan Kwaamaɨ a nabwɨl gǝnɔ gǝm. Jǝ nǝ gǝn nǝ gaalan nǝn kǝla, wʊnɨ a fo, a shi, a kǝga bɛtɔ twama Kwaamaɨ sagsagɨɨ jǝbɔ Bɛ Galɔ.