2 Yohana 1:12 - Dadiya NT

¹² Mǝ nǝn jʊ nɨ mǝ sʊwa jen nɛ a ladaɨ, n kuwo a daa bɔ tʌgo n mʊla jem a langǝn bwangǝn. N ya nǝl n yɔ jem fɔla sǝ n sʊwa jen kǝga jǝbɔ kǝga, sǝ fulotǝm nǝl bǝnɔ a yii dǝngdǝng.

2 Yohana 1:12 ပူးပေါင်းရင်းမြစ်များ

Yohana 15:11

“Mǝ sʊwa jen nyɔ sǝ fulotǝm nǝl mǝndɨ a yɨ a mʊgɔ jen, sǝ fulotǝm nǝl jenɔ a yii dǝngdǝng.

Yohana 16:12

“Mǝ nǝn kanjǝl a gǝlala tag na mǝ sʊwa jen nɛɨ, kǝngkǝnɨ mɨsɔ jǝ́ dwal lɛ jǝ́ do.

Yohana 16:24

A ba la nǝn kǝngkǝnɨ, jǝ́ kela bɔ kaa jǝl a mʊgɔ dun mɨ. Jǝ́ kel, jǝ́ yo yo, sǝ fulotǝm nǝl jenɔ a yii.

Yohana 17:13

“Kǝngkǝnɨ mǝ yilo a daa mɔ woi. Mǝ sʊwa kanjǝl nɨ lɛ mǝ a yooli, sǝ nǝb nɨ bwang mɨ lɛɨ a nya fulotǝm nǝl mǝndɨ nyangǝn a mʊgɔ nǝl jinɔ gǝm.

Yohana 3:29

A kangwaal naakan, balɨgɔ nǝn gɔ a naa nɔɔlɨgɨɨ. Fwal balɨ nɨ a naa nɔɔlɨgɨɨ, gǝ yam kɛl nɨ jel lɛ a nyiyo balɨgɨɨ. Gǝ nyʊwa nyʊwa lǝma na a nyʊwa kɛl nɨ a jel a nyiyo balɨgɨɨ. N jʊ a bwɨ mǝ nǝn fulotǝm nǝlɨ.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

2 Timoti 1:4

Na nǝn kwama mǝ bʊʊla nǝn mwɛ num mʊnɨ, mǝ ya nǝl kuwotǝm mʊnɔ lɛ, sǝ n maa fulotǝm nǝl nyangǝn.

Filimon 1:22

Kaa jʊ wɔ: Bɛ ń fɛka mɨ kan shigtǝmɔ, jʊ a bwɨɨ mǝ ya nǝl lɛ ja nɨ ɨ gola n yɔ a daa jen woi a kɛl dul maatǝm keli jenɔ gǝm.

Ibranii 13:19

Mǝ kel jen nɛ nǝn bɨlǝngǝn jǝ́ maa nyɔ, sǝ n yǝla a daa jen woi dǝbǝr.

Ibranii 13:23

Jǝ́ nyǝm, ja dem kang a kɨla bǝn Timoti gǝm. Jǝ́ kuwo i kuwo i nǝbɔ gɔ a daa jen woi na a bɛtǝnɨ.

1 Yohana 1:4

Nǝn mʊla jem jʊ nɨ dɨsɔ fulotǝm nǝl nǝnɔ a yii dǝngdǝng.

3 Yohana 1:10

Na n bɛɨ, mǝ sʊwa sʊwa nǝbɔ jʊ nɨ gǝ maa lɛɨ mɨ nyǝmatǝm wo, n kɛlɨkɛlɨ nǝn kwan a dul bǝn. Kal bǝn nɛ, wʊnɨ a la gǝm bɔ, a kɔ yotǝm kambɨɨ, kaa nǝb nɨ lɛ swɨ lɛ a yo jii, jǝg ji lɛ a mʊgɔ mʊrkalɨ nǝb bwangtǝm Kwaamaɨ.