Maajɨ Bɛtɔ Twamagɨɨ 1:14 - Dadiya NT

¹⁴ Nǝb nɨ gwam ja nǝ dul jinɔ a maatǝm keli, bʊʊlalɨ jinɔ win, jǝbɔ kaam nɔɔtǝm, jǝbɔ Maryamu nɛnɛ Yesui, jǝbɔ kaam kɛtǝlam gǝn.

Maajɨ Bɛtɔ Twamagɨɨ 1:14 ပူးပေါင်းရင်းမြစ်များ

Matta 12:46

Sʊwa nǝbɔ kɛlɔ lɛ nyɨɨ, nǝngɔ nyɨya gɔ jǝbɔ kɛtǝlam gǝnɔ jǝ tɨm a yoolii, jǝ swɨ lɛ ja sʊwa gǝn kɛl,

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

Matta 27:55

Nɔɔtǝmɔ a lada nyɔ wo, jǝ dʌng lɛ a kʊta. Ja jel a Galili jǝ bwang Yesu gǝm lɛ, jǝ maa gǝm maajɨ lɛ.

Markus 15:40

Kaam nɔɔtǝm tʌji tɨlam wo a kʊta, ja kuwo. A kʊm jin Maryamu bwɛn Magadaliyaɨ jǝbɔ Maryamu nyɨya Yakubu dwalɨgɨɨ, kɨla Yusufui, jǝbɔ Salomi,

Markus 16:1

Kwama Kum Fǝbtǝm Yahudawagɨɨ a shui, Maryamu bwɛn Magadaliyaɨ, jǝbɔ Maryamu nɛnɛ Yakubui, jǝbɔ Salomi, ja ten nwang nɨ nǝn kunʌn lǝmɨ sǝ ya jǝ waa bʊtɔ Yesui gǝm.

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Luka 23:49

Nǝb nɨ gwam a nyǝm gǝnɨ, jǝbɔ nɔɔtǝm nɨ ja tǝl bwangtǝm gǝnɔ a Galilii, ja tɨ a kʊta, nǝngɔ jǝ dʌng kanjǝl nɨ lɛ a bwɨɨ.

Luka 23:55

Nɔɔtǝm nɨ a jel a Galili jǝbɔ Yesui, nǝngɔ ja bwangtǝn Yusufui. Ya ja kuwo tuugɔ, ja kuwo kanga ja yam bʊtɔ Yesui a mʊgɔ gǝnɨ.

Luka 24:10

Nɔɔtǝm nɨ a sʊwa nǝbɔ kɛl nɨ jǝbɔ bɛtɔ twama gǝnɨ, nabɔ Maryamu bwɛn Magadaliyaɨ, jǝbɔ Yuwana, jǝbɔ Maryamu nyɨya Yakubui, jǝbɔ kaam nɔɔtǝm nɨ jǝ dakinii.

Luka 24:33

Ja gun tʌgo a kang ja ta gola Urushalimaɨ. Ja nya bɛtɔ mɛlalɨgɔ kʊb jeli wini wo jǝbɔ nǝbɔ dakini jǝbɔ jii, ja mʊrka dakinii.

Luka 24:53

Nǝngɔ ja yɨ kum jǝbɔ kɔkɔ a Kan Kwaaman jǝ bǝlá Kwaamagɔ lɛɨ.

Luka 8:20

Nǝngɔ kaa nǝl ba sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨlam a yooli. Jǝ swɨ lɛ ja kuwo ń.”

Maajɨ Bɛtɔ Twamagɨɨ 2:1

Nǝn di Fentikosɔ a laɨ, nǝb bwangtǝmɔ gwam ja mʊrka daagɔ win.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 6:4

sǝ nǝn tǝnǝn nǝn dɔ maatǝm keli, jǝbɔ mɛlatǝm kɛl Kwaamaɨ.”

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

1 Korinti 14:13

Nʊ nɨ sʊwa kɛl lɛ nǝn kaa nyiyoi, bɛ ga maa keli, Kwaama a nǝ gǝn lǝma fɛtatǝmɔ.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Kolosii 4:2

Jǝ́ ja kǝga nǝn maatǝm keli. Jǝ́ yɨ nǝn fɛkalɨ a mʊgɔ gǝn jǝbɔ buutǝm kang.