2 Timoti 4:16 - Dadiya NT

¹⁶ Nǝn kwama mǝ tɨm a kǝga borang nǝn tɨkǝga a kɛl jǝgtǝm dul mǝndɨɨ, mɨ nʊ nɨ wo a bwa mɨ guui, pʌd jinɔ ja mwal ja bǝla ɨ. N ya nǝl mɨsɔ Kwaama kiyo lɛ na bwɨlangkɛl a dul jin.

2 Timoti 4:16 ပူးပေါင်းရင်းမြစ်များ

Markus 14:50

Nǝngɔ bɛtɔ mɛlalɨ gǝnɔ gwam a mwala a bǝla gǝn kwaagɨɨ.

Luka 12:11

“Na ja yɔ nǝn jen a kǝga kantɨn mɛlalɨ jǝbɔ nǝb borangɔ jǝbɔ nǝb fɔlɔnɨ, ka jǝ́ kom lɛ dul jenɔ a jʊ nɨ jǝ́ gar jim lɛɨ, jǝbɔ jʊ nɨ jǝ́ sʊwa ji lɛɨ.

Yohana 16:32

Kwamagɔ bɛ lɛ wo, a kwɛl a bɛ, wʊnɨ jǝ́ kwɨya lɛ win win, jǝ́ mwal jǝ́ shu a lɔ jen jǝ́ bǝla ɨ kwaamɨ wini. Mǝ ke bɔ kwaamɨ win, Tɛtɛ mɨ gǝ na jǝbɔ mǝ.

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Maajɨ Bɛtɔ Twamagɨɨ 25:16

“Nǝngɔ mǝ gar jim mǝʊ n ke bɔ jǝfʊlǝn nǝbɔ Romaɨ nǝn maa nǝ bwɨlangkɛl gǝm borang nyɔ. A bʊm nyɔ ja bɛ nǝn gɔ a kǝga nǝbɔ a ka kɛl gǝnɔ kǝga jǝbɔ kǝgaɨ. Jǝ nǝ gǝn nǝ talɨ, sǝ ga jǝg dul gǝnɔ a katǝm kɛl nɨ ja maa gǝmɨ.

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

1 Korinti 13:5

Swɨkanɔ mɨ nǝn dʊʊlǝn dul, mɨ gǝ maa swɨtǝm dul lɛ. Swɨkanɔ mɨ gǝ nʊng shilotǝm nǝl lɛ, mɨ gǝ ta nǝl lɛ a nǝl.

1 Korinti 9:3

Wʊnɨ nǝn gɔ kʌshitǝm dul mǝndɨ a nǝb nɨ swɨ fɨɨtǝm mǝndɨ lɛɨ.

2 Korinti 7:11

Bɛ jǝ́ dʌng kaltǝm nǝl nɨ Kwaama a dǝg a mʊgɔ nǝl jeni, a maa jemi. Jǝ́ swɨ lɛ jǝ́ maa jʊ nɨ dǝngdǝngɨ. Jǝ́ swɨ lɛ jǝ́ nʊng jǝ́ maa bɔ bwɨlangkɛl. Jǝ́ nyʊwa nabwɨl a bwɨlangkɛlɔ ga maaɨ. Jǝ́ ta kang a nyiyo a jʊ ga maaɨ. Jǝ́ swɨ lɛ jǝ́ kuwo nǝn. Jǝ́ swɨ lɛ jǝ́ maa jʊ mǝ sʊwa jeni. Jǝ́ mwɛ nǝb bwɨlangkɛlɔ dangǝn. A golantɨn nɨ, jǝ́ nʊng mɨ jen nǝn bwɨlangkɛl.

Filibii 1:17

A nǝb wuleni, jǝ sʊwa kɛl Kiristii a gola swɨtǝm dul, ke bɔ nǝlɔ win, jǝ swɨ lɛ ja nɨ ɨ gaalan a mʊgɔ lɔsomi.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

2 Timoti 1:15

Ń nyǝm nyɔ, pʌd nǝbɔ a tǝm Asiyaɨ ja yǝla mɨ gul, Fijalas jǝbɔ Harmajanas wo a kʊm jin.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

2 Timoti 4:15

Mɔ tǝmʊn bɛ ń kɨla gǝn. A kɔ kɛl nɨ bǝ kiyo lɛɨ.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.