Maajɨ Bɛtɔ Twamagɨɨ 1:2 - Dadiya NT

² a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 1:2 ပူးပေါင်းရင်းမြစ်များ

Matta 12:28

Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.

Matta 3:16

Kwama Yohana a yʊm Yesu mwɛ sagsagɨɨ, kanga gǝ jel lɛ a mʊgɔ mwɛmɔ gǝmɨ, nǝngɔ dʌbʌl kwamagɔ a wumoi, nǝngɔ a kuwo Yʊwa Kwaamaɨ gǝla lɛ a dul gǝn na kumfiyoi, a gǝla a yɨ a dul gǝnɨ.

Markus 6:30

Kwama bɛtɔ twama nɨ a yǝla ba nya Yesui, nǝngɔ ja sʊwa gǝn kanjǝl nɨ gwam jǝ maaɨ, jǝbɔ kanjǝl nɨ jǝ mɛlaɨ.

Luka 24:51

Nǝn kwama dǝgǝm jim bwiligɔ lɛɨ, nǝngɔ a bǝla jii, nǝngɔ ja do gǝn a dʌbʌli.

Luka 9:51

Kumɔ jǝ dem gǝn nɛ a dʌbʌli a dwama, sɨn yɔtǝmɔ lɛ a Urushalima.

Yohana 1:16

A nǝ bǝn lǝma pʌd a dul lǝma jʊ a bwɨɨ n gʌleng swɨtǝm gǝnɔ a ladaɨ.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 13:18

“Ke bɔ a dul jen pʌd mǝ sʊwa kɛl nɨ lɛɨ, n nyǝm nǝbɔ mǝ jǝgamɨ. A bwɨ nyɔ sǝ a yii mʊlalɨ kɛl nɨ gɔ, ‘Nʊ nɨ ja jǝjalǝn mǝndɨ lɛɨ, a gun tʌgo a mǝ gǝm.’

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 17:13

“Kǝngkǝnɨ mǝ yilo a daa mɔ woi. Mǝ sʊwa kanjǝl nɨ lɛ mǝ a yooli, sǝ nǝb nɨ bwang mɨ lɛɨ a nya fulotǝm nǝl mǝndɨ nyangǝn a mʊgɔ nǝl jinɔ gǝm.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Yohana 20:21

Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Yohana 6:70

Nǝngɔ Yesu a jǝla ji gɔ, “Nǝmǝ mǝ jǝgam jen kʊb jeli yo nɨɨ, win a kʊm jen n mamm.”

Maajɨ Bɛtɔ Twamagɨɨ 1:11

Nǝngɔ ja sʊwa gɔ, “Jǝ́ nǝbɔ Galilii, n wɛ a bwɨ jǝ́ tɨm, jǝ́ dʌng dʌbʌlɔ lɛɨ? Yesu nɨ ja dem gǝn a daa jen woi, ja shu nǝn a dʌbʌli, yǝla bɛ bɛ kanga jǝ́ kuwo gǝn a shumi.”

Maajɨ Bɛtɔ Twamagɨɨ 1:13

Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.

Maajɨ Bɛtɔ Twamagɨɨ 1:22

A bʊm nyɔ nʊ nɨ a yǝlam nʊ nɨ a yɨ jǝbɔ bǝn a tǝl nǝn kwama Yohana yʊm mwɛ sagsag lɛɨ, ba la nǝn kwama nɨ Yesu a guni, ja yɔ nǝn gɔ a dʌbʌli. A yǝlam nyɔ win a kʊm nǝb nɨ a nǝ nyiyo a guntǝm gǝnɔ a bwaaɨ jǝbɔ bǝn.”

Maajɨ Bɛtɔ Twamagɨɨ 1:9

Nǝn kwama a sʊwam kɛl nɨɨ, jǝ dʌng gǝn nɛ, nǝngɔ Kwaama a do gǝn a shu nǝn a dʌbʌl kwamaɨ. Lulɔ a sɔm gǝn, ja kuwo gǝn bɔ tag.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Galatiya 1:1

Nǝmǝ mǝ Bulus bwɛ twama, wʊnɨ ke bɔ a daagɔ nǝfitʌmi, ke bɔ nǝfili a twam ɨɨ. Nǝn Yesu Kiristi jǝbɔ Tɛtɛ Kwaama, wʊnɨ a gung gǝn a bwaaɨ, a twam ɨɨ.

Afisa 2:20

Jǝ́ nǝb nɨ ja mɔ a dʌbʌl fʌlʌm bɛtɔ twamagɨɨ jǝbɔ a nǝbkuwotǝmkǝgagɨɨ. Kiristi Yesu nǝn dul gǝn nǝn gɔ tɛl fʌlʌm kanɨ.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

Dʊgam Nyangnyang 1:1

Langǝn bwangǝn nɨ gǝ sʊwa jʊ Kwaama a nǝ Yesu Kiristii, sǝ a sʊwa bɛtɔ jwaalɛn gǝnɔ jʊ nɨ bwɨ bwɨ mɨsɔ kʊta lɛ. Nǝngɔ Kiristi a twam bwɛ twama Kwaamaɨ sǝ a sʊwa bwɛ jwaalɛ gǝnɔ Yohana kɛl nɨɨ.

Dʊgam Nyangnyang 2:11

“Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, bwaa na yogɔ mɨsɔ nya kwaan nɛ a dul gǝn.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:29

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.

Dʊgam Nyangnyang 21:14

Kwalɨ tuulɔngɔ nǝngǝn nǝn jʌng kwalɨgɔ kʊb jeli yo. A dultɨn jinɔ gǝm ja mʊla duntɨn bɛtɔ twamagɔ kʊb jeli yoi a Bɛ Gal nɨ.

Dʊgam Nyangnyang 3:13

Nʊ nɨ nǝn lɔl nyʊwatǝmɨ, bɛ a nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.

Dʊgam Nyangnyang 3:16

Mʊ bǝlagbǝlag. Mʊ yʌb bɔ yʌbi, mʊ shilo bɔ shiloi. A dul kɛl nɨɨ, mǝ tɛɛ ń tɛɛ ń fʌlen a mʊgɔ nyiyo mɨ.

Dʊgam Nyangnyang 3:22

Nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ.”