2 Timoti 3:8 - Dadiya NT

⁸ Kanga Yanisu jǝbɔ Yambarisu ja gun tʌgo a Musa gǝmɨ, a na nyɔ nǝb mɛlalɨ gabakɛl nɨ a gun tʌgo a bɨlǝngkɛlɔ gǝmɨ, n nǝbɔ a lɛla a bʊʊlalɨ nyanɔ gǝmɨ, nǝtǝm bɨlǝngkɛl jinɔ n jǝl nǝn kwan.

2 Timoti 3:8 ပူးပေါင်းရင်းမြစ်များ

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

1 Timoti 4:2

Nǝb nɨ mɛla kanjǝl nɨ lɛɨ jǝ maa lɛ na mɛlalɨ bɨlǝngkɛl jǝ mɛla lɛɨ, n fento, wʊnɨ nǝl jinɔ a bʊlam bʊlamɨ mǝ ja twɨ nǝn kemʌn shilo.

1 Timoti 6:5

Nǝngǝn nǝn gʊbkatǝm kɛl bwɨlan jǝbɔ nǝb nɨ bʊʊlalɨ jinɔ mɨ a nyiyo jǝlɨ, bɨlǝngkɛlɔ a bǝla ji. Nǝb nɨ kuwo lɛ gɔ bwangtǝm Kwaamaɨ n gola nyatǝm shiloi.

2 Timoti 4:15

Mɔ tǝmʊn bɛ ń kɨla gǝn. A kɔ kɛl nɨ bǝ kiyo lɛɨ.

Titus 1:10

Jʊ a bwɨ mǝ sʊwa nyɨɨ, nǝb bǝngɨ lɔlɔ wo a lada, jǝbɔ nǝb sʊwalatǝm kɛl nǝn kwan, jǝbɔ nǝb swagtǝm nǝbɨɨ, a ga keli a nǝb bwangtǝm kɛl biyotǝm mwɛn nɨɨ.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Dʊgam Nyangnyang 2:6

A mʊnɔ ń maa dǝngdǝng mʊ kɔ maajɨ Nikolatawaɨ, wʊnɨ mǝ tǝmɨ mǝ kɔɨ.