2 Timoti 4:8 - Dadiya NT

⁸ Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

2 Timoti 4:8 ပူးပေါင်းရင်းမြစ်များ

Matta 24:36

“Mɨ nǝn nʊ nɨ a nyǝm kumɔ, jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ nɨ a dʌbʌli jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ.

Matta 7:22

Nǝbɔ a lada a kum gɔ sʊwa sʊwa gɔ, ‘Tɛlalɔ, Tɛlalɔ, nǝn maa bɔ kuwotǝmkǝga a mʊgɔ dun mʊn ka? Nǝn kaa bɔ nǝblaamɔ a mʊgɔ dun mʊn ka? Nǝn maa bɔ jǝ laatǝm kang a mʊgɔ dun mʊn ka?’

Luka 10:12

Mǝ sʊwa jen nɛ nǝn di borang Kwaamaɨ, jʊ bwɨ lɛ nǝn tuulɔ gɨɨ bwɨla laa laa jʊ a bwɨ nǝn Sadumagɨɨ.

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

1 Korinti 2:9

Kanga a mʊla mʊlaɨ sʊwa lɛ gɔ, “Kanjǝl nɨ nugɔ a kuwo bɔ woi, lɔlɔ a nyʊwa bɔ woi, a dɔ bɔ mʊgɔ nǝl nǝlɨ woi, n kanjǝlɔ Kwaama a fɛka nǝb nɨ gǝm swɨ gǝn nɛɨ.”

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

1 Korinti 9:25

Gwam nǝb nɨ maa gaan bangatǝm lɛɨ, jǝ mwɛ dul jinɔ a golantɨnɔ gǝm gwam. A jinɔ jǝ maa nyɔ, sǝ ja nya dwang dul nɨ kala lɛɨ. A bǝnɔ mɨsɔ kala lɛ wo.

2 Korinti 5:2

Kǝngkǝnɨ bǝ dʊna lɛ nǝn bʊtɔ yooli nɨɨ, bǝ ya nǝl lɛ a bʊtɔ nɨ jǝ mal bǝm lɛ na dʌbʌli,

Filibii 3:11

sǝ na maa nyǝnɨ, sǝ a la nǝn mǝ a guntǝm a bwaa.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Tasalonikaɨ 5:4

Kambɔ ke bɔ a mʊgɔ kumtojili jǝ́ woi, kɔkɔ nɨ ba do jen nɛ nǝn dul na nǝkuui.

2 Tasalonikaɨ 2:8

Sǝla fɔlɔ kutʌm bwɨla nɨ a jel. Tɛlalɔ Yesu jʌ gǝn nǝn fǝbǝm nyiyo gǝnɔ. A kalǝm gǝn nǝn dʊʊlǝn gǝnɔ a di kɔkɔ bɛtǝm gǝnɔ gǝm.

1 Timoti 6:19

Nǝn gɔ n gola nɨ jǝ ya dul jinɔ gǝm shilo lɛɨ, wʊnɨ nǝn gɔ n fʌlʌm nyan a kǝga nɨɨ, sǝ ja kwal kʊlɨ nɨ n bɨlǝngǝnɨ.

2 Timoti 1:10

Lǝma nɨ, Kwaama a nʊng bǝn kǝngkɔ a gola bɛtǝm Nǝbʊʊlɨ bǝnɔ Kiristi Yesui, a kalǝm bwaagɨɨ, a nʊng kʊlɨ nɨ mɨ dɨtǝm woi a gola kiyotǝm fulon kɛl lǝmɨ nɨɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:18

Bɛ Tɛlalɔ a ji bʊnǝn gǝnɔ nǝn kɔkɔ bɛtǝm gǝnɔ! Ń kwɛl ń nyǝm nyǝmɨ bwɨ tɨkalɨ nɨ a maa a Afisaɨ.

2 Timoti 2:5

Nǝ maatǝm gwanan mɨsɔ ku jelʌn nɛ, na ga bwangtǝn bɔ diil gwananɨ.

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 12:11

Mwɛlɔ pʌd nǝn kwama nɔɔtǝm gǝnɨ n jǝ fitǝm nǝl. N ke bɔ jǝ fulotǝm nǝl. A gulɔ gǝm nǝb nɨ a nya mwɛl nyɨɨ, jǝ yɨ yɨ yɨm dǝngdǝng jǝbɔ yɨm kwamɨgǝn.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

1 Bitrus 1:4

N jʊ a bwɨ bǝ nya kʊla nɨ mɨsɔ bʊla lɛ woi, mɨ kalatǝm woi, mɨsɔ dumo lɛ wo tagɨ, wʊnɨ ja ya jem a dʌbʌli,

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

Dʊgam Nyangnyang 4:10

daltɔ dʊʊm nɨ fʊltiyo jeli naalɨ, ja jʊng a kǝga nʊ nɨ yǝm a dʌbʌl kotere fɔlɔnɨ, nʊ nɨ nǝn kʊlɨ mɨ dɨltǝm woi, jǝ maa gǝm bǝlátǝm lɛ. Ja ya dwang dul fɔlɔn jinɔ tag a kǝga kotere fɔlɔn nɨ, jǝ ma nafɨ lɛ jǝ sʊwa lɛ gɔ,

Dʊgam Nyangnyang 4:4

Kaam kotere fɔlɔntɨnɔ wo fʊltiyo jeli naal jǝbɔ daltɔ dʊʊmɔ fʊltiyo jeli naal yǝmam a dul jin, ja kangǝm kotere fɔlɔn dʊʊnɔ. Ja dʊʊ dwang fulontɨn jǝbɔ dwang dul mʊn a dul jinɔ gǝm.