2 Timoti 2:16 - Dadiya NT

¹⁶ Bɛ ń tɨ a kʊta kʊtaɨ a sʊwalatǝm kɛl nɨ bɛ lɛ nǝn kaltǝm kɛl Kwaamaɨ. Gǝ dǝg dǝg nǝbɔ a sʊtǝn maatǝm kanjǝl nɨ mɨ dʊʊl Kwaama lɛɨ.

2 Timoti 2:16 ပူးပေါင်းရင်းမြစ်များ

1 Korinti 15:33

Ka ja swag jen nɛ! “Yɨm jǝbɔ nǝb bwɨlan gǝ kal kal nǝ nya.”

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

1 Timoti 4:7

Bɛ ń kɔ shinitɨn nɨ bɛ lɛ nǝn kaltǝm kɛl Kwaamaɨ, jǝbɔ fʌto katɨ nɨ mɨ a golaɨ. Bɛ ń mwɛ dul mʊnɔ a bwangtǝm Kwaamaɨ.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

Titus 1:11

N dǝngdǝng ja ga jim wulong ja yɨ shig, jʊ a bwɨɨ jǝ kal nǝbɔ lɛ a lɔ nǝn lɔ a gola mɛlalɨ nɨ a bʊm bɨɨ, sǝ ja nyam kemʌn.

Titus 1:14

kage ja ya nǝl a jǝfʊlǝn Yahudawagɨɨ, jǝbɔ diil nǝbɨɨ, nǝb nɨ kɔ bɨlǝngkɛlɔ lɛɨ.

Titus 3:9

Bɛ ń tɨ a kʊta jǝbɔ katɨ nɨ mɨ nǝn duli, jǝbɔ gʊbkatǝm a kɛl kiyotǝm tʊgam, jǝbɔ kʊkkan, jǝbɔ kɨlan a kɛl dul diil. Gwam jʊtǝb nɨ mɨ ji nǝn kaa bwili wo, n maajɨ nǝn kwan.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 2:2

Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 13:3

Win a mʊgɔ dultɨn gǝnɔ gǝm maamɔ ja nyʊwa gǝm twɨla bwɨla, n twɨla bwɨla nɨ na jʌ gǝn nɛɨ. Nǝngɔ a gun a twɨla bwɨla nɨ gǝmɨ. Nǝbɔ yoolii gwam a ta kang a nyiyo, jǝ bwang yʊwal bwɨla nɨ gǝm lɛ.