2 Timoti 3:11 - Dadiya NT

¹¹ Ń nyǝm gʌtǝmɔ jǝbɔ gaalanɔ mǝ nɔɔ tagɨ, wʊnɨ a nya ɨ a Antakiya, jǝbɔ Ikoniya jǝbɔ Listiraɨ, gaalan nɨ mǝ kʊ nǝlɨ. Tɛlalɔ a jǝg ɨ a kʊm jin pʌd.

2 Timoti 3:11 ပူးပေါင်းရင်းမြစ်များ

Maajɨ Bɛtɔ Twamagɨɨ 13:14

Ja shu a kǝga Pagaɨ, ja shu a Antakiya a tǝm Bisidiyaɨ. Nǝn Kum Fǝbtǝm nǝngɔ ja dɔ mʊgɔ kan mɛlalɨgɔ ja yɨɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Maajɨ Bɛtɔ Twamagɨɨ 14:8

Kaa nǝl wo a Listira, wʊnɨ naa gǝnɔ a swam swamɨ. Mɨ gǝ yɔ yɔm lɛ. Jʊ a ta nǝn kwama bʌtʌm gǝnɨ.

Maajɨ Bɛtɔ Twamagɨɨ 20:19

Mǝ bwangtǝn Tɛlalɔ lɛ nǝn shigtǝm dul, nǝn mwɛ num. N bwa nǝl nǝn tɛltǝm nɨ Yahudawagɔ maa mɨ lɛɨ a mʊgɔ fɛkalɨ bwɨlan jinɔ gǝmɨ.

Maajɨ Bɛtɔ Twamagɨɨ 23:10

Kutʌmɔ a gun a kwam nyɨɨ, nǝngɔ dalɨ dʊʊ sʊwajaam nɨ a nyʊwa taal gɔ ka ja wʊla Bulus. Nǝngɔ a dǝg sʊwajaamɔ a yo Bulus nǝn kwaan a daa ji woi, ja shu nǝn a kʊtʊgadi.

Maajɨ Bɛtɔ Twamagɨɨ 26:17

Mǝ bʊʊ bʊʊ nǝn mɔ a daagɔ nǝbam mʊnɔ woi, jǝbɔ nǝb nɨ n Bʌtʌbi, nǝb nɨ mǝ twam ń nɛ a daagɔ ji woi.

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

Roma 15:31

Jǝ́ maa mɨ keli sǝ n nya bʊʊtǝm a daa nǝb nɨ a kɔ yotǝm Kwaamaɨ a Yahudiyaɨ. Jǝ́ maa mɨ keli tag sǝ nǝb bwangtǝm nɨ a Urushalimaɨ, ja yo tɨkalɨ nɨ mǝ yilo jim nǝn a kang mɨɨ.

2 Korinti 1:5

Kanga bǝ nɔɔ gaalan nɛ a ladaɨ, wʊnɨ dǝngdǝng kanga Kiristi a nɔɔɨ, jǝ yʌb bǝm nǝl nyɔ a gola Kiristii.

2 Korinti 1:7

Yatǝm nǝl nǝnɔ a daa jen woi, a kwam, jʊ a bwɨɨ nǝn nyǝm kanga jǝ́ mʊrka dul jǝbɔ nǝn a mʊgɔ nɔɔtǝm gaalanɨ, yǝlam nyɔ jǝ́ mʊrka mʊrka dul jǝbɔ nǝn a mʊgɔ yʌbtǝm nǝl.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.