2 Timoti 3:16 - Dadiya NT

¹⁶ Pʌd mʊlalɨtɨn kɛl Kwaamaɨ n fǝbǝm Kwaamaɨ, maa jǝ nyan nɛ a mɛlalɨ, jǝbɔ gʊtǝm lɔl, jǝbɔ fɛtǝm bʊʊlalɨ, jǝbɔ mwɛl a maajɨ nɨ dǝngdǝngɨ,

2 Timoti 3:16 ပူးပေါင်းရင်းမြစ်များ

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

Matta 21:42

Yesu a sʊwa ji gɔ, “Jǝ́ kiyo bɔ wo a mʊlalɨ langǝn bwangǝn Kwaamaɨ ka? Wʊnɨ sʊwa lɛ gɔ, “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ. Jʊ nɨ n maatǝm Tɛlalɔɨ, n jǝ laatǝm kang a daa bǝn woi.’

Matta 22:43

Nǝngɔ Yesu a sʊwa ji gɔ, “Dauda nǝn kwaan Yʊwa Kwaamaɨ, a jo gǝn gɔ, ‘Tɛlalɔ,’ a maa nyǝn? Dauda gɔ,

Matta 26:54

Laa jǝ maa nyǝn jǝ yii mʊlalɨ kɛl Kwaamaɨ nɨ lɛ a sʊwa gɔ, kanjǝl nɨ bwɨ nyɨɨ?”

Matta 26:56

Jʊ nɨ gwam a bwɨ sǝ mʊlalɨ nǝbkuwotǝmkǝgagɨɨ a yii.” Nǝngɔ bɛtɔ mɛlalɨ gǝnɔ gwam ja mwala ja bǝla gǝnɨ.

Markus 12:24

Yesu a sʊwa ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag.

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Yohana 10:35

Bǝ nyǝm mʊlalɨ kɛl Kwaamaɨ mɨsɔ kʌbo lɛ. Kwaama a sʊwa gɔ nǝbɔ gǝ nǝ ji twama gǝnɨ ‘n kwaamatɨn.’

Yohana 3:20

Nǝb nɨ gwam maa bwɨlang maajɨ lɛ a kɔ nyalǝmɨ, mɨsɔ jǝ bɛ lɛ a daagɔ nyalǝmɔ woi, kage ja nʊng maajɨ jinɔ nyangnyang.

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Maajɨ Bɛtɔ Twamagɨɨ 18:25

Ja mɛla gǝm a mʊgɔ gola Tɛlalɔɨ. Mɨ nǝn fiyel a mʊgɔ kɛl. Gǝ mɛla mɛla bɨlǝngkɛl nyangǝn a dul Yesui. A nyǝm yʊtǝm mwɛ sagsag Yohanaɨ kwaagɔ.

Maajɨ Bɛtɔ Twamagɨɨ 20:20

“Mǝ bǝla bɔ sʊwatǝm jenɔ jʊ nɨ maa jem tɨkalɨ lɛɨ. Mǝ kiyo jem kɛl Kwaamaɨ lɛ jǝbɔ mɛlalɨ gǝnɔ a talɨ, lɔ jǝbɔ lɔ.

Maajɨ Bɛtɔ Twamagɨɨ 20:27

jʊ a bwɨɨ mǝ ta bɔ sǝ n sʊwa jen kɛl Kwaamaɨ gwam.

Maajɨ Bɛtɔ Twamagɨɨ 28:25

Ja jǝlaka bɔ a dul kɛl. Ja bǝla bɔ daa gɔ, nǝngɔ Bulus a sʊwa kaa kɛl win gɔ, “Yʊwa Kwaamaɨ a sʊwa bɨlǝngkɛl. A sʊwa tʊgalam jenɔ kɛl a nyiyo Ishayaɨ nǝkuwotǝmkǝga gɔ,

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Roma 2:20

mʊ nʊ nɨ mʊ ga nǝb nɨ lɛ a swɛla swɛlaɨ, mʊ mɛla bɛtɔ dwalǝnɔ gǝm lɛɨ, jʊ a bwɨɨ a mʊgɔ diilɔ mʊ nǝngǝn nǝn nyǝmtǝm jǝbɔ nyǝmtǝm bɨlǝngkɛl nyangǝn.

Roma 3:2

Gǝ maa maa nyɔ a golantɨnɔ a lada! Nǝn tɨkǝga Yahudawagɔ nǝji Kwaama a jǝla nǝn ji a nǝ ji kɛl gǝnɨ.

Roma 4:23

Ja mʊla gɔ, “Ja kiyo gǝn n nǝ dǝngdǝng,” ja mʊlam bɔ gɔ kwaagɔ.

1 Korinti 12:7

Kwaama a nǝ pʌd bǝnɔ win win lǝma Yʊwa gǝnɔ, sǝ bǝ tɨkaka nǝn.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Ibranii 11:1

Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

Ibranii 3:7

N dul kɛl nɨ, kanga Yʊwa Kwaamaɨ a sʊwa gɔ, “Dwiyen na jǝ́ nyʊwa diil gǝnɨ,

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.