2 Timoti 4:18 - Dadiya NT

¹⁸ Tɛlalɔ bʊʊ bʊʊ nǝn mǝ a bwɨlang kanjǝlɔ gǝm gwam, sǝ a kɨla ɨ, a yɔ nǝn mǝ a fɔlɔn gǝnɔ gǝm a dʌbʌli. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

2 Timoti 4:18 ပူးပေါင်းရင်းမြစ်များ

Matta 13:43

A kwama gɔ, nǝb dǝngdǝngɔ, jǝ yǝlam nǝn ganggang nyɔ na kɔkɔ a mʊgɔ Fɔlɔn Tɛtɛ jii. Nʊ nɨ nǝn lɔl nyʊwatǝmɨ, bɛ ga nyʊwa.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Luka 11:4

Bɛ ń kǝlǝm bǝm bwɨlangkɛl bǝnɔ, kanga nɨ bǝ kǝlǝm nǝb nɨ gǝm maa bǝm bwɨlangkɛl lɛɨ. Bɛ ka ń yɔ lɛ nǝn bǝn a gola tɛltǝm.’ ”

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Luka 22:29

Kanga Tɛtɛ mɨ a nɨ ɨ kwaan fɔlɔnɨ, nǝngɔ mǝ nǝ jen nɛɨ,

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Roma 16:27

Bɛ dʊʊlǝn nɨ mɨ dɨtǝm woi, a ta tʌgo gwanggwang a gola Yesu Kiristii a daa Kwaama woi, wʊnɨ n nǝ yʊlan kwaagɨɨ! A daa nyɔ.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

2 Korinti 1:10

Nǝn gɔ a jǝg nǝn a bwaa bwɨla nɨɨ, nǝn gɔ tag bʊʊ lɛ nǝn nǝnɨ. N daa gǝ woi nǝ ya nǝl lɛ, bʊʊ lɛ nǝn nǝn tagɨ.

Galatiya 1:5

Bɛ dʊʊlǝnɔ a yɨ a daa gǝ woi mɨ dɨtǝm wo. A daa nyɔ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

Ibranii 11:16

Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.

Ibranii 12:22

A jenɔ jǝ́ bɛ, jǝ́ la Yem Sihiyonagɔ jǝbɔ Urushalima dʌbʌl kwamagɔ, tuulɔ Kwaama kʊlɨɨ. Jǝ́ bɛ a daagɔ bɛtɔ twama Kwaamaɨ, fʊlkʊblǝntɨn a mʊrka a mʊgɔ nyʊwatǝm fulotǝm nǝlɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Bitrus 5:11

Fɔlɔnɔ bɛ a ta tʌgo a daa gǝ woi gwanggwang mɨ dɨtǝm wo. A daa nyɔ.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.